• 05.10-22.10 2021-2022 хоккей сезоны. Татнефть Арена
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 29.10 Микулай, 12+, Кариев театры, 18:30
  • 30.10 Премьера!"Бәхетле көнем", 3+, Кариев театры, 11:00 һәм 13:00
  • 30.10 "Яратып туялмадым", 16+, Кариев театры, 18:00
  • 31.10 Премьера "Бәхетле көнем", 3+, Кариев театры, 11:00
  • 31.10 "Шәй-бу, Шай-бу!", 12+, Кариев театры, 18:00
  • 01.11 Юрий Шатунов. КСК "Уникс". 19:00
  • 02.11 "Хикмәт әкиятләре", 6+, Кариев театыр, 18:00
  • 03.11-07.11 Ришат Төхвәтуллин. Сула. КСК "Уникс"
  • 04.11 "Корт", 12+,Кариев театры, 18:00
  • 05.11 Премьера! "Бәхетле көнем", 3+, Кариев театры, 13:00
  • 05.11 "Мәхәббәт күгәрченнәре", 12+, Кариев театры, 18:00
  • 06.11 "Кәҗүл читек", 6+, Кариев театры, 13:00
  • 06.11 "Шәй-бу, Шәй-бу!", 12+, Кариев театры, 18:00
  • 07.11 "Сәлам, Актәпи",3+, Кариев театры, 13:00
Бүген кемнәр туган
  • 19 Октябрь
  • Рәүф Игъламов (1941-2016) - театр белгече
  • Рәсим Хаҗиев - журналист
  • Булат Ибраһим - шагыйрь
  • Заһидә Бурнашева (1895-1977) - шагыйрә
  • Телэче районы Шэтке авылында йорт сатыла.Газ, су кергэн. 89534073195
  • Торле породалы тавыкларны бик арзан бэягэ сатабыз. Кученеп киту сэбэпле 89274897219
  • В Казани семейная пара снимем однокомнатную квартиру, без детей и животных, РИЭЛТОРАМ ПРОСЬБА НЕ БЕСПОКОИТЬ!!! 89046705587(18+КУ)
  • Детскому саду №100 Советскому району требуются воспитатели,ст.медсестра адрес ул.Кирпичная 2а телефон 295-54-15
  • Исэнмесез! Ремонт стиральных и посудомоечных машин,качественно и с гарантией! Частный мастер Казань 89393369585 Радис
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
 
 

 
Архив
 
23.03.2010 Бәйрәм

УЛ ЭШЕНДӘ ДӘ БУЛГАН, ТОРМЫШТА ДА УҢГАН

Өлкәбезнең Большая Черниговка районында эчке эшләр бүлеге оештырылуга 75 ел тулды. Бүгенге көндә аны милләттәшебез, милиция полковнигы Хәмзә Юныс улы САЛЬКИН җитәкли.

Юбилей уңаеннан биредә бәйрәм тантаналары булып узды. Юбилярларны котларга күп мәртәбәле кунаклар да килгән иде. Шулар арасында Самара өлкәсе Эчке эшләр баш идарәсе начальнигы урынбасары милиция генерал-лейтенанты Юрий Супонев та булып, ул үзенең чыгышында әле Совет дәүләте аягына басып кына килгән 1935 елда өлкәбезнең иң көньягында, Казахстан белән чиктәш Большая Черниговка районында кечкенә генә, өч кешедән торган милиция бүлекчәсе оештырылуы турында әйтеп үтте. Нәкъ менә шушы бүлекчә бүгенге көндә 111 хезмәткәрне берләштерүче, заман таләпләре буенча җиһазландырылган, югары квалификацияле кадрлар белән тәэмин ителгән зур район идарәсенең башлангычы булып тора да инде.

 

Большая Черниговка милициясенең үткән тарихы, бүгенгесе һәм киләчәге турында 75 еллык юбилейга багышланган махсус фильм да эшләнеп, ул район Мәдәният йортында үткәрелгән тантаналы кичәдә катнашучыларга да күрсәтелде.

 

Беренче оештырылган көненнән башлап кечкенә генә милиция бүлекчәсе әкренләп зур район бүлегенә әверелә. Бигрәк тә бу үзгәрешләр сугыштан соңгы илленче еллар уртасына туры килә. Җинаять эшләрен тикшерү өчен, дәүләт милкен урлауларга каршы мөстәкыйль бүлекләр булдырып, район авыллары участокларга бүленеп, аларның барысы да тәҗрибәле милиция хезмәткәрләре белән тәэмин ителәләр.

 

Тик 1960 еллар башында районнар берләштерелү сәбәпле Большая Черниговка район милиция бүлеге дә бетерелеп, бу юнәлештәге бөтен эш күрше Большая Глушицага күчерелә. Шул елларда милициядә эшләгән ветераннарның сөйләвенчә, бу эксперимент көтелгән уңай нәтиҗәләргә китермәгән, әлбәттә. Бер ике-өч ел эчендә район авылларында җинаятьчелек күп тапкырга артып (бигрәк тә кибетләрне басу, күмәк хуҗалыкларның терлекләрен урлау очраклары), аларны ачу кимегән. Шуңа күрә дә 1965 елда Большая Черниговка район милиция бүлегенең яңадан кайтарылуын, халык зур канәгатьлек белән каршы ала. Ә яңадан кайтарылган бүлекнең эшен җайга салу өчен, аның җитәкчелегенә күп көч куярга туры килгән, әлбәттә. Район бүлеге белән башта пенсиягә киткәнче 14 ел дәвамында подполковник Иван Сигалиев, аннан соң 17 ел Василий Завгороднев җитәкчелек итә. Тик соңгы буталчык елларда бүлекнең материаль базасы бөтенләй таушалып, көннән-көн таралып бара, җинаятьчелек исә гел артып кына тора. Аеруча район аша узучы нефть үткәргече торбаларына рөхсәтсез кереп, нефть суырту, халыкның терлекләрен урлау очраклары күбәйгәннән-күбәя. Шуларны истә тотып, 2007 елның маенда өлкә Эчке эшләр идарәсе җитәкчелеге Большая Черниговка муниципаль районының милиция начальнигы итеп милиция полковнигы Хәмзә Салькинны билгели.

 

Моңа кадәр 30 ел милициядә төрле җаваплы урыннарда хезмәт итеп, шуның беренче яртысында Алексеевкада дәүләт милкен урлаудан саклау бүлегендә, ә соңгы вакытларда район милиция бүлеге җитәкчесе булып эшләгән бу тәҗрибәле һәм абруйлы шәхес беренче көннән үк Большая Черниговкада да тәртип урнаштыруга керешә. Ике ел эчендә аның тырышлыгы белән милиция бүлегенең иске бинасына капиталь ремонт ясатылып, су кертелеп, мөстәкыйль җылыту системасы эшләнеп, милиционерларга бөтен уңайлыклары булган эш урыннары булдырыла. Бергә тупланып эшләү нәтиҗәсендә соңгы елларда районда тотрыклы тәртип урнаштырылып, ул бүгенге көндә дә саклана. Җинаятьчелек 30 процентка кимегән, ә аның 70 проценттан артыгының ачылуы да яхшы күрсәткеч.

 

– Моңа кадәр милиция эшенә сагаебрак караган район халкы, ә биредә 20 меңнән артык кеше яши бит, минем янга дөреслек эзләп күпләп килә башлады, – дип сөйләде үзенең хезмәте турында Хәмзә Юныс улы. – Без үзебездә эшләп киткән ветераннар белән дә еш очрашып, эшебездә аларның бай тәҗрибәсенә таянабыз. Аларга кулыбыздан килгәнчә ярдәм дә итеп торабыз.

 

Бу турыда да, гомумән эшләрнең ничек алып барылуы турында да, тантанада чыгыш ясаучылар бик күп тәфсилләп сөйләделәр. Ә Большая Черниговка районының эчке эшләр бүлеге хезмәткәрләре арасында төрле милләт вәкилләре – руслар белән беррәттән татарлар да, башкортлар да, казахлар да байтак. Мәсәлән, район бүлеге начальнигының урынбасары, тикшерүләр бүлекчәсе җитәкчесе булып, милиция капитаны Рузалия Рәхимова эшли. Җинаять эшләп шик астына алынучыларны вакытлыча тоту бүлекчәсен капитан Радик Гатауллин җитәкли. Башка бүлекчәләрдә дә татарлар һәм башкортлар бар.

 

Криминаль бүлекчәсендә – А. Гыйззәтуллин, җинаять эшләүчеләрне вакытлыча тоту бүлекчәсендә – Т. Миргалиев, С. Миргалиев, участок милиционерлары арасында М. Абдерахманов, В. Әхмәтов шулай ук яхшы исәптә торалар.

 

Биредә татарларны һәм башкортларны аерым билгеләп үтүебезнең сәбәбе, аларны башкалардан өстенрәк итеп күрсәтергә теләүдән түгел, билгеле. Шәп хезмәткәрләр, бөтен көчләрен, булдыклыкларын уртак эшкә бирүчеләр барлык милләт вәкилләре арасында да бик күп алар.

 

Безнең «Бердәмлек» газетасы – татарлар тормышын яктыртучы басма бит ул. Ә Хәмзә Юныс улы Салькин - шул бөек татар халкы улларының берсе. Ул кайда гына яшәсә дә, кем булып, кайда гына эшләсә дә, үзенең чын татар икәнлеген беркайчан да яшерми һәм онытмый.

 

– Татарларга ышанып та, таянып та була, алар беркайчан да хыянәт итмәячәкләр, – ди Хәмзә Юныс улы милләттәшләре турында.

 

Ул тумышы буенча күрше Ульян өлкәсенең Николаевка районындагы атаклы Зур Чирекле авылыннан. Әтисе Юныс абзый Сираҗетдин улы һәм әнисе Һәҗәр апа Сафиулла кызы авылда бик тә абруйлы кешеләр булып саналганнар. Юныс абзый гомере буе сәүдә тармагында – заготовитель булып эшләгән, ә Һәҗәр апа гомерен балалар тәрбияләүгә багышлаган.

 

Бүгенге көндә Зур Чирекледә алар яшәгән йортта башка кешеләр яши икән инде. Юныс абзый 48 яшендә гаиләсе белән Самара ягына күчеп китеп, Кинель районының Домашка авылына килеп урнашкан. Хәзер өлкән Салькиннарның икесе дә мәрхүмнәр инде, аларның вафатларыннан соң Домашкадагы йортлары ятим калган. Хәзер анда Салькиннарның кече энесе Хәнбәл яши.

 

Хәмзә әфәнденең Ильяс абыйсы Ульян өлкәсенең Чардаклы районында, ә апасы Халидә Самарада яши. Төрле урыннарда яшәсәләр дә, бертуган Салькиннар гаиләләре белән гел үзара йөрешеп, күрешеп, очрашып торалар. Әнә үткән елда Хәмзә Юныс улының 50 яшьлек юбилее уңаеннан туганнары барысы да бергә җыелышканнар иде.

 

 Салькиннар әти-әниләренең туган авылларын да онытмыйлар, җае туры килгәндә, гел кайтып торалар, – дип сөйләде Зур Чирекле авылы администрациясе башлыгы Айсә Йосыпов.

 

Беренче тапкыр Алексеевски районының «Авангард» совхозы клубында дискотекада очрашып, яратышып өйләнешкән Хәмзә белән Наилә Салькиннарның бергә яшәүләренә дә 25 ел үтеп киткән инде. Уллары Ринат та үсеп җиткән, югары уку йортын тәмамлап, хәзер Сызран шәһәре прокуратурасында прокурор ярдәмчесе булып эшли.

 

 Минем Хәмзәм – ул минем юл күрсәтүчем, – дип сөйли ире турында Наилә ханым, – мин аны чибәрлеге, пөхтәлеге, шаянлыгы, батырлыгы өчен, чын татар ире булуы өчен яраттым һәм яратам. Без һәрвакыт ялларны бергә үткәрергә тырышабыз. Буш вакыт булганда, бигрәк тә отпуск вакытында көненә 5-6шар чакрым йөгерә ул, ә кышын чаңгыда йөри.

 

Гомумән, Хәмзә Юныс улы үзе генә сәламәт тормыш алып бармыйча, моны башкалардан да таләп итә. Шуңа да милиция бүлегенең бөтен хезмәткәрләре дә диярлек ныклап спорт һәм физкультура белән шөгыльләнәләр, районнарда һәм авылларда үткәрелгән чараларда актив катнашалар.

 

Бу көнне район Мәдәният йортында Большая Черниговка милициясенең 75 еллык юбилеена багышланган тантаналы кичә зур бәйрәм концерты белән тәмамланды. Сәхнәдән рус сәнгать коллективларының чыгышлары белән беррәттән татар, башкорт моңнары да яңгырады. Аеруча Самараның танылган җырчысы Зөлфия Арсланованың җырлары Большая Черниговка районының милиция бүлеге җитәкчесе Хәмзә Юныс улы Салькинның күңеленә хуш килгәннәрдер. Самараның «Розалина» татар ашханәсе хуҗабикәсе Разия ханым Әюпованың бу кичәдә аңа өлкә татарлары исеменнән матур чәчкә бәйләме һәм зур чәкчәк бүләк итүе дә истә калырлык бер вакыйга булды.

 

 

 

Хәмзә Юныс улы САЛЬКИН (уңда) Большая Черниговка муниципаль районы башлыгы Виктор Федорович ЛАРЬКИН белән.


Рәфгать ӘҺЛИУЛЛИН
Бердәмлек
№ |
Бердәмлек печать

Фикерләр

Исем:
E-mail:
Текст:
 
№1 (39800) / 24.03.2010 12:38:35

Ну, матур язганнар, доресе шулай булса...

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar