поиск новостей
  • 05.12 "Цацика идет в школу", 6+, Кариев театры, 13:00
  • 05.12 "Шобага", 12+, Кариев театры,18:00
  • 11.12 «БОЛГАР РАДИОСЫ»НЫҢ IX МИЛЛИ МУЗЫКАЛЬ ПРЕМИЯСЕ ОНЛАЙН! "ТНВ-ТАТАРСТАН" һәм "ТНВ-ПЛАНЕТА" телеканалларында!
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 05 Декабрь
  • Фәүзия Бәйрәмова - язучы, җәмәгать эшлеклесе
  • Җәвит Шакиров - шоумен
  • Эльмира Җәлилова - шагыйрә
  • Айзилә Батырханова - журналист
  • Владимир Менделевич - табиб
  • Виталий Булатов - рәссам
  • Агач өйгә тәрәзә читләре (наличники) эшләүче кирәк. Казан, Вахитов районы. 89655886519 Ватсапка языгыз.
  • Сдаю однокомнатную квартиру в Радужный, Осиново т.89655938461,89375278107
  • Иномарка сатып алам.Бюджет 800-850мең.Тел.89178808466
  • Актаныш жалюзи все виды качественно(эйбэт)89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • КАЗАН ШЭХЭРЕНДЭ КАР КОРЭУ, ГРУЗЧИК, ГАЗЕЛЬ ХЕЗМЭТЕ КУРСЭТЭБЕЗ. 89196271171
  • требуется дворник,центр Казань, 89377734777, в день2-3 часа
  • ДВОРНИК ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар

 

 
 

 
Архив
 
21.02.2018 Дин

“Татарстан Диния нәзарәтендә сөйдергеч бөтие ясап бирәләр икән.."

Мөрәҗәгать итүче ханым университет мөгаллимәсе булмаса, аптырамас та идем. “Татарстан Диния нәзарәтендә сөйдергеч бөтие ясап бирәләр икән. Бик яхшы танышларына гына саталар, ди. Шуны алып булмасмы, дип бер төрек танышым сорады. Бичара җавапсыз мәхәббәттән интегә”, – дип аңлатты ул үтенечен.

Мин, гадәтемчә, кызып киттем. Алданырга теләүче булса, алдаучы табыла. Базар кануны гади: ихтыяҗ булса, тәкъдим итүчеләр буа буарлык. Кырыгалдарларга ник ышанасыз?! Мөфтияттә мондый эш белән шөгыльләнүче булмас, дип үгет-нәсихәт бирдем мин аңа. Шулай да мөфти хәзрәттән сорап карарга булдым. Мәсьәлә мин уйлаганча ук гади булып чыкмады.
 
– Өшкерү дигән нәрсә хак, динебездә бар. Мәхәббәт сырхавыннан зарланып килүчеләрне кайбер мәчетләребездә өшкерә­ләр. Ни кызганыч, өшкерүчеләр күп түгел. Бигрәк тә изаҗәтле, ягъни рөхсәте, фатихасы булганнар бик аз. Аятьләрне, хәдисләрне, Пәйгамбәребез догаларын искә төшереп, сөннәт буенча берәү укыса-өшкерсә, бу гамәл сахих, дөрес була. Андый кешеләргә барырга ярый. Сез әйткән имеш-мимешне беренче тапкыр ишетәм. Бәлкем модый нәрсә Дагыстанда кулланылыштадыр, безнең нә­за­рәттә мондый эш белән шөгыль­ләнүче юк, – дип җавап бирде безгә мөфти Камил хәзрәт.
 
Чуашстанның Урмай авылы мулласы, “Кара пулат” мәчете имам-хатыйбы Фәнис хәзрәт Сафиуллин исә, мыек астыннан елмаеп: “Коръәндә сөю-гыйшык хәл­ләренә кагылышлы аятьләр бар. Шуларны язып алып, муеныңа тагып йөрсәң, бәлкем ул файда би­рәдер. Хәзер аларның кайсы сү­рәдәге нинди аятьләр икәнлеген әйтә алмыйм: яхшылап эзләргә кирәк. Тик миңа, сөйдергеч бөтие язып бирегез әле, дип мөрәҗәгать иткәннәре юк. Сорасалар, эзләп карарга мөмкин”, – дип аңлатты миңа, шылтыратып, фикерен сорагач.
 
Атна башында Спас районына I Болгар укуларына җыелган­нар­дан да бу уңайдан фикерләрен белештем. “Һиндстанда мөсел­ман­нар күп бит. Бер җирдә шундый сәер гадәт яшәп килә. Кайсы да булса мөселман үлсә, туганнары җыелышып, 10 мең рупий акча җы­еп (алар өчен бик зур сумма бу), муллага түләп, Аллаһы Тәга­ләгә хат яздыралар. “Аны яхшы итеп каршы алсагыз иде. Яхшы кеше иде ул. Җәннәтле булсын иде”, – дип язылган шушындый хатны, кәфененә төреп, мәрхүм белән бергә кабергә салалар. Сорау алучы фәрештәләргә җавап бирү мәеткә җиңел булсын дип, кайбер якларда кәфен өстенә бернинди файдасы булмаган “Җавапнамә” яздырып кую очракларын да ишеткәнем бар. Бу да – шул җөм­ләдән”, – диде әлеге уңайдан Муса Бигиевне өйрәнүче тарихчы Айдар Хәйретдин.
 
“Андый нәрсә турында ишет­кән юк. Сөйдергеч бөтие булгач, тагып, асып йөри торган әй­бердер инде ул. Муенга әйбер тагып кына сөйдереп булмыйдыр. Әле үзең турында сүз барса бер хәл, башка бер кешенең сиңа күзе, күңеле төшсен дию бит инде бу. Тагын да авыррак очрак. Мәхәббәтне бирү­че – Аллаһы Тә­галә. Күп нәрсә кешенең үзеннән тормый. Әйбер асып кына мә­хәббәткә ирешү – шикле нәрсә, минемчә. Аллаһтан сорарга кирәк. Бер нәрсә эшлә­мичә генә нәтиҗәгә – мәхәббәткә, бәхеткә ирешү мөмкин түгел. Ансат кына шулай максатына ире­шергә те­ләгәннәр элек тә булган, килә­чәктә дә булачак”, – диде үз чиратында Түбән Кама шәһәренең “Ак каен” мәхәлләсе мәчете имамы Рәйхан хәзрәт Нәҗметдинов.
 
“Җавапсыз мәхәббәттән дәва эзләүчеләр аптыраганнан яздырып тагып йөри торган әйбер дип уйлыйм мин аны. Дини нәрсә түгел бу. Дога укырга, Ходайдан сорарга кирәк. Миннән сораганнары да юк, сорасалар да язмаячакмын, – дип җаваплады безгә бу уңайдан Чаллыдагы “Ак мәчет” мәдрәсәсе җитәкчесе Рөстәм хәзрәт Шәй­хевәлиев. Аның янәшәсендә утырган укыту эшләре буенча урынбасары Рәфыйк хәзрәт Минәхмәтов исә шунда: “Таҗиклар, үзбәк­ләр­нең мәчетебезгә килеп, безнең якларда шундый гадәт бар дип, сөйдергеч бөтие яки фәлән чир­дән дәва бирүен сораучы нәрсә язып бирүләрен сораганы бар. Мулла язып биргәннән соң, әлеге кеше язуны төреп, җепкә тагып, муенга асып йөри икән”, – дип тә өстәде.
 
КФУ укытучысы Резедә Сафиуллина бу җәһәттә алай ук кистереп әйтергә ашыкмады. “Әгәр дә кулланасың, ышанасың икән, андый нәрсәләрнең ярдәме бар, дип әйтәләр. Сөйдергеч бөтие йөрт­кән кеше күңеленә ният-теләк салып куя. Ул бит инде – ниндидер энергия. Бөтен кеше­нең дә ту­ры­дан-туры Аллаһы Тәгаләгә мөрә­җәгать итәргә йөрәге җитми. Тәҗрибәсе дә юк. Ниндидер кү­чеш чоры таләп ителә. Алланы сизә, тоемлый алырга омтылырга, шул дәрәҗәгә үсәргә кирәк. Кеше менә шулай гадиләштерә. Берен­че­дән, кеше күңелен шушы рә­вешле тынычландыра. Икенчедән, бу эшне шушылай Аллаһы Тәга­ләгә тапшыра. Билгеле, сөйдергеч бөтиләре ясаучылар, сатучылар өчен бер кәсеп бу. Шул ук вакытта моның өчен кемнәрнедер гаепләү дөрес булмас. Без хөкем итүчеләр түгел. Бөтен нәрсә Аллаһы Тәгалә хозурында. Аның хикмәте, мәр­хәмәте шулкадәр киң: кешегә гел өмет бирә. Әгәр шушы минутта шул нәрсә кешегә ниндидер җи­ңеллек бирә икән, нигә аны кулланмаска?! Кайвакыт мәхәббәт ярсуы шундый көчле була! Бәлкем аның шушы хәлдән чыгар өчен бер бөртек хәле калмагандыр. Шундый вакытта кешегә бер юаныч кирәк”, – дип, ул сөйдергеч бөтие язып бирүне сораучыларга һәм яздырып алучыларга каты кагылмавыбызны үтенде.

Рәшит МИНҺАҖ
Ватаным Татарстан
№ --- | 20.02.2018
Ватаным Татарстан печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar