|
|
Бүген кемнәр туган
|
|
Архив
|
25.03.2019 Җәмгыять
«Җырлыйк әле»нең элеккеге алып баручысы 1 ел эчендә 8,5 млн сум акча эшләп Porsche алган (ФОТО)ТНВ каналында чыгучы «Җырлыйк әле» тапшыруын бер ара Равил Галиев белән Эльвира Әхтәмова алып бара иде. Эльвира шуннан соң кияүгә чыкты һәм Мадияровага әйләнде. Декретта утырганда ул чәлтәрле (сетевой) бизнеска керергә өлгергән һәм тиз арада журналист хезмәт хакы белән чагыштырганда шактый зур акча эшләргә өлгергән. “Матбугат.ру”га билгеле булганча, Эльвира Мадиярова 1 ел эчендә 8,5 миллион сум табыш алган. Һәм үзен шатландырып, шушы көннәрдә генә 4,2 млн сумга Porsche Macan автомобиле сатып алган. “Бу машинага үзем эшләдем, әтием дә, ирем дә алып бирмәде, шуңа горурланам”, - ди Эльвира.
“Җырлыйк әле”нең экс-алып баручысы сүзләренчә, челтәрле бизнеста уңышка ирешүенә башта әтисе һәм әнисе генә ышанган, хәтта ире дә ышанмаган. Аннары ире дә шунда кереп киткән. “Пирамида бу, кач аннан диючеләр дә, мин шалтыратканда трубканы алмаучылар да күп булды,” – ди Эльвира.
Затлы машина алуы белән Эльвира Мадиярованы без дә котлыйбыз. Өстеңдә тузсын!
4,2 млн сумлык Porsche Macan
Айдар һәм Эльвира Мадияровлар
Элек Эльвира "Җырлыйк әле"не алып бара иде
--- |
Иң күп укылган
|