• 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 27.04 "Зәйтүнәкәй" (12+), Кариев театры, 18:30
  • 06.05 "Кайнар" концерт (6+), Болгар радиосы, 18.30 сәг.
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 17 Апрель
  • Бату Мөлеков (1928-1999) - композитор
  • Продаю комнату в коммунальной квартире, которая расположена по адресу: Казань, пр-т Ибрагимова, 37. Общ. площадью 13 кв.м.На 2/5эт. Входная дверь в комнату металлическая, пластиковые окна, на полу ламинат.Кухня, туалет, душ в коридоре с отдельным входом. В квартире сделан косметический ремонт.Доброжелательные соседи. Месторасположение комнаты очень удобная , развитая инфраструктура, всё в шаговой доступности(магазины,школы,аптеки). Во дворе детские сады, детская площадка, парковка своя. Отличная транспортная развязка, откуда можно добраться до любой точки Казани. Метро "Яшьлек" в 5 минутах пешим ходом. Автобусная остановка рядом. Парк Победы рядом. ТЦ Парк Хаус, Тандем, ДК Химиков, московский рынок всё в шаговой доступности.Тел.89274000105
  • Зеленодольский районы Большие кургузи 20 сутый жир арендага бирэм.шулай УК ялгыз яки Бер кызы булган моселман хатын кызы кирэк .ойдэ торырга 89600696970
  • Сниму гостинку или 1 комнатную квартиру в советском или приволжском районе,до 15т всё включено.89274234089
  • Требуются стропальщик и разнорабочий. Актаныш. Тел. 89376209888
  • Братьев Касимовых 22/7 (рынок мавлютова) адресы буенча урнашкан булмэгэ, иптэшкэ бер ир-егет кертэм. 89274433797.
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131

 
 

 
Архив
 

               

03.01.2018 Юмор

Сары Эт елы ниләр вәгъдә итә (ГОРОСКОП)

Уттай кызыл Әтәчкә алмашка сап-сары Эт – бик дустанә, аралашучан, тынгысыз, гаделлекне гәүдәләндерүче җан иясе елы килә, җәмәгать! Анысы безгә нәрсәләр алып килер икән? Сүзебез – шул хакта.

Кучкар (21.03 – 20.04)
 
Яуларга теләгән үрләрнең барысына да ирешерсез. Бигрәк тә җәен шәп-шәп уңышлар көтелә. Әмма турыдан ярып салуыгыз гына үзегезгә бераз зыян китерергә мөмкин. Шуңа күрә кешеләргә карата йомшаграк, изгерәк күңелле булырга тырышу кирәк. Акча мәсьәләсендә бернинди дә кытлык юк. Ул гына да түгел, җәен зур гына отыш яки премиягә дә исәп тотарга мөмкин. Көч-энергиянең ташып торуы эшегездә сокландыргыч нәтиҗәләргә китерер. Ел мөһим борылышларга бай булыр. Зур тәҗрибә туплап, үзегезгә ошамаган күп нәрсәләрне үзгәртә алырсыз. Тик ничек кенә булса да, сәламәтлекне игътибардан читтә калдырмаска тырышыгыз, юкса көзен хроник чирләрнең баш калкытуы бар.

Үгезбозау (21.04 – 20.05)
 
Бу елда карьера баскычыннан югарырак үрмәләү һәм шу­ның нәти­җә­сендә акча янчыгын әйбәт үк калынайту мөм­кинлеге туар. Әмма эш һәм акча артыннан куып, якыннарыгызны да онытып бетермәскә иде. Язын дәрәҗә­лерәк эш тәкъдим итүләре ихтимал. Әмма шундук ризалык бирү ярамас. Иң элек йомшак кәнәфигә җайлап утырып, барысын да әйбәтләп уйлау кирәк. Ягъни яңа вазыйфа проблемалар, шул исәптән сәламәтлеккә бәйле­ләрен дә китереп чыгармасмы икән, дип баш катырмый булмас. Шулай да Эт елында барыннан да әһәмиятлесе – сөеклегез белән үзара мөнәсәбәтләр. Һаман үз ягыгызга каерып, аларны боза күрмәгез. Юкса бердәнберегез сездән шактый ук алҗырга мөмкин.
 
Игезәкләр (21.05 – 21.06)
 
Уңышлы ел. Биг­рәк тә иҗат һәм сәү­дә бе­лән шө­гыль­лә­нү­че­ләр өчен. Карьера бе­лән җенлән­мәгез: тыныч кына, барысын да бик яхшылап уйлап кына эшләсәгез, җитәк­че­гез күр­ми калмас. Тик әлеге мәсьәләдә ниндидер мәкер­леккә бара күрмәгез. Бу нервларыгызны какшату гына түгел, абруегызга да нык кына “сугачак”. Өстәмә акча чыганак­ларын эзләп маташырга кирәк булмаячак. Чөнки ел әйләнәсекесәгезгә акча үзен­нән-үзе диярлек коелып кына торачак. Көз көне гаиләгездә гаҗә­еп матур бер хәлнең булып алуы яхшы киләчәккә өмет-ышаныч­лар уятачак.
 
Кысла (22.06 – 22.07)
 
Бу елда сабырлык һәм башлаган эшне ничек тә ахырына җит­керергә тырышу бик кирәк булыр. Елның беренче яртысында эш буенча игътибарга алырлык тәкъдимнәр алырсыз, дәрәҗәле кешеләр белән дуслашып китү мөмкинлекләре ачылыр. Офыкта яңа максат һәм планнар күренер. Акчасыз утырмассыз. Елның икенче яртысында яңа теләк һәм мәнфәгатьләр барлыкка килер. Үсеш юнәлешен сайлап алуда туганнарыгыз ярдәм итәр. Гайбәт сүзләрдән, шикле яңа танышларыгыздан, астыртын гамәлләргә тартып кертүләреннән сак булыгыз. Ел ахырында гаиләгезгә кагылышлы искитмәле дәрәҗәдә яхшы хә­бәрләр ишетү бәхетенә ирешерсез.

Арыслан (23.07 – 23.08)
 
Дәүләт оешмасыннан китеп, үз эшегезне ачып җибәрергә карар итүегез бар. Го­мумән, бу елда, хәтта элекке хез­мәт урынында калсагыз да, байтак кына акча эшләү мөмкинлеге ачылыр. Тәвәккәллек кенә кирәк. Шулай да елның төп вакыйгалары күчемсез милек мәсьәләләрен хәл кылуга бәйле булыр. Узгандагы хезмәтләрегез бик тә файдалы җимешләрен китерер. Шул ук вакытта элекке хаталарыгызның “уңыш”ын да җыярга туры килер. Язын көнчелек өянәге үзегезне бөтереп алмагае. Сөеклегезгә ышанырга өйрәнсәгез генә мө­нә­сәбәтләрегез какшамыйча калыр. Сәламәтлеккә килгәндә, шөкер, ел әйләнәсе Арысландай сәламәт булырсыз.
 
Кыз (24.08 – 22.09)
 
2018 елда ерак һәм якындагы юллар уңыш китерер. Сә­фәрләрнең рухи һәм матди үсеш юлындагы файдасы зур булыр. Кыскасы, торгынлыкта яшәп мүк­ләнүдән куркасы юк. Ел башында гаиләгезгә байтак кына чыгым тотарга туры килер. Җәен акча мәсьәләсендә барысы да яхшырыр. Ә көзен матди хәлегез хәтта кемнәргәдер бурычка биреп торырлык дәрәҗәдә үсәр. Ел ахырында торак мәсьәләсе буенча байтак кына көчегезне исраф итәрсез. Әмма сез аны барыбер үзегезнең файдага ерып чыгарсыз! Бу гаиләгезгә зур шатлык-куанычлар китерер. Гомумән, ел азагы күңелегезне үсендерердәй вакыйгаларга, кемнәрнеңдер көнчелеген ките­рердәй матур-матур уңышларга бай булыр.
 
Үлчәү (23.09 – 23.10)
 
Юкка-барга ян­ма­сагыз-көймә­сәгез, кайгы-хәс­рәткә би­рел­мә­сәгез, Сары Эт елы уңышлы уза­чак. Барыбызга да мәгълүм Мюнхгаузен, чәчен­нән сөйрәп, үзен-үзе сазлыктан тартып чыгарган кебек, сез дә үзегезне бу халәттән коткарыгыз. Иҗат кеше­ләре өчен менә дигән мөмкин­лекләр ачылыр. Димәк, уңышка һәм әйбәт гонорарга өметләнәсе, дигән сүз. Ә менә җитәкчеләргә шәхси максатында кәнәфиеннән файдалану ярамас. Акчага килгәндә, чүп кебек, аны уңга-сулга тарату килешмәс кенә түгел, ярык тагарак янында калдырырга да күп сорамас. Керемгә омтылып, “финанс пирамидасы” кебек алдакчылар ятьмәсенә эләгүдән сак булу кирәк. Ялгызлар, ниһаять, бердәнберләрен табар. Әмма 2018 елның Үлчәүләргә туй үткәрү өчен бигүк әйбәт вакыт түгеллеген онытмагыз!
 
Чаян (24.10 – 22.11)
 
Һәрбер адымыгызны уйлап эш ит­сә­гез, барысы да тәр­типтә булачак. Карьера ясау ихтималы зур. Тик җиңел юлларга гына исәп тотмау кирәк. Башка урынга күченүгә яки таныш-белешләр аша төшемле эш­кә урнашуга бәйле тәкъ­дим­нәрне шундук кире кагыгыз. Кайберәүләр, ниһаять, үзләре­нең эшен ачуга ирешәчәк. Теген­нән-моннан акча эшләп алу мөм­кинлекләре дә күп булыр. Елның икенче яртысында бик хәерле хәбәрләр, мөһим очрашулар, зур уңышка ирешү көтегез. Әмма уңышыгыз кайберәүләрдә көнче­лек тудырганлыктан, үз абруегыз өчен көрәшергә туры килер. Чит­ләр фикеренә карамыйча, алга барыгыз!
 
Укчы (23.11 – 21.12)
 
Туарылып китәргә вакыт булмаячак. Кеше күзенә чалынырдай берәр нинди нә­тиҗәгә ире­шәсегез килсә, бик каты эшләргә кирәк. Кайбер хез­мәттәшләрегез сәләтегез яки тырышлыгыгыздан көнләшеп, үзе­гезгә аяк чалу нияте белән янып йөрер. Әмма калганнары белән яхшы мөнәсәбәтләрдә булу явыз бәндәләрнең төрле мә­керлек­лә­реннән коткарып калыр. “Финанс­ларыгыз романслар җыр­лый башласа”, өстәмә керем чыганагын эзләргә иренмәгез. Сары Эт елында сез аны табачаксыз! Нә­тиҗәдә кыш башларына акча мәсьәләсен тулысынча хәл итеп бетерәчәксез. Мәхәб­бәт өлкәсенә килгәндә, ел башында барысы да тыныч булачак. Ә аннан соң ялгыз­ларның гына түгел, гаиләлеләр арасыннан да кайбе­рәүләрнең йөрә­гендә шашкын хисләр кабыначак...

Кәҗәмөгез (22.12 – 20.01)
 
Бөтен ел әйләнәсе эшегездә белемегез һәм осталыгыгыз белән ялтырарсыз. Шуның бәра­бә­ренә әйбәт акча да алып торырсыз. Кө­чегезгә ышанганлык, үҗәтлек һәм дә саклык хезмәттәш­ләре­гез­нең күз алдында үзегезне чын мәгъ­нәсендә профессионалга әйлән­дереп куячак. Әмма бу кем­нәр­гәдер ошамаячак. Шуңа күрә кол­лективта мөнә­сә­бәтләрне көй­ләргә туры киләчәк. Гомумән, ел уңышлы булачак. Тик менә җәен генә көтелмәгән җирдән штрафка дучар булу куркынычы бар. Закон сүзенә колак салырга һәм эчке сизем­ләвегезне тыңларга кирәк, димәк. Көзен иске дусларыгыз һәм шулар белән бергә күптәнге планнарыгыз кире кайтачак.
 
Сукояр (21.01 – 19.02)
 
Ел башында эшегез иҗади уенны хәтер­ләтеп, бик җиңел барачак. Әм­ма яз җи­түгә, барысы да катлауланып китәчәк һәм өстегезгә бурычлар өеләчәк. Элек өйрән­гән­нәрегездән күбесе нәкъ менә шушы чорда бик ярап куячак. Дәрә­җәле таныш­ла­рыгызның көтел­мәгән яр­дәме дә урынлы булачак. Гаилә бизнесы белән шө­гыль­ләнүчеләр мо­ңарчы күрел­мәгән уңышларга ире­шәчәк. Су­кояр­ларның эшмәкәр бул­ганнары һәм булмаганнары – берсе дә акчасыз утырмаячак. Биг­рәк тә җәен кесә­ләрегез бермә-бер калынаячак. Шуның нәтиҗә­сендә күп­тән­нән хыялыгызда йөрт­кән кыйм­мәтле әй­берләр сатып алу мөмкин­леге барлыкка киләчәк. Кышын матур гына бер сәфәр тормышыгызга үзгәреш җилләре кертәчәк.
 
Балык (20.02 – 20.03)
 
Үзгәрешләрдән курыкмагыз – алар­ның барысы да уңай! Тик яңа танышларыгыз белән саграк кыланыгыз, аларга бөтен күңе­ле­гезне ачып салмагыз. Берьюлы бер­ничә эшкә тотынмагыз, юкса берсен дә ерып чыга алмаячаксыз, өстәвенә әле согы сыгып алынган лимондай хәлсезләнеп тә калырсыз. Язын – бик мөһим очрашу, кө­зен – шәп кенә табыш керү, кыш башында көтелмәгән популярлыкка ирешү ихтималы гаять зур. Ә инде ел азагында күпләрнең төшлә­ренә дә кереп карамаган уңыш­ларга ирешерсез.

Валентина СЕМЕНОВА
Ватаным Татарстан
№ --- | 01.01.2018
Ватаным Татарстан печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar