Хәй Вахитның тууына 100 ел тула

Иртәгә – 23 гыйнварда Биектау районында драматург Хәй Вахитның тууына 100 ел тулуга багышланган чаралар уза.

Чараларда танылган драматург, прозаик, Татарстанның атказанган сәнгать эшлеклесе, Гаяз Исхакый,  Саҗидә Сөләйманова, Гамил Афзал исемендәге әдәби премияләр лауреаты, Татарстан Язучылар берлеге рәисе Данил Салихов; танылган шагыйрь, драматург, прозаик,  Татарстанның атказанган сәнгать эшлеклесе, Абдулла Алиш исемендәге әдәби премия лауреаты Рафис Корбан; танылган  прозаик,  Татарстанның атказанган мәдәният хезмәткәре, Абдулла Алиш исемендәге әдәби премия лауреаты Солтан Шәмси; шагыйрь, Муса Җәлил исемендәге Республика премиясе  һәм Һади Такташ исемендәге әдәби премия лауреаты, Татарстан язучылар берлеге рәисенең иҗат эшләре бунча урынбасары Рәмис Аймәт;  әдәбият галиме, филология фәннәре докторы, КФУ профессоры Ләйлә Минһаҗева; танылган  прозаик,  Татарстанның атказанган мәдәният хезмәткәре, Абдулла Алиш, Саҗидә Сөләйманова исемендәге әдәби премияләр лауреаты Ләлә Гыймадиева; яшь шагыйрь, Төркиянең Намык Кемаль  исемендәге әдәби премия лауреаты, Татарстан китап нәшриятының бүлек мөхәррире Рифат Сәлах; яшь язучы, «Казан утлары» журналының бүлек мөдире Айсылу Имамиева катнашачак.