|
|
Бүген кемнәр туган
|
|
Архив
|
29.06.2018 Әдәбият
Татарстан Язучылар берлеге янып көл булган Тайчы авылы китапханәсе өчен китап җыя21 июньдә Омск өлкәсе Тәвриз районында урнашкан татар авылы Тайчыда клуб һәм китапханә янып беткән. Әлеге авыл халкы китапханәне торгызырга ярдәм сорап мөрәҗәгать белән чыкты. “Янгынга кадәр китапханәдә дүрт меңгә якын китап саклана иде, шуларның бер өлеше – татар китаплары. Тайчыда 500-дән артык кеше яши, шул исәптән 105 бала. Китапханә яңадан халыкка хезмәт күрсәтә башласын өчен китап фондын торгызырга кирәк. Китапханә аеруча балалар китаплары һәм мәктәптә укыла торган классик әдәбият китапларына мохтаҗ. Моннан кала, авылда төрле белешмәләр, энциклопедияләр, журналлар сорыйлар" - диелә мөрәҗәгатьтә.
Әлеге китапханәгә без дә ярдәм кулы суза алабыз. Тапшырырга мөмкин булган китапларыгызны Татарстан Республикасы язучылар берлегенең (Казан шәһәре, Мөштәри урамы 14нче йорт) кабул итү бүлмәсенә китерергә мөмкин. Милләттәшләребезгә, китап укучыларга бергәләп ярдәм итик!
--- |
Иң күп укылган
|