|
|
Бүген кемнәр туган
|
|
Архив
|
16.11.2018 Мәдәният
Тинчурин театрында зур премьера көтелә21-22 декабрь көннәрендә Кәрим Тинчурин театрында зур премьера - "Син бит минем бергенәм" спектакле көтелә. Спектакльнең режиссеры - РСФСР ның атказанган, Татарстанның халык артисты - Исламия Мәхмүтова.
Рәссамы - Татарстанның атказанган сәнгать эшлеклесе - Гыйлметдинов Ленар.
Композиторы - Татарстанның атказанган артисты - Ләйсән Мәхмүтова.
Хореографы - Татарстанның халык артисткасы - Чулпан Закирова.
Спектакльдә катнашалар - Татарстанның халык артисты – Ләлә Миңнуллина. Татарстанның атказанган артистлары – Гүзәл Гарәпшина, Люция Галләмова, Лилия Мәхмүтова, Ренат Шәмсетдинов, Ирек Хафизов.
Яшь артистлар – Булат Зиннәтуллин, Айсылу Мөсәлләмова, Гүзәл Галиуллина, Салават Хәбибуллин.
Саф, якты, иң тәүге мәхәббәт Айнурны үлем кочагыннан коткара. Аны сөйгән Алинәнең дә хисе сүрелми яна, Айнур исеме аның күңел түрендә. Ләкин язмыш аларны аера. Алинә белән Айнур югалтуларга тап булып, соңлап кына очрашалар. Бер-берсен өзелеп сөйгән ярларның язмышларына фаҗига булып кергән сугыш йөрәкне тетрәндерә. Чөнки ул безнең ил фаҗигасы: бабалары үлә Германда, аталары – Бөек Ватан сугышында, абыйлары – Әфганстанда, газиз уллары, сөйгән ярлары һәлак була Чечняда…
--- |
Иң күп укылган
|