Ләйсән Гыймаева зоопаркка бушлай йөриячәк (ФОТО)

Ләйсән Гыймаевага күп балалы ана булуы турында дәүләт таныклыгы биргәннәр. Документы алгач ул Инстаграмга "бу таныклык нинди ташламалар бирә соң" дип сорау элгән иде. Җаваплар күп булган.

 

“Күп балалы гаиләгә бирелә торган таныклык нәрсә бирә соң?” – дигән сорауга иң күп килгән җаваплар:

- Балалар бакчасына чират тизрәк килеп җитә һәм айлык түләүнең 50% кире кайта.

- Моның белән зоопарк һәм музейларга бушка кереп була.

- 3-4 елдан соң 6 сутый җир бирәләр.

- Скоро электричкада һәм шәхәр транспортында бушка йөри алачаксыз.

- “Батутный центрлар”да 50% скидка.

- Кайбер кибетләрдә ташламалар, мәсәлән: мәктәп формасы бушка.

- Казанда бушка бер парковка урыны “оформлять” итеп була.

- Путевкалар, балалар лагере бушка. Ничек уйлыйсыз, бу льготаларны чыннан да кулланып буламы?" - дип язды Гыймаева 

 

Кайберүләр, әлбәттә, боларның барысы белән килешеп тә бетми яки барлыгын да белми. "Лагерь белән мәктәп формасынынң бушка килгәнен ишеткән дә юк", "Парковка урынын ничек алып була икән", "Кино турында белми идек, барырга кирәк әле" диючеләр дә, "Баланы хөкүмәт өчен тапмыйбыз, шөкер итеп, әзсенмичә генә яшик", дип язучылар да бар.