|
|
Бүген кемнәр туган
|
|
Архив
|
05.03.2019 Хәвеф-хәтәр
Казанда Оргсинтез янындагы складларда янгын чыккан (ФОТО)Төнлә Казанда Оргсинтез янындагы промзона складларында 5,5 мең кв метрдан артык мәйданда янгын чыккан. Бу хакта «Татар-информ» мәгълүмат агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр. Химическая урамындагы промзонада янгын чыгу турында хәбәр 112 номерына 23.11 сәгатьтә килгән. Складларда агач һәм җиңел ялкынсынган сыеклык сакланганга күрә, янгын вакытында өченче югары авырлык дәрәҗәсе игълан ителгән.
6.35 сәгатькә янгын тулысынча сүндерелгән, дип яза Татар-информ.
Янгын нәтиҗәсендә һәлак булучылар һәм зыян күрүчеләр юк. Сәнәгать зонасы территориясендә янгын сүндерү өчен 141 кеше һәм 39 берәмлек техника җәлеп ителгән. Ут биш мең ярым квадрат метрдан артык мәйданда агачлы складларны колачлаган.
--- |
Иң күп укылган
|