• 15.06-25.06 Әлдермештән Әлмәндәр. Театр кукол "Экият"
  • 24.06 StandUp show ТНТ. Brand new show. Татнефть Арена 19:00
Бүген кемнәр туган
  • 21 Июнь
  • Ренат Галиаскаров - шагыйрь
  • Ранил Шәрифҗанов - клипмейкер
  • Кәрим Кара - язучы
  • Сергей Собянин - дәүләт эшлеклесе
  • Фәнзилә Сабирова - актриса
  • Виктор Цой (1962-1990) - рок-музыкант
  • Мунча бурасы сатып алам, идән-түшәм, түбә кирәк-яраклары белән. Тел.: 8-9874221206. Азнакайга якын булсын, Башкортстаннан булса бигрәк әйбәт. Июнь аенда гына (2021) шалтыратырга.
  • Казан шэхэрендэ Ахунов урамы, балалар булмэсе очен Лазурит фабрикасы мебеле сатыла (бик яхшы хэлдэ). Мебель бер ике ишекле кием шкафы, ике берэр ишекле -куп булемле кием шкафы, ике киштэле полка, ике кроватьлы йокы урыны (астагы кровать тартып чыгарыла), ике ортопедический матрац белэн, хэм язу-компьютер остэле (тумбочка, полкалы) жыелмадан (набордан )тора. Бэясе килешу буенча. Жыелган килеш алып киту момкинчелеге бар. Сутеп тэ алып китэргэ була. Тел. 8-9172-76-06-15
  • Сдам 2х комнатную квартиру на длительный срок по улице Ак. Глушко (Азино) порядочной семейной паре без вредных привычек, в квартире все есть для проживания, рядом школа, садик, остановка, ТЦ Мега, квартира теплая, соседи тихие, имеется два балкона. Иностранцев прошу не беспокоить! 16+ку 89276725927 (собственник).
  • Селикатный кирпеч сатыла.89179215414
  • "Яшьлек" метро станциясе янында, Энергетиклар урамы 2/2 йортында урнашкан тулай торак бүлмәсендә яшәүче кызга бүлмәдәш кыз эзлибез. 1 июльдән. Бүлмәдә яшәү өчен кирәкле бөтен җиһаз да бар. Душ этажда. Барлык сораулар буенча: 89050215173 телефонына шалтыратырга
  • Телэче районы Шэтке авылында йорт сатыла. 89534073195
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Даими эшкә бухгалтер кирәк.Казан.89270386051
  • Казан шәһәре Ибраһимов проспектындагы 37 йортның 2 катында урнашкан 13 кв.м бүлмә сатыла. Телефон:89274000105
  • Услуги ассенизатора. 89172681882. Камаз - 10 кубов. Откачка и вывоз жидких бытовых отходов, из сливных ям, канализации,септиков, автомоек.

 

 
 

 
Архив
 

               

27.03.2019 Җәмгыять

Казанда яшәүче Кадерия Гәбделбәрова: «Өемдә трактор гүли»

Редакциябезгә Казаннан Кадерия Гәбделбәрова шалтыратты. «Безнең өйдә тавыш. Гөрләп эшләгән тракторны хәтерләтә. Кайчак, әллә соляркасы бетә шунда, туктап та ала, аннан тагын эшли башлый, юньләп йоклап та булмый, нишләргә дә белгән юк», – диде укучыбыз, уенын-чынын бергә кушып. Эшнең нидә икәнен ачыкларга теләп, Кадерия апаларга юл тоттык.

Укучыбыз беренче катта яши. Подъездга керүгә, чит-ят тавышларга колак сала башладым. Кайдадыр су челтерәгәне ишетелә, өске катларда музыка тавышы яңгырый. Кадерия апа фатирына кергәч тә, ул әйткән «трактор тавышы»н ишетмәдем әле мин. Әллә тынган чагы булды, алай дисәң, укучыбызның колагы бик сизгер, ул ишетә. «Черки тавышын да тоям мин, әнә бит гүләп тора, хәзер балаларым да кунакка килгәч, оныкларны монда яткырмыйлар, сабыйлар ул тавыштан куркып уяна», – ди Кадерия апа, йокы бүлмәсендәге диванга ишарәләп. Тавыштан котылу өчен, укучыбыз махсус колакчыннар да ясаган. Чүпрәк колакчыннары белән колакларын томалап куя да, яулыгын бәйләп йокларга ята. Тик сәгать төнге икеләрдә кабат уяна икән. Аннары аптырагач, «трактор тавышы»н басар өчен, телефонындагы музыкаларны тыңлый. Шулай йоклап китә. «Мин уянганчы, телефон җырлап тора, аз булса да ярдәм итә», – ди Кадерия апа.
 
Укучыбызга – 65 яшь. Тумышы белән Саба ягыннан. Хәзер лаеклы ялда, яшьлегендә кем булып кына эшләмәгән ул, «Камаз» да төзегән, трикотаж фабрикасында да хезмәт иткән, ташчы да, завод хезмәткәре дә, җыештыручы да булган. Ул чакларны бүген дә яхшы хәтерли. «Корсагы борынына җиткән авырлы хатын-кызлар да таш салалар иде, ул вакытта куркынычсызлык кагыйдәләренә әллә ни зур игътибар бирелмәгәндер инде, бер инвалид Сара апа бар иде, мәрхүмә, биеклеккә гел ул менә иде», – дип искә ала Кадерия апа. Укучыбызның оста кулына сокланырлык. Өйдә ремонтны да үзе ясаган ул, бәйли, чигә, соңгы биш-алты елда интернет белән дуслашкан. «Балаларым, өйдә берүзеңә күңелсез булмасын, дип өйрәттеләр. Шундый рәхәт нәрсә. Бөтен сорауларыма җавапны шуннан табам, интернет ярдәмендә дөрес тукланырга өйрәндем», – ди Кадерия апа. Көндәлек менюсы бик гади: иртән – сыр, май белән ипи, чәй, төш вакытында кәбестәле итле бер котлет ашый, печенье белән чәй эчә, кичкә – салат, майсыз кефир. Майонез, бәрәңге ашамый. Шикәр комын да бер генә кашык сала. Кадерия апа ире белән дүрт бала тәрбияләп үстергән, ике кызы игезәк, тормыш иптәше күптән вафат. Биш оныгы бар.
 
«Тавыш булмаганда рәхәт, баш та авыртмый, колак пәрдәләрем тынып тора. Хәзер яз килгәнне көтәм инде, бәлки җылылык беткәч, тавыш тынар», – ди укучыбыз. Бу тавышның килеп чыгу сәбәпләрен ул үзенчә фаразлый, аларын да интернеттан укып белгән. «Хәзер күп кешеләр пластик тәрәзәләр куйдыртып бетерде, нәтиҗәдә фатирларда һава иркен йөрми, вентиляция әйбәтрәк эшләсен өчен, подвалга мотор куйганнар, күрәсең. Безнең йорт яңа түгел бит инде, ничә тапкыр су басты, мөгаен, идәнебез юкаргандыр, шуңа тавыш ишетеләдер», – ди Кадерия апа.
Бу мәсьәлә буенча без әлеге йортка хезмәт күрсәтүче «Уютный дом» идарәче компаниясендә баш инженер Рамил Шәрифуллинга мөрәҗәгать иттек.
 
– Вентиляция системасын яхшырту өчен, подвалга мотор куйганыбыз юк. Куелган очракта да ул өске катка урнаштырылган булыр иде. Әлеге фатирда өч урында тавышны үлчәдек. Нәтиҗәдә, тавыш күрсәткечләре санитар нормаларга җавап бирә, – диде Рамил әфәнде.
 
Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге җитәкчесе Марсель Шаһидуллин аңлатуынча, әгәр дә тавыш күршеләрегездән ишетелә икән, 2010 елның 12 гыйнварыннан кабул ителгән «Төнлә гражданнарның тынычлыгын саклау турында»гы 3нче номерлы законга таяна аласыз. Аның нигезендә эш көннәрендә – 22.00дән 6.00гә кадәр, ял һәм бәйрәм көннәрендә сәгать 22.00дән 9.00гә кадәр тавышланырга ярамый. Ягъни бу вакыт аралыгында тавышын каты ачып телевизор карау, радио, магнитофон тыңлау, сигнализация тавышы, музыка уен коралларында уйнау, сызгыру, җырлау, кычкыру, тынычлыкны боза торган башка гамәлләр эшләү тыела. Тәртип бозган кешеләр, Татарстанның Административ хокук бозулар турындагы кодексының 3.8нче маддәсе нигезендә, 500 сумнан 1 мең сумга кадәр штрафка тартылалар.
 
Рәсемдә: Кадерия апа, тавыштан котылу өчен чүпрәктән үзе ясаган колакчаннар киеп утыра.
Автор фотосы

Эльвира МОЗАФФАР
Шәһри Казан
№ --- | 27.03.2019
Шәһри Казан печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar