|
|
Бүген кемнәр туган
|
|
Архив
|
15.04.2019 Мәдәният
Камаллылар "Алтын битлек"тәИртәгә Мәскәүдә Зур (Большой) театр сәхнәсендә "Алтын битлек" милли премияләрен тапшыру тантанасы була. Гаяз Исхакый әсәрләре буенча Айдар Җаббаров сәхнәләштергән "Тормышмы бу?" спектакле премиянең 6 номинациясенә дәгъва кыла. Татар театры беренче тапкыр зур формадагы спектакль өчен номинациягә үтте. Камал театры Татарстан драма театрлары арасыннан 2017/2018 еллар сезонында "Алтын битлек" номинацияләрендә катнашучы бердән-бер театр. Әлеге номинациядә, шулай ук, БДТ (Андрей Могучий), Гоголь-үзәк (Кирилл Серебренников, Алексей Агранович), Ленсовет исемендәге театр (Юрий Бутусов), Сатира театры (Максим Аверин), Вс.Мейерхольд исемендәге үзәк (Андрей Бурковский, Юлия Пересильд) һәм башка театрлар җиңүгә дәгъва кыла.
Спектакль "Алтын битлек" кысаларында Россиянең Дәүләт академия Малый театры сәхнәсендә 15 гыйнварда күрсәтелде. Театр тәнкыйтьчеләре аны югары бәяләде.
Анна Степанова (Мәскәү ш.): «Мин татар әдәбияте классигы Исхакый хикәяләре буенча Җаббаров ясаган инсценировка текстларындагы авыл тормышының кешене юкка чыгаруы хакындагы диалоглардан аерым бер ләззәт кичердем... Минем яраткан артистым Искәндәр Хәйруллин, "Алтын битлек" номинанты, кечкенә малайдан башлап, шактый өлкән гаилә башлыгына кадәр, бер кеше гомерен үз эченә алган бик катлаулы рольне башкарды. Искитмәле итеп... Минем өчен әлеге спектакльдә татар театрларына хас булмаган эротизм зур яңалык булды. Мин мондый күренешнең моңа кадәр булганын хәтерләмим. Бик үзенчәлекле спектакль».
Андрей Пронин (Санкт-Петербург ш.): «Алтын битлек" номинациясе бу спектакльгә лаеклы бирелгән. Фәрит Бикчәнтәев, соңрак Сергей Женовач укучысы Айдар Җаббаров прозага инсценировканы да бик уңышлы ясаган, балет биегән кебек оста итеп рольләрен башкаручы артистлар коллективы белән дә тиешле дәрәҗәдә эшләгән. Сәхнәләр алышынгандагы күренешләр генә дә театр сөючеләрнең күзләрен иркәли… Җаббаров спектакле - көнкүрешнең ачы тамаша булуы, бик тиз үтеп китүче мәгънәсез тормышның абсурдлыгы хакында. Диагональ тезелгән телеграф баганаларына якын торучы агачка электр тоташтырылса да, баганаларга кадәр чыбыклар сузылмый калган. Бу метафора - прогрессның килеп җитә алмавын, яисә килсә дә, кеше язмышларын үзгәртергә сәләтсез булуын аңлатучы күренеш».
Елена Черемных (Мәскәү ш.): «Беренчеләрдән, борын салындырып, "Тормышмы бу?!" диюче - хаксыз булачак. Чөнки шундый акыллы, тере, заманча спектакльләр - бу үзе тормыш. Ниндидер яңалыкның тууын дәлилләүче чын тормыш. Бу очракта Айдар Җаббаров исемле искитмәле режиссер һәм эзләнүче, эксцентрик һәм психолог туу!.."
--- |
Иң күп укылган
|