|
|
Бүген кемнәр туган
|
|
Архив
|
04.02.2018 Интернет
«Матбугат.ру»: Без «Инстаграм»да 30 мең укучыны ничек җыйдыкКемнәрдер безне сайтта укып барса, икенчеләр “Телеграм”да, өченчеләр – “Инстаграм”да. Нишләтәсең, шундый заман. Мәгълүмат каналлары бик күп, сайлау мөмкинлеге бик зур. Шуңа да “Матбугат.ру” сайты бөтен популяр каналларны да колачларга тырыша. Бүген менә “Инстаграм”да безне укучылар саны 30 меңнән артып китте. Бу шактый зур сан. Әлбәттә, Элвин Грей, Гүзәл Уразова яки Илсөя Бәдретдинова булсак, безне тагын да күбрәк кеше укыр иде. Әмма без “Инстаграм”да шоу-бизнес кына түгел, ә төрле темаларны яктыртырга тырышабыз. Татар дөньясы, театр, милли геройлар, фотофактлар, хаталы язмалар, юмор һәм уен-көлке – аккаунтыбызны кызыклы да, файдалы да итәргә тырышабыз. Ә иң мөһиме – җаныбызны биреп эшлибез. Сер түгел, бүген трафик ясауның да, подписчиклар җыюның да юллары бик күп. Түлә генә - эшләп бирәләр. Әмма без сан артыннан кумыйбыз. Иң мөһиме – чын укучылар булсын, ботлар, роботлар түгел. Һәм безне укыган, күзәткән кеше белә: 30 мең укучыбыз әкренләп, төпле итеп җыелды, бу “накрутка” түгел.
Шунысы да игътибарга лаек, безгә укучыларыбыз еш яза, фотоларын җибәрәләр. Әйтик, берәр хаталы язма белән фото элсәк, шундук башка шәһәр-районнардан шундый ук хаталы фотолар җибәрә башлыйлар. Һәр укучыбызга теләктәшлек, дуслык өчен РӘХМӘТ әйтәбез!
Әгәр инде сез әле һаман да “Инстаграм”га тоташмагансыз икән, белеп торыгыз: шактый кызыклы нәрсәдән мәхрүм каласыз. Һич булмаса, балаларыгызга, оныкларыгызга мөрәҗәгать итегез, “улым, настрой-ка мне “Матбугат.ру” в “Инстаграме” дип ))
"Матбугат.ру"ның "Инстаграм"ына менә шушында басып языласы: https://www.instagram.com/matbugat/
--- |
Иң күп укылган
|