|
|
Бүген кемнәр туган
|
|
Архив
|
27.02.2018 Мәгариф
Булачак татар теле укытучылары ярышында җиңүче ИСЕМЕ билгеле булдыУфаның Акмулла исемендәге Башкорт дәүләт педагогика университетында булачак татар теле укытучыларының X “Ана теле” Россиякүләм конкурсы тәмамланды. “Ана теле” – Россия югары уку йортларының татар бүлекләре арасында уздырыла торган бердәнбер конкурс. Проектның төп максаты – татар теле һәм әдәбияты укытучысының дәрәҗәсен күтәрү, студентлар арасында укытучы һөнәренә мәхәббәт тәрбияләү, мәгариф өлкәсендә алдынгы фикерләрне барлау, дип яза Башкорт дәүләт педагогика университеты.
Конкурс ике этапта уздырылган. Беренче этап югары уку йортларында оештырылса, икенче этап Уфаның педагогика университетының татар бүлегендә үткәрелгән. Булачак укытучыларның портфолиоларын, визит карточкаларын, педагогик эсселәрен, фәнни-тикшеренү эшләрен һәм иҗади чыгашларын бәяләгәннәр. Шулай ук студентлар Уфаның 84-нче татар гимназиясендә ачык дәрес алып барганнар.
“Ана теле” конкурсында Казан федераль университеты, Алабуга институты, Башкорт дәүләт университеты, аның Стәрлетамак филиалы, Акмулла исемендәге Башкорт дәүләт педагогика университеты студентлары катнашкан.
Конкурста Казан федераль университеты студенты Лариса Долгова беренче урын яулаган.
--- |
Иң күп укылган
|