• 11.04 "Микрофонсыз концерт". Казан. БКЗ. 18.00
  • 14.04 "Безнең җыр" иҗат лабораториясенең гала-концерты. Филармония. 18:30
  • 20.04 Вәис Бәйрәмовның иҗат кичәсе.Филармония. 18.30
  • 29.04 Фердинанд Фәтхинең юбилей концерты. Филармония. 18.30
Туган көннәр
  • 09 Апрель Айрат Арсланов
  • 09 Апрель Эльмира Исрафилова
  • 09 Апрель Рифкать Йосыпов
  • 10 Апрель Зөфәр Закиров
  • 10 Апрель Айрат Арсланов (1928-2010)
  • 10 Апрель Александр Долгов
  • 10 Апрель Рафис Фазылҗан
  • 10 Апрель Фәридә Төхвәтуллина
  • 10 Апрель Камил Бикмөхәммәтов
  • 10 Апрель Бикә Рәхимова
  • Казанның Проспект Победы урамында барлык уңайлыклары булган 1бүлмәле фатир арендага бирелә. янәшәдә МЕГА, мәктәп, балалар бакчасы. 12мең+КУ. 89375777702
  • Азнакай районында 7,5 га чәчүлек җир сатыла. 89600451800
  • Продаётся доильный аппарат МДУ5 на 2 козы б/у. Тел. 89172553973
  • Казанның Г.Кайбицкая урамында барлык уңайлыклары булган 1бүлмәле фатир арендага бирелә. 12мең+КУ.т.89196307461.
  • Ике булмэле фатирга бергэ яшэргэ бер кыз эзлим. Ибрагимова урамында. 4500 сум. Хужа. +79179361290 (ватсап)
  • Ф.Әмирхан урамында 1 бүлмәле фатыйр озак вакытка арендага бирелә. 13 мең сум. Телефон 89872974229
  • Казан.Губкина урамында 1 булмэле кв.озак вакытка арендага бирелэ.Барлык унайлыкларда бар.17 мен сум .Собственник. 89534003932
  • Актаныш,ярылган каен утыны сатыла! Телефон:89274777038
  • Ркб ягыннан квартира или булма снимать итабез тел 89393923808
  • Кама Тамагы районы, Сатлыган авылында йорты белэн участок сатыла. Янэшэдэ генэ кул бар, бик матур урында урнашкан. Жире 25 сутый. Тел 89053163640.

 

 
Архив
 

               

26.09.2018 Мәдәният

Тинчурин театрында милли драматургия театр фестивале үтә

30 нчы октябрь-6 нчы ноябрь көннәрендә чираттагы Кәрим Тинчурин исемендәге IX Халыкара милли драматургия театр фестивале үтәчәк. Быел ул К.Тинчурин исемендәге драма һәм комедия театры оешуга 85 ел тулуга һәм К.Тинчуринның тууына 131 ел тулуга багышлана.

Фестивальнең программасында: 
 
30 нчы октябрь – К. Тинчурин – “Соңгы әсәр”, спектакльнең режиссеры – Заһидуллин Р.М. – баш режиссер, РФ Атказанган артисты, ТР Атказанган сәнгать эшлеклесе  – К.Тинчурин исемендәге Татар дәүләт драма һәм комедия театры.
 
Илдә хәтәр тарихи вакыйгалар барган көннәрдә яшь талантлы язучы Сөләйман Тимербаев бер чибәр кызга гашыйк була. Әмма сөю утында янган егет бер мизгелдә барысыннан – эшеннән, торагыннан, паспортыннан, акчасыннан, дусларыннан мәхрүм кала. Тормышының фаҗигале көннәрендә, ул ярдәм өмет иткән кешеләр аны сата, ә бөтенләй чит-ят булганнар исә ярдәм кулы суза. Егет берничә тапкыр үлем белән күзгә-күз очраша, әмма соңгы мизгелдә аны мәхәббәт коткарып кала!

31 нче октябрь –  Б.Сәлахов – “Яратылмый калган ярлар” – спектакльнең режиссеры – И. Казакбаев – Яр Чаллы Татар дәүләт драма театры.
Кешелек өлешенә тигән Бөек Ватан сугышы газаплары еллар үтү белән, ерагая бара. Хезмәт лагерьларында ачлыктан, суыктан, мәсхәрә ителүдән, кеше күтәрә алмаслык эш газапларыннан кырылган үсмерләр, хатын - кызлар санын беркем дә әйтә алмый. Рус кызы Катя, немец кызы Анна – Мария, татар кызы Илсөярне дә язмыш хезмәт лагеренда очраштыра. Беркөнне, кызлар, түзеп булмаслык эш шартларына чыдый алмыйча , качарга карар кылалар...
 
1 нче ноябрь – Майоров-Шкетан Я. – “Эренер”, спектакльнең режиссеры – Алексеев Р. – баш режиссер, МЭР Халык артисты – М. Шкетан исемендәге Мари милли драма театры. 
 
Спектакльдәге вакыйгалар, узган гасырның 20 нче еллар уртасында, мари авылында бара. Яңа көчләрнең үзгәртеп коруга көрәше, милли интеллигенциянең уянуы  –  авыл тормышының күппланлы картинасын тудыра. Төп герой – Эвай Петр, крестьян улы, берничә ел урал заводында эшләгәннән соң, туган ягына кайта. Ул үзенең уйлары, эш-гамәлләре белән эшче крестьян тормышын үзгәртүгә омтыла.
 
2 нче ноябрь – Р. Рәшидов – “Гуглахай”, спектакльнең режиссеры –  Ибрагимов М.А. – О. Батырай исемендәге Даргин дәүләт музыкаль драма театры.
 
Спектакльнең төп героинясы – Гуглахай – урманда яшәүче, әкияти кош. Ул барысына да бәхет һәм мул уңыш китерә. Ләкин аңа үзенең кошчыкларын, урманны саклар өчен, кансыз бүрегә бирергә туры килә. Соңгы кошчыгын биргәннән соң, Гуглахай ярдәм сорап, чабанга мөрәҗәгать итә, ә аның дусты – акыллы төлке, үзенә тылсымлы көчен биргән, әкиятчене чакыра. Менә шунда, усал бүрене җиңәр өчен, хәйләкәр план туа. Упкынга очканнан соң, бүре үлә һәм ул ашаганнар – барысы да, иреккә чыга. Әлеге әкияттә яхшылык яманлыкны җиңә һәм, хәтта бүре дә, финалда сихри юл белән терелә һәм үзенең хаталарын аңлап, урман җәнлекләренең дустына әверелә.
 
2 нче ноябрь – К.Тинчурин – “Сүнгән йолдызлар”, спектакльнең режиссеры – Гарипова Р.И. – К.Тинчурин исемендәге Татар дәүләт драма һәм комедия театры.
 
1914 ел. Вакыт һәм тарихи вакыйгалар кеше тормышларын җимергәндә, бар җирдә котылгысызлык һәм явыз тәкъдир хакимлек иткәндә, халык язмышлары күптән хәл ителеп куелганда  —  азак  котылгысыз… Һәм бары тик  көчле, эчкерсез, тирән Мәхәббәт кенә Үлемне дә җиңәргә сәләтле…
 
3 нче ноябрь – Ф.Искәндәр – “Куяннар һәм буар еланнар”, спектакльнең режиссеры – Аргун М. – С.Чанба исемендәге Абхаз дәүләт драма театры.
 
Сәгать ярым гына баручы әлеге спектальнең декорациясен һәм костюмнарын рәссам Алексей Шервашидзе-Чачба минималь куллана: җиңелчә йөзе агартылган “куяннар”ның башларына газета битләреннән ясалган башлык кигерелгән, ә  кара киемле “буар еланнар” исә үзләренең корбаннарын кечкенә ятьмә ярдәмендә йоталар. Ләкин гади бизәлешле әлеге спектакль безне чолгап алган чынбарлыктагы катлаулы фәлсәфи диалоглар, монологлар белән сугарылган һәм ул кешеләр арасындагы каршылыклы буталчык мөнәсәбәтләр турында сөйли.

4 нче ноябрь – У.Азим – “Таң сызылган җирдә”, спектакльнең режиссеры – Халмуминов А. – Үзбәк милли академия драма театры.
 
Инсценировка нигезендә, хәзерге заман тамашачысын җәлеп итәрлек, әхлакый башлангычлы гыйбрәтле хикәя ята. Спектакльдә кешеләр арасында булган гади мөнәсәбәтләр аша кешелеклелек өчен әһәмиятле иң зур хисләр – Туган илеңә, анага, балага мәхәббәт турында бәян ителә. Спектакль геройлык, лирика, хисләр поэтикасы белән сугарылган. Боларның барысы да акрын сәхнә ритмында яшәгән геройларның авыр язмыш борылышларында чагылыш таба.
 
5 нче ноябрь – А.Гыйләҗев – “Кичер мине, җирем!” (“Өч аршин җир”) – спектакльнең режиссеры – Майнагашев Ю.М. – ХР Атказанган артисты, ХР Атказанган сәнгать эшлеклесе – А.М. Топанов исемендәге Хакасс милли драма театры.
 
Спектакль илебезнең барлык халыклар фаҗигасен колачлый. Вакыйгалар тулы бер чорны – ЯЭП, коллективлаштыру, Бөек Ватан сугышы һәм җепшеклек вакытларын үз эченә ала. Бер-берсен сөйгән Андрус белән Алтынахны язмыш бик күп сыный. Әтисеннән мирас булып калган җирне, совет хөкүмәте тартып ала. Әле кичә генә дуслар булып йөрүчеләр бүген инде аны санга сукмавы, аның рөхсәтеннән башка әтисенең бар мөлкәтенә хуҗа булулары Андрусны бик нык рәнҗетә. Ул кешеләрнең бу гамәлендә мәкерлек һәм көнчелек күрә...
 
Ләкин туган якны сагыну сагышы аларга тынгылык бирми. Андрус һәм Алтынах туган якларына кайтырмы? Кайткан очракта аларны авылдашлары гафу итәрме? Туган җир аларны кабул итәрме?
 
6 нчы ноябрь – Ә. Еники – “Гөләндәм туташ хатирәсе”, спектакльнең режиссеры – Заһидуллин Р.М. – баш режиссер, РФ Атказанган артисты, ТР Атказанган сәнгать эшлеклесе  – К.Тинчурин исемендәге Татар дәүләт драма һәм комедия театры.
 
Театр тарихында иң беренчеләрдән булып, татар халкының бөек композиторы – Салих Сәйдәшевның тормышындагы вакыйгалар сәхнәләштерәләчәк. 
 
2018 нче елның 6 нчы ноябре –  К.Тинчурин исемендәге Татар дәүләт драма һәм комедия театрының туган көне. Быел К.Тинчуринның рухи фатихасы белән оешкан театрыбызга 85 яшь тула. Шул уңайдан театр туган көнендә, театрның баш режиссеры – Россиянең атказанган артисты, Татарстанның атказанган сәнгать эшлеклесе Рәшид Заһидуллин тарафыннан  күренекле әдип Ә.Еникиның “Гөләндәм туташ хатирәсе” әсәре күрсәтеләчәк (И.Галим инсценировкасы). Шунысы мөһим: 2019 нчы елның 2 нче мартында татар әдәбияты үсешенә саллы элеш керткән олы язучыбыз Әмирхан Еникиның тууына 110 ел тула һәм әлеге спектакль шушы юбилей уңаеннан сәхнәләштерелә.
 

---
Тинчурин театры
№ --- | 26.09.2018
Тинчурин театры печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казанская филармония
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
Милли Музей
Фирдүс Тямаев
Татаркино
Ханский дом
Балмай
Раяз Фасихов
MINBAR
Глобэкс промоушен
Dj Radik