• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
23.02.2010 Җәмгыять

БӘЙРӘМ БЕЛӘН, ИР-ЕГЕТЛӘР!

Элек 23 февраль Совет Армиясе һәм Хәрби-Диңгез Флоты көне итеп бәйрәм ителде, ә 1993 елдан ул Ватанны саклаучылар көне дип үзгәртелде. Күпләр 8 Мартны – гүзәл затларыбыз хатын-кызларның, ә 23 февральне туган җирнең һәм һәр гаиләнең терәге саналган ир-атларыбызның бәйрәме буларак көтеп ала. Без дә барлык ир-егет укучыларыбызны Ватанны саклаучылар көне белән тәбрик итәбез. Аларга ныклы сәламәтлек, гаилә бәхете, шатлык-куанычлар, көч-куәтләренең ташып торуын телибез. Илләргә иминлек биреп, ир-атларыбыз үзләренә иңдергән көч-кодрәтне сугыш-низагларга түгел, ә тыныч тормыштагы изге эшләргә багышласыннар иде дигән теләктә калабыз. Иң мөһиме – сабый балалар иркә кочакларда сугыш утын күрми, кайгы-хәсрәтнең нәрсә икәнен белми үссеннәр.

АРМИЯДӘ БУЛГАН, ДИЛӘР

 

Армия! Солдат булу әле берничә ел элек зур дәрәҗә саналса, бүген бу сүз егетләрне, аеруча аларның әти-әниләрен бик куркыта. Ә сез армиядә булдыгызмы?

 

ИлСаф, җырчы:

 

– 1984-87 елларда Петропавловск-Камчатск, Владивосток шәһәрләрендә, Тын океан хәрби диңгез флотында хезмәт иттем, корабльдә йөрдек.

 

Армия еллары артык нык сагындырмаса да, искә алып сөйләрдәй күңелле вакыйгалар күп. Кайбер егетләр кебек, өч ел гомер юкка узды дип әйтә алмыйм, армия тормыш дәресе бирде, күп нәрсәгә өйрәтте.

 

Бүген күпләр армиягә бармас өчен төрле сылтау таба. Хәзер бер генә елга калдырдылар. Күп түгел. Егет чагым булса, бүген дә курыкмыйча барыр идем.

 

Илдар КЫЯМОВ, “Хәерле иртә!” тапшыруын алып баручы:

 

– Армиядә булмасам да, хезмәт итмәдем дип әйтә алмыйм. Мин КДУның хәрби кафедрасын тәмамладым. Офицермын. Аллаһы Тәгалә саклый күрсен, әгәр сугышлар чыга калса, беренче чиратта безне алачаклар. Яу кырында генераллар бик үлми бит. Элек-электән батальон, рота командиры, лейтенантлар күпләп кырылган.

 

Ир кеше хәрби мәктәп узарга тиеш. Әмма үз балаларыбызга килгәндә, җибәрергәме-юкмы дип ныклап уйларга җирлек бар. Мәскәүдәге генералларга, түрәләргә балалары якын булган кебек, безгә дә үзебезнекеләр бик кадерле.

 

Илдус ФӘИЗ, Болгар мәчете имамы:

 

– 1982-84 елларда Украинада хезмәт иттем. Шофер вазыйфасын башкарырга туры килде. Солдат хезмәтеннән артык зарланмыйм. Ул чакта тәртип бар иде. Шулай да, хезмәт итү артык җиңел үтте дип булмый. Ата-аналардан, туганнардан аерылып еракка китү – үзе бер сынау.

 

Без тыңлаучан буын булдык. Совет заманында кыйналырга тиеш дип өйрәттеләр. Каршы әйтү юк иде. Хәзер демократия бит. Армиядә дә, көндәлек тормышта да аз гына тисәләр дә судка бирәләр, кайберәүләре качарга да күп сорамый.

 

Без Ватанга хезмәт итәргә тиеш дип тәрбияләнеп үстек. Хәзергеләр исә: “Әй, нигә кирәк? Бармасаң да ярар әле”, – дип, качу ягын карый. Алар кыйналудан, үлемнән курка. Аллаһы Тәгаләдән язылган булса, анда бармыйча да кыйналасың инде. Гомерең беткән икән, монда да үләсең. Егет кеше ниндидер авырлыклар аша узарга, сыналырга, чыныгырга тиеш дип саныйм.

 

Усман ӘЛМИЕВ, җырчы:

 

– 1942 елда мине армиягә чакырдылар. Безнең яшьлек Бөек Ватан сугышына туры килде. Авыр чаклар. Башка солдатлар кебек үк, минем дә чәчне пеләш иттеләр, форма бирделәр. Инде китәбез дигәндә генә: “Әлмиев, сине җибәрмибез. Монда каласың”, – диделәр.

 

Кулга корал тотып кына түгел, яралыларны, авыр хәлдә калганнарны рухи яктан да күтәрергә кирәк иде. Үземне солдатлардан аз хезмәт иттем дип санамыйм. Кайда яралы хәрбиләр ята, шунда барып тере тавышка җырладым. Ул чакта бөтен җирдә госпиталь иде. Көнгә 15 әр концерт биргән чаклар күп булды.

 

Шәмси ЗАКИРОВ, юмор остасы:

 

– Кызганычка каршы, миңа армиядә хезмәт итәргә туры килмәде. Һөнәр училищесын тәмамлагач, Түбән Камадагы нефтехимия заводын төзеп бетерергә кирәк дип, армиягә җибәрмәделәр. Аннан югары уку йортында белем алу сәбәпле кичектерелде. 1 нче курста чакта өйләндем. Институтны тәмамлаганда ике балам бар иде. Шулай итеп 27 яшь тулгач, кулга хәрби билет тоттырдылар.

 

Улым Марат та гел укып армиягә бара алмады. Хәзер проректор булып эшли.

 

Безнең заманда армиядә булмаган егеткә мескен дип карыйлар иде. Хәзер, киресенчә, бармый калу дәрәҗә санала. Студентларым ничә меңгә хәрби билет сатып алуын ачыктан-ачык әйтә. Кайсы 70, кайсы 80 меңгә булдырдык, ди. Ришвәт бирү-алу белән мактанып йөри торган чор җитте. Әлбәттә, мондый илдә тәртип була алмый.

 

“Мунча ташы” театрында эшләгәндә туксанынчы елларда “Армия хикмәтләре” дигән программа уйлап таптык. Шул чакта Совет армиясеннән рәхәтләнеп көлгән идек. Кызганычка каршы, бүгенге армия еларлык хәлдә. Анда үлеп кайткан егетләр бигрәк жәл.

 

Лилия ЙОСЫПОВА.

 

 

* * *

“ГАИЛӘ – УЛ КЕЧКЕНӘ ВАТАН”

 

Бик борынгы заманнардан ук юан беләкле, киң җилкәле ир кешегә, кодрәт иясе буларак, җитди вазыйфалар йөкләнгән. Ул, ауга йөреп, гаиләсен ризыкландырган, нәселен дошманнардан саклаган, көч соралган эшләрне, гомумән, бөтен авырлыкны үз өстенә алган. Шуңа дәрәҗәсе дә югары булган, аңарга башкалар тарафыннан зур хөрмәт һәм ихтирам күрсәтелгән.

 

Ир заты элек-электән җәмгыятьнең дә тоткасы саналган. Бүген көчле затның дәрәҗәсе төште дип сөйләшергә яратсак та, үзенә каралган бурычларны төгәл үтәп, хатын-кызлар һәм балалар ир кеше хакын хаклап яшәгән гаиләләрдә аның абруе әле дә бик зур. Татарстан диния нәзарәте мөфтиенең дин эшләре буенча урынбасары Сөләйман хәзрәт ЗАРИПОВ ир кешегә дини күзлектән чыгып бәя бирде:

 

– Коръән-Кәримдә ир кешенең роле алдан ук билгеләнеп куелган. Ул хатынын һәм балаларын туендыручы, гаиләдә баш кеше, ягъни төрле яклап тәэмин итүче. Аллаһы Тәгалә үзенә төшкәннәрне башкару өчен аңа көч-куәт, гайрәт биргән, ул шуннан тулысынча файдаланырга тиеш. Аллаһы Тәгалә ир затының юлын ничек сызса, ул шуннан тайпылмый барырга бурычлы. Гомумән алганда, игътибар белән карасаң, иң яхшы хирурглар да, иң булган модельерлар да, иң тәмле пешерүчеләр дә ирләр бит.

 

Ни кызганыч, бүген ир белән хатын-кызның үз вазыйфаларын башкаруларында тән һәм физик көч, гыйлемлелек дәрәҗәләре зур роль уйный. Ирләрнең эчкечелеккә сабышулары аларның абруен төшерде. Хатын-кызлар исә фахишәлеккә тайпылды. Ә 23 февраль – ул ата-анасы, хатыны, балалары хакын хаклап, аларның матди һәм рухи тормышын, Ватанын саклап яшәгән ир-егетләр бәйрәме. Ир кеше үз йортында хуҗа, барлык якыннары хакында даими кайгыртучанлык күрсәтеп яшәүче шәфкать иясе. Ире дә, хатыны да Аллаһ кушканча яшәгән гаиләләр бәрәкәтле, тату тормыш кичерәләр. Мондый үзләренә төшкән вазыйфаларны төгәл башкарган йортларда һәркөн бәйрәм. Әйтик, өйдәгеләр ата кешенең юлдан яки эштән кайтуын көн саен тәмле ашлар пешереп, якты йөз, аның күңелен эретердәй сүзләр белән каршы алалар икән, әти кеше дә бу йортка канатланып, дәртләнеп кайта. Әлеге психологик ярдәм аның көне буе эшләп арыганнарын да тиз арада оныттыра. Бу юнәлештә әби-бабаларыбыз үрнәгенә таянырга тиешбез. Татарның үткәндәге гаилә тарихы безгә өлге булып тора. Чөнки алар ислам кануннарына буйсынып яшәгәннәр, ир белән хатын арасындагы тәңгәллекне бозмаганнар.

 

Ә шәригать кагыйдәләреннән читләшеп, гаиләсен хафага салып, эчеп, аерылып, аталык, ирлек бурычларын үтәми, Ватанын саклаудан качып йөргән ир затлары чын ир була алмыйлар. Ир кеше төпле терәк булып, хатын-кыз аңа буйсынып, һәр нәрсәне аның белән киңәшеп эшләргә тиеш. Хәтта нәфел намазларын да, кунак чакыру кебек мәҗлесләрне дә, якыннарына бирергә ниятләгән нәрсәләрне дә, хөрмәт йөзеннән, хәләл ире белән уртаклашырга, аның рөхсәтен алырга бурычлы. Хатын-кызга үз эгоизмы белән сәбәпсез аерылырга да кушмаган Аллаһы Тәгалә. Пәйгамбәребез үзенең бер хәдисендә андый хатыннарга җәннәтнең исе дә тәтемәячәге хакында искәртә. Ир белән хатын үз вазыйфаларына тугрылыклы булганда гына тату тормыш, илдә иминлек була. Гаилә – ул кечкенә Ватан, ә ир кеше шул илдә җитәкче һәм аны саклаучы, яклаучы кеше.

 

Рәшидә АХМИРОВА.

 

 

* * *

 

– Военкоматка шундый хәбәр килгән дип ишеттем: имеш, Саклану министрлыгында хәрби пирамида кабул иткәннәр.

 

– Анысы ничек була инде?

 

– Ничекме? Кем үзе белән хезмәт итәргә 3 кеше алып килә, шул солдатны армиядән азат итәләр икән.

 

* * *

 

Берәү очраклы юлдашыннан сорый:

 

– Син кулыңны сугышта югалттыңмы?

 

– Юк, мине хәрби комиссариатка сөйрәп алып барганда өзелеп калды.

 

* * *

 

Чебурашканы армиягә алганнар. Хезмәт вакытын бетереп кайтканнан соң, Гена аннан сорый:

 

– Кем булып хезмәт иттең?

 

– Радар булып.

 

* * *

 

Рота командиры чистартылмаган автоматны күрә һәм ачулы итеп кычкыра:

 

– Кем автоматы бу?

 

– Конструктор Калашниковныкы, – дип җавап бирә каушап калган солдат.

 

* * *

 

– Кичәге йолдызнамә хәрби киемдәге кеше белән гомергә истә калырлык искиткеч очрашу вәгъдә иткән иде.

 

– Соң, шуннан, очраштыгызмы?

 

– Әйе, кичә машинам белән бер капитанны бәрдердем.



Ирек мәйданы
№ 7 | 19.02.2010
Ирек мәйданы печать

Фикерләр

Исем:
E-mail:
Текст:
 
№24 (36990) / 24.02.2010 10:49:53

Минем кайсы яктандыр бер әби, репрессия башланган вакытта:
-Бу влач бетмиче, безгә көн күрү тәтемәс,- дигән.
Әбине алып китәргә килгәннәр.Бик кешелекле, гадел булган әби.Авыл халкы:
-Юләр ул, тимәгез аңа,- дип, алып калган.

№23 (36987) / 24.02.2010 10:37:54

берәү Украинага ялга барган. 20 еллар элек билгеле. Шунда яшәүче бер әбидән сугыш вакытын сораштырам,дип сөйләгән иде.
теге әбиең: Әй сынок, немесләр вакытында бездә порядок иде!,-дип әйткән булган. Бик гаҗәпләнгән булганнар шул чакта.

№22 (36986) / 24.02.2010 10:35:31

күке
Берүк, безгә тоттыра күрмәсеннәр инде автомат.Үзебез дә гөнаһка чумарбыз, гөнаһсызларның башларына җитүебез бар, Алла сакласын!

№21 (36984) / 24.02.2010 10:30:23

Иркә.
Әйе, чыннан да, һәр кешенең үз фәлсәфәсе.Кайвакытта алар тәңгәл килүчән.Мәсәлән:
Кеше күбрәк белгән саен, үзенең наданлыгын аңлый төшә.Мин генә шулай уйлыймдыр кебек иде.Юк, икән!Алай уйлаучылар күптер.
Исламгәрәй бабайча уйлаучылар да булгандыр.
тузанга автомат тоттыргач...шикелле уйлаучылар да күптер.Алай булмасын иде дә ул.Вәхшилекләрне күп күргән кеше усаллана шул.

№20 (36983) / 24.02.2010 10:24:47

Тузан! Син сугышканда без дә карап тормаячакбыз! Бергә утка да суга да!агач мылтык белән булса да!

№19 (36978) / 24.02.2010 09:42:23

алар эәләгән кешенең -эшләгән кеше

№18 (36977) / 24.02.2010 09:40:17

Тузан, син алар тәрбиялимени әле һаман))))Сиңа гына бер сер сөйлим әле. Мин моны ничектер икенче төрлерәк итеп әйтергә җыена идем. Минем бабам -Йомгалак бае колхозга соңгы кеше булып кергән, чамалагандыр инде күрәсең... Колхозга кергәч, иң күп норма үтәүче дә ул булган. Озын Исламгәрәйнең ботын сындырырга кирәк диләр икән башка колхозчылар. Чөнки аныкына карап башкаларга норма арттыралар икән. ул күрәсең хөрәсәнлекне белмәгәндер инде.Тик әле колхозларга хәтле беренче бөтендөнья сугышында пленда булган. Алар анда бер бюргерга эшләгәннәр ике кеше.Боларны бюргер бик яраткан. Хштта ки кызын бирмәк булган киүгә. Минем дә бер Гертруда булу шансым булган. Тик ул анда калмаган, татарлары янына кайткан.Меә шул бабам турында, әни шыпырт кына безгә сөйли иде:" Ул нимесләрне көтте. Килеп җитсәләр атымны бирәм, алар эәләгән кешенең кадерен беләләр," -дип! Менә шундый фәлсәфә!!!!Однозначно бәяләп була торган ситуацияме!?Килеп җиткәч, ни эшләгән булыр иде!?

№17 (36976) / 24.02.2010 09:03:10

Ярый, бераз шаярдык.
Иркә, менә шундый патриотлар итеп тәрбияли бит алар безне.

№16 (36975) / 24.02.2010 08:56:02

Матбугат. ру. дагыларга тимим.

№15 (36974) / 24.02.2010 08:52:46

Туз-а-ан)))) менә сиңа патриот))))))!!!!

№14 (36971) / 24.02.2010 08:48:47

кытайларны кертәм.

№13 (36970) / 24.02.2010 08:43:54

тузан.
Бер үзеңә генә скушно булыр бит яшәргә!?

№12 (36969) / 24.02.2010 08:39:37

картлач
Кулыма автомат тоттыргач, башта, сез санап чыкканнарны кырып чыгар идем.Аннан соң илемне яклап сугышыр идем!

№11 (36963) / 24.02.2010 06:51:37

Буген сугыш булса бер-кем сугышмаячак элгэреге кебек.хэркайсы кая жайлы шунда ычкыначак.Ул югарыдагылар сразы югалачак.Хазер сатлык жаннар юк бит.Барысыда уз шкурасы эчен.

№10 (36949) / 23.02.2010 22:44:25

тузан,буген сугыш булса, син шушы илне талаучылар, взятка алучылар,сүзләре ялганчы-эшләре халыкка каршы булган партияне яклап сугышыр идеңме?

№9 (36947) / 23.02.2010 22:40:16

МИН,рэхэтлэндереп,мин бары тик ъ га жавап бирдем,бэлки саф татарчаны анлап бетермидер диеп..

№8 (36925) / 23.02.2010 19:34:43

Мин узем хезмэт иттем,германиядэ. Ул вакытта башкача иде.Барысыда хезмэт итте.хэзер барысыда чирле,хезмэт итэргэ кеше юк

№7 (36921) / 23.02.2010 19:20:07

Чынлап та ир-ат булды да, Ватанны саклаучы булды дигән сүз түгел бит әле ул. Хәзер хезмәт иткән күпме солдат- Чечняда, Афганистанда сугышып кайткан ир-егетләргә игүтибарны юнәлтергәдер хөкүмәткә, тыныч вакытта хезмәт итеп армиядә үлеп калган солдат гаиләләренә игүтибарны юнәлтергәдер хөкүмәткә минемчә. 23нче февралҗ дип бөтен ир-ат е г ы л ы п ятып э ч ә башлый.

№6 (36915) / 23.02.2010 19:00:06

Бу жавапланы укыгач шундый вывод ясадым: Кемнен малае бар бармаска дип, малайсыз калучылар (кызлары булучылар)армиягэ барырга тиеш дип эйтэ.Сорап та торасы юк....

№5 (36913) / 23.02.2010 18:43:16

Элмэндэр кайдан шулай яхшы урысча ирэнден.ЭЙДЭ ТАТАРЧА.

№4 (36908) / 23.02.2010 17:24:07

ъ, поэтому теперь он отиечается как день всех мужчин России,а не тех,кто сейчас в армии

№3 (36896) / 23.02.2010 15:06:35

Такой страны уже нет,а праздник остался.Нужен ли этот день,нет не нужен.Тупые командиры,тупые приказы,ненавижу армию.

№2 (36894) / 23.02.2010 14:51:04

Әйе, Армияда хезмәт итү җиңел булмаса да, ул - тормыш мәктәбе иде.Бүгенгесе?.....
Иң авыр вакытларда, атакага күтәрелгәндә һ.б-да кемнәр алдан барган? Әйе - коммунистлар(коммунистлар исеменнән эшләнгән вәхшилекләрне онытып торыйк, бу урында).
Бүген ил белән кайсы партия идарә итә? Әйе... Алар беренче булып атакага, һ. б.га барачаклармы? Әйе...
Шулай булгач - шундый ил.Шундый илнең бөтен тарафлары да шундыйга әйләнә.

№1 (36891) / 23.02.2010 13:34:13

Илдус хазрэт, бугенгесе кеннэрдэ чын мэселман егеткэ армиягэ бару-бармау турында ни эйтэ аласыз?

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar