• 11.04 "Микрофонсыз концерт". Казан. БКЗ. 18.00
  • 14.04 "Безнең җыр" иҗат лабораториясенең гала-концерты. Филармония. 18:30
  • 20.04 Вәис Бәйрәмовның иҗат кичәсе.Филармония. 18.30
  • 29.04 Фердинанд Фәтхинең юбилей концерты. Филармония. 18.30
Туган көннәр
  • 30 Март Рәшит Имашев (1939-2007)
  • 30 Март Рөстәм Килдебәков
  • 30 Март Рәдиф Гаташ
  • 30 Март Фатих Кәрими (1870-1937)
  • 31 Март Эльвира Гарипова
  • 31 Март Айрат Сибагатуллин
  • 31 Март Розалия Зәкиева
  • 31 Март Гөлназ Гыйльфанова
  • 01 Апрель Равил Кәримов
  • 01 Апрель Көлкебик Шаянов
  • Кама Тамагы районы, Сатлыган авылында йорты белэн участок сатыла. Янэшэдэ генэ кул бар, бик матур урында урнашкан. Жире 25 сутый. Тел 89053163640.
  • Авыл күкәе сатам (твыкныкы). 30 күкәйдән башлап бушлай китереп тә бирәм. Бәясе: 10 шт. - 70 сум. Гүзәл 89959816220 Казан).
  • АКТАНЫШТА СЕНЧЕК ХЭМ МАЛ ЧОГЕНДЕРЕ ОРЛЫГЫ САТЫЛА Т 8987413 8346
  • Актаныш.Жалюзи, Рулонные шторы, Москитные сетки (ремонт сеток), рольставни, римские шторы.89375814252 Айдар
  • Актаныш.тонировка бронь авто.89375814252
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Арча районы Курса-почмак авылы уртасында барлык уңайлыклары булган йорт сатам.37 сутый җире бар.Җиләк-җимеш бакчасы 16сут.каралган. тел.89510608150
  • Казанда 1 булмэле фатир озак вакытка арендага бирелэ. Дубравная-Проспект Победы . Барлык унайлыкларда бар. Холодильник, стиральная машина, мебель. 14000+ ком.усл. Собственник. 8-93-77-73-48-73
  • Бергэ квартира снимать итергэ иптэш егет эзлим,Усады Столбище(Аэропорт)якларыннан 89506660021 ват сап)
  • Суган орлыгы сатам. 150 сумнан. Казан. 89003222047

 

 
Архив
 

               

28.05.2018 Юмор

Интернетсыз ярты ел (юмореска)

Җирдән триллионлаган чакрым ераклыкта, галәмнең бер почмагында тиктомалга бик көчле энергия барлыкка килде. Кеше акылы җитмәслек, миллион джоульләрдәге бу энергия дулкын-дулкын булып бөтен галактикага таралды. Аның тәэсире күз иярмәс тизлектә Җиргә дә барып җитте. Секунд эчендә орбитадагы спутниклар сафтан чыкты, Җир шарындагы интернет, телевизорлар, бөтен мобиль элемтә чаралары эшләүдән туктады…

Ә бу минутларда табигатьнең гүзәл бер почмагында урнашкан Каенлык авылында унбиш яшьлек Зилә мәктәпкә җыена һәм көзге каршына басып, иреннәрен бөрештереп, телефон ярдәмендә үзен-үзе фотога төшереп азаплана иде. Алдан, арттан, астан, өстән… Егерме алты тапкыр «черт» иттергәч, кызый тиз генә арадан иң матурын сайлап алып ахирәтенә җибәрмәкче иде, фото никтер китәргә теләмәде! Телефонын селкетеп карады, сүндереп кабызды, өстәл өстенә менеп басып түшәмгә хәтле күтәрде – юк! Кызый сукрана-сукрана өйдән чыгып китте…
 
Авыл советы рәисе Вазыйхның күптәннән сыер савучы Галиягә күзе төшеп йөри иде. Һәрвакыт тәмле сөт исе килеп торган бу яшь хатын белән сөйләшкәндә өч бала атасының җиңелчә генә башы әйләнә, күкрәк турысын нидер кыздырып алгандай була. Курка-курка гына беренче СМСын җибәргәнен хәтерли әле Вазыйх. Һәм сулыш алырга да куркып көтеп утырганын. Әмма юкка курыккан булып чыкты – чытлыкланып язылган җавап хаты озак көттермәде. Вазыйхның бәхетенә, Галиянең ире дә мокытрак булып чыкты…
 
Бүген дә, йокыдан уянгач, урын өстеннән тормый гына сөяркәсенә хәерле иртә теләмәкче иде рәис, әмма изге теләге никтер тормышка ашмады. Йокылы күзләрен уыштыргалап, шулай ук телефонына үрелгән, янәшәсендә яткан хатыны да: «Уатсап эшләми-и-и!» – дип мыгырданды…
 
Мәктәп автобусына эш юклыктан гына утырды Хәбри. Шәхси «КамАЗ»ы барында рәхәт иде – тирес, туфрак төяп шәһәр тарафына күп чапты заманында. Уч тутырып акча алып кайта иде. Әмма ул бәхетле көннәр бигрәк кыска булды шул. Сабан туе көнне правасын алдылар Хәбринең. Әтәчле колгага «КамАЗ»ы белән менәргә маташкан вакытта… Аннан соң өч ел рульсез гомер. Аннары кризис, санкцияләр… «КамАЗ»ын сатып, малайны өйләндерү, кызны кияүгә бирүләр… Мәктәпнең сары автобусын башта ук яратмады Хәбри. «Бигрәк бәләкәй, – дип кашларын җыерды ул. – Моның белән цемент ташысаң гына инде…» Әмма сары автобуска навигатор куелган һәм цемент ташу түгел, бер метр читкә борылганыңны да районнан күзәтеп торалар булып чыкты. Монысын белгәч, бөтенләй кәефе кырылды абзыеңның. Тик – тамак гүргә кертә, ризалашты Хәбри. Ә инде автобус белән берәр кая илтүне сорап килүчеләргә җавап итеп ул бармагы белән күккә генә төртеп күрсәтә иде.
 
Бүген исә үз күзләренә үзе ышанмады Хәбри. Навигатор эшләми! Калтыранган куллары белән тиз генә автобусын кабызды, тиз генә ике бөртек укучыны күрше авылдан алып килеп мәктәпкә илтеп куйды да, иске ферманың кирпечләрен төяп кайтырга дип, тузан туздырып авыл читенә очты.
 
Күнегелгән, гадәти тормыш тукталды. Бик күп заводлар, банклар, гипермаркетлар, АЗСлар, аэропортлар эшләми башлады. Планета халкы өнсез калды. Моны ахырзаман дип бәяләүчеләр дә булды.
 
Ә менә Каенлыкта хәлләр башкачарак иде.
 
Тәнәфес саен РОНОга отчет җибәреп утыручы авыл укытучылары җиңел сулады – ул көнне район белән элемтә юк иде. Ничә сәгать укытырга, нинди дәрес укытырга, татар телен ничек укытырга, ашханәдәге бәрәңге боламыгына ничә чеметем тоз салырга – берәү дә команда бирә алмады ул көнне.
 
Мәктәптән кайтуга компьютерга ябышырга күнеккән малайлар-кызлар бераз борыннарын җыерып утырдылар да, урамга чыгып киттеләр. Кичкә кадәр туп типтеләр, велосипедта йөрделәр, капка төбендә уеннар уйнадылар. Дәрес хәзерләргә дә, мал-туар карарга да вакытлары калды ул көнне.
 
Бала-чага гына түгел, инде акыллары кереп, бераз чыга башлаган өлкәннәр дә шул ноутбукка, телефонга багынып байтак вакытларын уздыра иде. Ул көнне бераз аптырап йөрделәр дә, күрше-күләннең хәлен белергә дип урамга чыгып киттеләр.
 
Кичен клубта үзешчәннәр концерты булды. Мәдәният йорты гөрләде ул көнне! Концерт беткәч тә кайтырга ашыкмадылар, ярты төнгә кадәр клубта сөйләшеп утырдылар. Ул арада кемдер тальянын сыздырып җибәрде…
 
Интернетсыз, телефонсыз тормыш ярты ел дәвам итте. Биек капкалар төбенә кадәр ачылды, урамда халык күбәйде, авыл китапханәсенә чират тезелде. Авыл урамнарында сәламләшү, хәл сорашулар бермә-бер артты. Бәрәңге сабагыдай ап-ак йөзле балаларның йөзенә нур иңде. Малайлар спорт белән дуслашып беләкләрен ныгытса, кызлар кул эшләре белән мәш килде, җыр-биюләр өйрәнделәр.
 
Авылда сулга йөрүләр, хыянәтләр күзгә күренеп кимеде. Вазыйхның да койрыгы кысылды – СМС җибәреп булмагач, очрашу урынын билгеләү кыенлашты, алай гына да түгел, мөмкин бумаган хәлгә әйләнде.
 
Әйтерсең, авыл коммунизмга аяк басты.
 
***
 
Бу дөньяда бернәрсә дә мәңгелек түгел. Көйләделәр интернетын да, телевизорын да, телефоннарын да. Ярты елдан соң бар да үз эзенә төште. Укытучылар кабат кәгазь боткасына чумды. Вазыйх белән Галия озакка сузылган тәнәфестән соң хисләнеп күрештеләр. «Контакт»тагы мәгънәсез язышулар, «инстаграм»да иртәнге боткалы фотолар, бүлтәйгән иреннәр кабат күренә башлады.
 
Ләкин Каенлык авылында шушы кыска гына алты ай эчендә булачак алты спортчы, ике журналист, ике шагыйрә, бер җырчының күңелендә саф, якты бөреләр шытып чыкты. Өмет бөреләре. Ясалма, виртуаль дөньяга, дөнья пәрәвез челтәренә бернинди катнашы булмаган табигый, чиста бөреләр иде алар.

Алмаз ГЫЙМАДИЕВ
Идел
№ --- | 28.05.2018
Идел печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов
MINBAR
Глобэкс промоушен
Dj Radik