• 25.09-26.09 Фестиваль новой этнической культуры народов Поволжья — «Итиль». На территории Центра семьи «Казан». С 12:00 до 20:00
  • 28.09 Премьера! "АК ЧӘЧӘКЛӘР КЕБЕК...",12+, Кариев театры,18:30
  • 28.09 Премьера! "Бәхетле көнем", 3+, Кариев театры. 11.00, 13.00
  • 06.10 "Хикмәт әкиятләре", 6+, Кариев театры, 13.00
  • 06.10 "Болгар радиосы" концерты. КДК "Ленина", 18:30
  • 07.10 Премьера! "Бәхетле көнем", 3+, Кариев театры, 13.00
  • 07.10 "Тапшырыл...ган хатлар", 12+, Кариев театры, 18.30
  • 08.10 "Супер кияү", 12+, Кариев театры, 18.30
  • 09.10 "Кәҗүл читек", 6+, Кариев театры,13.00
  • 09.10 "Нигез ташлары", 12+, Кариев театры, 18.00
  • 10.10 Премьера! "Ак чәчәкләр кебек...", 12+, Кариев театры, 18.00
  • 13.10 "Озын-озак балачак", 12+, Кариев театры, 18.30
  • 15.10 "Сәлам, Актәпи", 3+, Кариев театры, 13.00
  • 15.10 "Мәхәббәт күгәрченнәре", 12+, Кариев театры, 18.30
  • 16.10 20ел TATAR RADIOSI. Татнефть Арена. 18.00
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 10.11 Валерий Меладзе. Татнефть Арена. 19:00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Сентябрь
  • Вадим Усманов (1946-2014) - композитор
  • Тимерҗан Кәлимуллин (1961-2016) - көрәшче
  • Гөлүсә Исмәгыйлева - журналист
  • Җәлил Фазлыев - дин әһеле
  • 26 сентябрьдэн 1 булмэле квартира снимать итэм.Центрга якын тирэдэ/Вахитовский, Советский р-ннан/.Укучы кызга.89393159285.
  • 25 сентябрьлэрдэ студент кызга 1 булмэле квартира арендаларга кирэк булачак/ Вахитовский/Советский районнан/центрга якын тирэдэн Аграрный университетка якын булсын иде/Бюджет 17-18мен, тирэсе.
  • 2 булмэле фатирнын 1 булмэсенэ тэртипле татар кызы кертэм.ДК Химиков каршында. 1нче октябрьдан. 89272469637
  • Татарстан урамында урнашкан йортта 2 булмэле фатир арендага бирелэ.Барлык унайлыклары хэм жихазлары да бар. Телефон +79172757475.
  • Подселенига бер кыз эзлибез. Ибрагимова урамында 2 бүлмәле кв.(Тандем янында) Ватсап: 89871854511
  • Сдаётся чистая, уютная комната в 2-х комнатной квартире на улице Фучика. Развитая инфраструктура, удобная транспортная развязка, рядом ТЦ Франт. Открывается прекрасный вид с балкона(15 этаж). Вся необходимая мебель и техника имеется. В другой комнате проживают две девушки. Ищем воспитанную, платёжеспособную девушку без вредных привычек. 9000 руб. все вкл. Заселение с 1 октября. WhatsApp 89372902288.
  • Казаннын Зэкиев урамында 2 булмэле фатир арендага бирелэ. Яна домда. Барлык унайлыклар да бар. 89274880627 (ватсап) Риэлтор тугел. 18 мен.
  • Услуги ассенизатора. КамАЗ-10 кубов. 89172681882. Откачка и вывоз жидких бытовых отходов (ЖБО), выгребных ям, септиков, уличных туалетов, колодцев. Аварийная откачка. Шланги 40 метров. Цены от1200 в зависимости от отдаленности очистных сооружений.
  • Сдается однокомнатная квартира в Казани на улице ак.губкина(советский район) +7(905)023-89-59
  • Авиатөзелеш районында урнашкан Горбунов исемендәге СНТ-11 дә җир участогы сатыла, су, ут бар, киләчәктә газ кертү дә планлаштырыла. Тел. 89274031387
 
 

 
Архив
 
25.09.2018 Мәдәният

Гүзәл Сәгыйтова «Калеб»не кемгә тапшыра һәм Кариев театрын нинди яңалыклар көтә?

4 октябрь көнне Габдулла Кариев исемендәге Казан Татар дәүләт яшь тамашачы театры яңа сезонын ача. Бу ел театр өчен чыннан да үзгәрешләр алып килде. Беренчедән, театр яңа, үз бинасына күченде. Икенчедән, биредә хәзер яңа директор – Гүзәл Сәгыйтова. Яңалыклар әле моның белән генә чикләнми...

Җәлилдән – Исхакыйга кадәр
 
– Дулкынланабыз. Һәрбер театр сезоны ул – актерлар, режиссерлар, җитәкчелек өчен көтеп алынган вакыйга. Безнең Кариев театры өчен бу аеруча да дулкынландыргыч сезон. Мин әле эшкә тотындым гына. Иҗат эшенә бик кысылмыйм. Миннән ниндидер зур үзгәрешләр көтәләр, ләкин «үзгәреш» дигән сүз белән бик сак булырга кирәк. Театрның электән килгән традицияләрен дә онытырга ярамый, – ди Гүзәл Сәгыйтова.
 
Кариев театрының баш режиссеры Ренат Әюпов сүзләренчә, бу сезонда премьералар «парады» булачак.
 
– Бердәм Россия партиясенең «Кече шәһәрләр театры» проекты кысаларында өч премьера әзерлибез. Бер спектакль Гаяз Исхакыйның «Кәҗүл читек» хикәясе буенча куелачак. Аны без җиде яшьтән өлкәнрәк тамашачы өчен әзерлибез. Күптәннән «Ләйлә-Мәҗнүн» спектаклен куярга хыялланып йөри идек. Спектакльнең сценариен Луиза Янсуар эшли. Безнең сорау буенча Камил Кәримов «Егет сүзе чын алка» спектакленә пьеса язды. Ул хатын-кызлар хоккее турында үсмерләр өчен сатирик комедия булачак, – ди Ренат Әюпов.
 
Яшьләр театры быел тагын өч спектакль кую өчен грант откан. Димәк, якын киләчәктә Муса Җәлилнең «Джим» поэмасы, Чарльз Диккенсның «Оливер» мюзиклы, Кэтрин Эпплгейт «Креншоу» әсәрләре дә сәхнәгә менәчәк. Бу спектакльләр шуның белән дә үзенчәлекле – аларны Илсур Казакбаев, Илдар Гатауллин кебек яшь, үзгә карашлы режиссерлар куячак. Бу эксперимент репертуарга яңа кан кертү өчен башкарыла. Шул ук максаттан театр февраль аенда яшь режиссерлар лабораториясен оештырачак.
 
– Яшүсмерләр проблемасына да игътибарыбыз зур. Быел наркомания афәтенә тукталдык. Зиннур Хөсниярнең «Ут чәчәге» пьесасы буенча спектакль куячакбыз. Бу шулкадәр авыр эш булды. Без спектакльнең хәтта өч вариантын эшләдек. Спектакль 26 октябрьдә булачак. Бу – театраль сезонның беренче премьерасы, – ди Ренат Әюпов.
 
Ә «Калеб» кая китә?
 
Гүзәл Сәгыйтова җитәкләгән «Калеб» проекты да театрга шактый гына яңа сулыш өргән. Ләкин әлегә җитәкчелек «Калеб» белән Кариевны кушып бетерергә уйламый.
 
– Әлегә юрист белән сөйләшүләр алып барабыз. Татарстанның мәдәният министры Ирада Әюпова баштарак «Калеб»не Кариев театры филиалы буларак күргән иде. Ләкин филиал булу өчен аның Казаннан читтә булуы кирәк. Мин театрга эшкә килгәч, бер яктан «калеб»леләр шикләнде. Икенче яктан театр артистлары: «Калеб» килә, ә без ни эшләрбез?» – диде. Әлегә, ике проектка да зыян салмыйча, алтын урталыкны табып эшләп торабыз, – ди Гүзәл Сәгыйтова.
 
Шулай да Кариев театрының афишасына күз салсак, инде «Калеб»тә танылган проектларга да юлыгырга була. Әйтик, тиздән шагыйрә Йолдыз Миңнуллина шигырьләре буенча хореограф Нурбәк Батулла шигъри, биюле спектакль куячак. Аның «Алтын битлек» театраль премия яулаган «Әлиф» спектакле дә афишада урын алган.
 
– Гүзәл килгәнче, мин: «Кариев театрына барыгыз», – дип, халыкны өнди идем. Хәзер «Безгә килегез!» – дим. Мин театрга якынайдым. Төп проектларымнан тыш, театрда актерларга тренинглар, осталык дәресләре дә алып барам. Максатым – безнең иҗат төркемен яңа формат актерларына әверелдерү. Шулай ук спектакльне төрле белгечләр белән анализлау эшен дә башлап җибәрәсем килә, – ди Нурбәк.
 
Шулай ук «Калеб» таныткан яшь шагыйрьләрнең иҗатын Кариев актерлары башкарачак. Видеоязмалар социаль челтәрләрдә таратыла.
Элек «Калеб» мәйданында гына күрергә мөмкин булган яшь композиторлар да театрга килгән. Яшь композитор Миләүшә Хәйруллина «Кәҗүл читек»кә музыка иҗат итәчәк. Ильяс Камал, Зөлфәт Вәлиуллин да премьерага әзерләнә. Заманында Эльмир Низамов та, «Калеб» аша танылып, Камал театры сәхнәсенә «Көтәм сине», «Мәхәббәт FM» спектакльләре белән күтәрелгән иде бит.
 
– «Калеб» – минем исем белән генә бәйле булмасын иде. Ул мине пиарлау түгел, аның максаты – яшь иҗатчыларны таныту. Бер яктан минем театрга килүем яхшыдыр да әле. Мин «Калеб»не хәзер Йолдыз Миңнуллинага тапшырам, – диде Гүзәл Сәгыйтова.
 
«Тамашачыбызны кайтарасы калды»
 
Кариев театры элеккеге традицияләренә дә тугры калырга тырыша. Шуның үрнәк бер мисалы – мәктәп укучылары арасында оештырылган «Сәяр» театр фестивале. Быел ул да зурлап оештырылачак.
 
– Театрда «Балачак студиясе»н дә эшлисебез килә. Ул элеккеге китапханә урынында булачак. Билгеле бер сәбәпләр аркасында, без, чегәннәр кебек, җиде ел урамда йөрдек. Йортың булмаса, традиция дә сакланмый, кунак та чакыра алмыйсың, кеше почмагында үзеңә кирәкле әйбер дә күрсәтеп булмый. Курчак театрының концерт залында спектакль куйдык. Менә шул әйберләр театрның бөтен атмосферасын боза. Ул булган тамашачыны да куркытып бетерде. Хәзер йортыбыз да, труппабыз да, репертуарыбыз да бар. Инде тамашачыны гына кире кайтарасы калды, – ди Ренат Әюпов.
 
Кариевлылар шулай ук үзгәрә торган трансформер-сәхнә дип хыяллана. Аның ярдәмендә тамашачы урынын да, сәхнәне дә төрле форматка китереп булачак.
 
– Кече сәхнәдә төрле эксперименталь спектакльләр куймакчы идек, ләкин әлегә бу эшне башкарып булмый. Рөхсәт юк, – ди Гүзәл Сәгыйтова.
 
Ренат Әюпов та «театр диварларына кадак та кагарга ярамый!» дип зарлана.
– Минем иң зур җиңү – Ленин монументын Кариевныкына алмаштыру. Башта аны алырга каршы чыктылар, соңыннан Ленинны Кариевка әйләндермәкчеләр иде. Аннан гына алып аттылар, – ди баш режиссер.
 
Бинага зур үзгәрешләр кертергә ярамаса да, җитәкчелек, аңа яшьләр рухы кертәчәкбез, ди.
– Без дизайнерлар арасында бәйге игълан иттек. Безгә сайт, логотип, афишаларны төзү буенча фикерләр кирәк. Шулай ук театр фойесын үзгәртәсебез килә. Әйтик, фойены зоналарга бүләргә уйлыйбыз. Анда китап уку, фотога төшү урыннары булырга мөмкин. Танышларым да: «Балаларга спектакль ошый, ә менә фойегыз кызык түгел», – диләр. Красноярск балалар театрында антракт вакытында актерлар тамашачы белән чиратлашып китап укый. Бәлки без дә премьера вакытында шулай эшләрбез. Ләкин театрыбызны күңел ачу мәйданына гына кайтарып калдырмаячакбыз. Театр беренче чиратта ул – рухи азык, – ди Гүзәл Сәгыйтова.
 
Афиша
 
4 октябрь «Куян Эдвардның гаҗәеп сәяхәте» (Кейт диКамилло, Н.Кәримова тәрҗ.) (6+)
Башлана: 13.00
 
5 октябрь «Гашыйклар утравы» (Р.Сәгъди) (12+)
Башлана: 18.00
 
6 октябрь «Убыр шоу» (З.Хөснуллина) (0+)
Башлана: 12.00
 
«Артист» (Р.Зәйдулла) (6+)
Башлана: 18.00
 
7 октябрь «Саранлыктан дәва» (В.Илюхин, Х.Уразова тәрҗемәсе) (0+)
Башлана: 12.00
 
«Бер мәхәббәт тарихы» (Р.Шәриф) (12+)
Башлана: 18.00
 
8 октябрь «Бию юлында» (12+)
«Калеб» яңа буын җыены проекты
Башлана: 19.00
 
11 октябрь «Мәхәббәт күгәрченнәре» (В.Гуркин, Х.Ибраһим тәрҗ.) (12+)
Башлана: 18.30
 
12 октябрь «Башмагым» (Т.Гыйззәт) (6+)
Башлана: 18.30
 
13 октябрь «Алмачуар» (Г.Ибраһимов, Ф.Галиев инсц.) (12+)
Башлана: 13.00
«Супер кияү» (Т.Миңнуллин) (12+)
Башлана: 18.00
 
14 октябрь «Алхимик» (П.Коэльо) (12+)
Башлана: 13.00
«Нигез ташлары» (Т.Миңнуллин) (12+)
Башлана: 18.00
 
15 октябрь «Әлиф» (12+)
Нурбәк Батулла куйган пластик спектакль
Башлана: 19.00

Алисә ШӘРӘФИЕВА
Шәһри Казан
№ --- | 25.09.2018
Шәһри Казан печать

Фикерләр

Исем:
E-mail:
Текст:
 
▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar