поиск новостей
  • 25.06 "Рөстәм маҗаралары". Кариев театры, 18:30
  • 26.06 "Гөлчәчәк". Кариев театры, 20:00
  • 27.06 "Яратып туялмадым". Кариев театры, 18:30
  • 28.06 "Суперкияү". Кариев театры, 18:30
  • 29.06 "Әлифба: Хәрефләр дөньясында". Кариев театры, 11:00
  • 29.06 "Матур City". Кариев театры, 18:00
Бүген кемнәр туган
  • 25 Июнь
  • Венера Гәрәева (1943-2020) - педагог
  • Мансур Хәсәнов (1930-2010) - галим
  • Кыям Миңлебаев (1929-2005) - журналист
  • Наҗия Теркулова (1929-2016) - җырчы
  • Резидә Макуева (1962-2023) - журналист
  • Клара Таҗиева - музыка белгече
  • Роза Сәхаветдинова - композитор
  • Артур Шугаепов - җырчы
  • Диван ике кресло сатыла. Коричневый төстә Уртача хәлдә. Бәясе 4.000. Казан шәһәре. 89033133608
  • Кулланышта булган өч ишекле, антресольле шифонер сатыла. Әйбәт хәлдэ. Коричневый төстә. Бәясе 4 мең. Казан шәһәре. 89033133608
  • Продаётся 1 комнатная квартира в жк светлый 44.6 кв метров
  • 19.06.2024. Кулланышта булган өч ишекле, антресольле шифонер сатыла. Әйбәт хәлдэ. Коричневый төстә. Бәясе 4 мең. Казан шәһәре.
  • Услуги автокрана 89179171171
  • Ассаляму алейкум уа рахматуллах уа баракатух. Кукмара р-ны Тубэн Оскебаш авылында ой сатыла. Бик матур жирдэ урнашкан. Умартачылык б.н шогеллэну очен менэ дигэн урын. 89179341809
  • Балалар эчен, 0-3 яшькэ кадэр,Коляска Адамекс 2в1 сатам. КАЗАН КИРЭК БУЛСА КИТЕРЕП КИТЭБЕЗ.89957664503
  • Закиева, МИнск, тирэсендэ 1 булмэле квартира снимать итэм. 89377734777
  • Вахитов районы Хороводная 50 квартирада ремонт эшләту сәбәпле мебель сатыла (прихожая шкафы, кухня гарнитуры, ишекләр, лоджия ишекләре тәрәзәләре белән, газ плитәсе). Тел. 89655886559
  • Куплю газовые плиты работала недорого телефон 89274745077
Архив
 
11.08.2018 Мәгариф

Татар теленә... курчак өйрәтәчәк

Уен-муен эш түгел бу! Татарстанда саф татар телендә сөйләшүче уенчыклар җитештерүне җайга салмакчылар. Бу хакта Татарстан Президенты Рөстәм Миңнеха­новның халыкны кабул итүеннән соң билгеле булды.Республика башлыгы Россия Президентының Татарстандагы иҗтимагый кабул итү бүлмәсендә шәхси мәсьәләләр буенча мөрә­җәгать итүчеләр белән аралашты.

Рөстәм Миңнехановтан яр­дәм сорап килүчеләр арасында Питрәч районының Богородское авылыннан бер кочак курчак күтәргән Эльза Хөс­нетдинова да бар иде. Укучыларыбызга ул яхшы таныш. Мөсел­ман курчаклары иҗат итүче эшмәкәр турында язган идек инде. Хәзер исә Эльза Хөснетди­нованың курчаклары татарча җырлый башлаган әнә.
 
“Татарстан Президентының туган телебезне саклауның әһә­мияте турындагы, моның өчен һәркем үзен­нән өлеш кертергә тиеш, дигән сүзләрен ишеткәч, татар телендә сөйләшүче уенчык ясау теләге туды. Мөселман курчакларын дүрт елга якын иҗат итәм. Эш җайга салынган дисәм дә була, шуңа күрә курчаклар ясауны тагын да җәел­дерергә булдым”, – дип сөйләде “ВТ” хәбәрчесенә Эльза Хөснет­динова. Татарча сөй­ләшүче курчаклар иҗат итү­не Питрәч районы җитәк­челеге дә хуплаган. Эш­мәкәргә тәүге уенчыкларны иҗат итүгә киткән чыгымнарны капларга булышканнар. Татар курчагы исәнлә­шеп кенә калмыйча, халык­ның яшәү рәвеше, милли аш-сула­рыбыз турында да шартлатып “сөйли” белә. Балаларга уйнарга кызыграк булсын өчен, уенчык­ның киемен алмаштырырга мөм­кин. Бәясе – өч мең сум чамасы. Тәвәккәл таш яра, ди: Эльза Хөс­нетдинова ирешкән уңышла­рында гына тукталып калмаган. Проект турында Президентка да сөйләде ул.
 
“Рөстәм Миңнехановка татарча сөйләшүче курчаклар бик ошады, – ди эшмәкәр. – Президент әйтүенчә, мондый уенчыклар балаларга кечкенәдән үк татар телен өйрәнергә ярдәм итә, милли горурлык хисе уята. Республика башлыгы ярдәм итәргә дә ышандырды. Ул Казан халык сәнгать кәсепләре һөнәри лицее белән хезмәттәшлек итү мөм­кинлеге турында әйтте”. Алга таба татарча сөйләшүче курчаклар республикадагы балалар бакчаларында да пәйда булмагае. Президент әнә шундый тәкъдим дә җиткергән. Республика башлыгы белән очрашудан соң, Эльза Хөснетдинованы Татарстан мәдә­ният министры Ирада Әю­пова белән очрашуга чакырганнар. Хәзер уенчык кызга иптәшкә татарча сөйләшүче малай җи­теш­терә башлау фикере дә бар. Аларга исемнәр дә уйлап тапмакчылар.
 
Халыкны кабул итү барышында Рөстәм Миңнехановка Буа районының Лашчы разъезды бистәсендә яшәүче мәктәп укучысы – спорт мәйданчыгы, башкалада ике баласын берүзе тәрбияләүче ана музыка белән шөгыльләнүче улына – баян, Мөслим районының Күбәк авылында яшәүче ишле гаилә – микроавтобус сатып алырга ярдәм сорап мөрәҗәгать итте. Президент мәсьәләне хәл итү җаен эзләп табарга сүз бирде.

Эльвира ВӘЛИЕВА
Ватаным Татарстан
№ --- | 11.08.2018
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»