01.02.2010 Җәмгыять

ФЕВРАЛЬ БУРАННАРЫ

Ни өчендер миңа кыш дип аталган ел фасылының феврале ошый. Декабрь азагыннан башлап озыная башлаган көннең февральдә күзгә күренеп үсүе күңелдә яшәү дәрте уята төшәдер, күрәсең.

Бәлки февральнең бураны җанны алгысатадыр. Табигатьнең дулап алуы йокымсыраган күңелне җилкетәдер. Кар бөртекләре белән бергә бөтереләсе: күккә күтәреләсе, җир өстеннән җилдереп үтәсе килә. Яшьлекнең самими җүләрлеге искә төшә. Бөтерелеп уйнаган аклык арасыннан ап-ак мамык шәл читен ияк астына кыстырып бәйләгән ак киез итекле кызыкай пәйда була. Каш-керфекләренә энҗе карлар кунган. Буран сызгыруына кушылып көлә. Сөбханалла! Сөбханалла! Шунысы да бар – буран котырынганнан соң, артыгын кыланып ташлаганга гафу үтенгән сыман, тынып, юашланып кала. Басу – кырлар, болын – әрәмәлекләр, хәтта авыл урамнары да, ап-акка киенеп, туй күлмәген кигән кәләш шикелле, гүзәллеге белән сокландыра.

Көттереп чыккан кояш нурында күзләрне чагылдырып, кар энҗеләре җемелди. Табигатьнең искиткеч матурлыгына сокланып карап торганда дөньяның, тормышның матурлыгы турында шигырь язу теләге туа.

Менә ул шигырь, күңелдә яралып, телгә килә, аваз сала, кояш куяныдай сикергәләп, уйнаклап җир өстеннән чаба.

Ап-ак кардай ак күңелле газиз халкым. Шунда кинәт, каракошның кара күләгәсе булып, ниндидер шом күңелгә иңә. Шигырьгә туган телемдә, газиз телемдә салган хисләремне ишетүче аңларга теләүчеләр бар микән, киләчәк февральләрдә дә булыр микән дип уйлап куясың. Бу шомлы уйны куарга теләп, бер йомарлам ап-ак карны учларыма алып, маңгаема куям. Кайнар хис урынын салкын акыл били. Мин инде шигырьне үзем язарга алынмыйм, миңа хәтле язылганын укыйм:

Кисмәк өстенә каракош иттифакый кунган ул.

Әйе, шулай. Җан биргәнгә җүнен бирә, үзе яраткан Ходай. Тышта февраль бит инде. Кышның соңгы ае. Көннәр озынайганнан озыная. Җир өсте ап-ак! Ап-ак!! Ап-ак!!!

Туфан МИҢНУЛЛИН
Сәхнә
№ 2 |

Фикерләр

№14 (34383) / 02.02.2010 15:43:48

гежлавеч трусик белан чагыштырудан файда юк....

Гөҗләвеч

№13 (34382) / 02.02.2010 15:33:38

Хәзерге заманда мыгырданмыйча булмый.. Хәер, мыгырдавыклар һәрбер җәмгыятьтә кирәк.

кыштырдавык

№12 (34380) / 02.02.2010 15:23:13

Гөжләвеч, син мыгырдавык мәллә?Гөҗләвеч,

Гөҗләвеч

№11 (34377) / 02.02.2010 15:18:08

Уф, чыннан да сәер әле бу. Татар халкын тасвирлый, имеш... Татар халкын хет пычранган трусик белән чагыштыр, файдасы бармы соң? Укучы аннары образның прототибы кем икән дип башын ватып утыра, барыбер берни аңламый. Бу язманы берәр авыл әбисенә укыт - ни диер микән? \"Оооо, татар милләте үлә, әйе, фәлә!\" - дияме? Шуннан?! Ә вакыт бара. Ә файдасы - юк ((

гыймранова

№10 (34371) / 02.02.2010 05:55:30

Зелпе, синен арттан йори что ли? бэлэкэй чагында экиятлэр язган, син укысын дип. хэзер дэ син укысын, дип яза.... ))))))))))))

Зелпе

№9 (34370) / 02.02.2010 05:51:36

ъ, Батулланы ничектер күңел принимать итми. Ул кечкенә чакта балалар әкиятчесе иде, хәзер зурларныкы. Кайдан алып яза ул аларны, үзеннән башка кем печать куя ала....

Археографик табылдык

№8 (34356) / 02.02.2010 00:16:11

Күке дус шуны да аңламаска инде - баш киеме алышына ич.

Барабан

№7 (34351) / 02.02.2010 00:01:26

Э ник Батулла???

№6 (34334) / 01.02.2010 23:23:51

зелпе. Батулла!!!!

Зелпе

№5 (34324) / 01.02.2010 22:40:45

Ярый әле Туфан абый бар. Мин аның мәкаләләрен укыйм да, каткан баш мие хәрәкәткә килә. Ул уйларга, уйланырга тема бирә. Ул да мәңгелек түгел. Картаеп китеп барса кем генә калыр икән безнең мине ары-бире селкеткәләп алырга.

ОЗЫЫЫЫЫЫЫН гомер телим сезгә Туфан абый.

тузан

№4 (34313) / 01.02.2010 21:38:27

Башта тирбәтеп, йоклатып ала да, уятып җибәрә...барыбер,рәхәтлеге тәмле булып тәндә, мән дә кала!

күке

№3 (34305) / 01.02.2010 20:54:44

мин дә йомшак итеп каты карга утыртуын күздә тотам

Барбан

№2 (34302) / 01.02.2010 20:49:16

Монын тушэге позитив дип эйтмэс идем... Барыбер татар халкынын бугенге халэтенэ кайтып кала бугай.

күке

№1 (34297) / 01.02.2010 20:13:21

килешерсез бәлки, Туфан абый гел позитив нәрсәлргә күчте, соңгы арада.