|
|
Бүген кемнәр туган
|
|
Архив
|
27.02.2010 Җәмгыять
![]() "ХУШ КИЛӘСЕҢ!.." – ЯНӘ ЭФИРДА!Язның беренче атнасында "Татарстан – Яңа Гасыр" каналында янә "Хуш киләсең!.." проекты эшләячәк. Әлеге тапшыру тәүге тапкыр эфирга 2009 ел азагында чыкты. Тамашачылар тапшыруны карап, Татарстанның танылган шәхесләре белән турыдан-туры эфирда аралаша ала. Бу юлы якынлашып килүче 8 нче март бәйрәме уңаеннан программада җөмһүриятебезнең танылган гүзәл затлары катнаша. Россиянең атказанган, Татарстанның халык артисты Исламия Мәхмүтова, гинекология буенча әйдәп баручы киңәшче, табиб Наилә Гайнанова, Россия Дәүләт Думасы депутаты Гөлнара Сергеева, Россиянең атказанган, Татарстанның халык артисты Рауза Мотыйгуллина тапшыруда катнашырга инде ризалык биргәннәр.
Бу юлы да "Хуш киләсең!.." тапшыруларын "Хәерле иртә!" алып баручылары: Илдар Кыямов һәм Гөлназ Рәхмәтуллина, Эльнар Яркәев һәм Люция Нотфуллина, Раил Өметбаев һәм Роза Әдиятуллина алып барачак. "Хуш киләсең!.." тапшыруларын 1нче, 2нче, 3нче, 4нче, 5нче, 6нчы һәм 8 нче март көннәрендә 17 сәгать 55 минутта карагыз.
Оnline тәртибендә программаны www.tnv.ru сайтында да карарга мөмкин.
|
Иң күп укылган
|