|
|
Бүген кемнәр туган
|
|
Архив
|
18.03.2019 Бәйрәм
Нәүрүз 2019: 23 март көнне бәйрәм кунакларын ни көтә23 март көнне Казанда республикакүләм Нәүрүз бәйрәмен билгеләп үтәчәкләр. Иң оста пешекчеләр пылау һәм шашлыкны төрле халыклар рецепты белән пешерү буенча мастер-класс оештырачак. Татарлар, әзербайҗаннар, әфганнар, казахлар, кыргызлар, башкортлар, таджиклар, үзбәкләр, төрекмәннәр, төрекләр һәм Татарстан халыклары яшьләр Ассамблеясе вәкилләре милли аш-су белән сыйлыйячак, иҗади чыгышларын күрсәтәчәк.
Балалар һәм олылар өчен тематик мәйданчыклар эшләячәк:
Төп сәхнәдә Татарстан халыклары Ассамблеясенең милли берләшмәләр коллективлары һәм артистлары, татар эстрадасы башкаручылары катнашында концерт программасы барачак;
Теләге булган һәркем «Ачык микрофон» дип аталган махсус мәйданчыкта үз осталыгын һәм талантын күрсәтә алачак;
Шулай ук һәркем традицион милли уеннарда катнаша алачак. Катшанучылар һәм җиңүчеләргә милли тәм-том һәм бүләкләр өләшенәчәк;
Ипподром бинасының беренче катында этно-маркет эшләячәк.
Бәйрәм 23 март, шимбә көнне 10:00 сәгатьтә башланачак, рәсми ачылыш — 12дә.
Бәйрәм Казан шәһәре Башкарма комитеты һәм ТР Мәдәният министрлыгы булышлыгы белән Татарстан халыклары Ассамблеясе һәм Халыклар дуслыгы йорты тарафыннан оештырыла.
--- |
Иң күп укылган
|