24.07.2018 Матбугат

Миләүшә Сибгатуллина ТНВдан китә

«Манзара» тапшыруының редакторы һәм алып баручысы Миләүшә Сибгатуллинаның зәңгәр экраннардан китүе турында ел башында билгеле булды. "ТНВдан китмәдем. "Манзара" тапшыруының баш мөхәррире булып эшләвемне дәвам итәм. Ә экраннан китүемнең сәбәбе: яшьләр белән эшләү, яшьрәк аудиторияне җәлеп итү максатыннан", - дип аңлатты ул вакытта Миләүшә ханым "Матбугат.ру"га.

Инде менә ярты еллап вакыт үтүгә тагын яңалык: Миләүшә Сибгатуллина ТНВдан бөтенләй китеп, шәхси проект эшен җәелдерә.

Аның яңа «OSTA TATAR» проекты танылган, креатив, йолдыз булырга теләүчеләр өчен икән.

"ТНВ миңа канатлар куйды, халыкка танытты, мин бик рәхмәтлемен! Кеше бит "өлгергәч" башка чыга, шуның кебек мин дә үз юлымны табып, үз эшемне башладым", - дип утаклашты Матбугат.ру белән Миләүшә ханым.

Февраль аенда әлеге проект эше буенча Миләүшә Сибгатуллина журналистлар белән очрашкан иде. Шул чарадан бер видео:

Танылган, креатив, йолдыз булырга телисеңме? Миләүшә Сибгатуллина «OSTA TATAR» проектын тәкъдим итә: - Кешеләрне үз сүзенә ышандыруның 5 ысулы; - Публикадан курку хисен юкка чыгару серләре; - Телевидениегә «эләгү» өчен «3 адым»; - Аудиториягә тәэсир итү 9 февраль 17.00 сәгатькә "Корстон" бинасындагы Лермонтов залына рәхим итегез! Керү бушлай. Әмма алдан язылу мәҗбүри. Язылу өчен телефон: +7-917-259-16-40. Белешмә: Миләүшә Сибгатуллина - Филология фәннәре кандидаты - «Манзара» тапшыруы баш мөхәррире - 20 ел ТВ алып баручысы - КФУның Л.Толстой ис. Филология һәм мәдәниятара багланышлар институтында «Нәшрият эше һәм мөхәррирлек», «Әдәби әсәргә филологик анализ» курсларын укыткан. Яшь чикләве 12+

Публикация от Татарские новости Матбугат (@matbugat) 30 Янв 2018 в 6:22 PST

---
Матбугат.ру
№ --- | 24.07.2018