10.07.2018 Фаҗига

"Зиратка килгәч тә, синең юклыгыңа ышана алмыйм". "Булгария" һәлакәтенә 7 ел (ФОТО, ВИДЕО)

10 июль Иделдә "Булгария" теплоходының батуына җиде ел тулды. 122 кешенең гомерен алып киткән фаҗиганең ачылыгы әле дә шул килеш, сабыйларын, туганнарын югалтканнар әле дә бу кайгыга ышанып бетә алмый.

Бүген Кама Тамагы районының Сөйки авылында Идел яры буенда төзелгән мемориаль комплекста һәлак булганнарның туганнары, дуслары һәм Россия тарихындаы суда булган иң зур фаҗигаларнең берсенең нәтиҗәләрен бетерүдә катнашкан кешеләр җыелды. Алар арасында батучыларны коткарырга ярдәм иткән "Арабелла" теплоходының капитаны Роман Лизалин да бар иде, дип хәбәр итә Татарстанның Гадәттән тыш хәлләр министрлыгы. Аның экипажы 79 кешегә икенче гомер бүләк итә. Әмма 122 кеше, шул исәптән 28 бала мәңгелеккә китеп бара.

Мемориал һәлакәт урыныннан берничә километр ераклыкта казаның беренче еллыгында ачылган иде. Ул 122 үлгән пассажир һәм экипаж әгъзаларының исемнәре язылган стенадан, шулай ук часовня чиркәвеннән һәм мәчеттән тора. Мемориалны бүген чәчәкләргә күмделәр.

Бүген социаль челтәрләрдә дә "Булгария" фаҗигасен искә алдылар.

"Бу җиде ел бер көн кебек узды. Синең юклыгыңа ышанасы килми. Синең барлыгыңны тоям, менә-енә кайтып керерсең, шикелле. Зиратка килгәч тә, синең юклыгыңа ышана алмыйм. Тыныч йокла" дип язалар Инстаграмда кечкенә кыз турында.

Публикация от N A S T A S I A (@_nastasia.g_) 10 Июл 2018 в 12:55 PDT

---
Матбугат.ру
№ --- | 10.07.2018