|
|
Бүген кемнәр туган
|
|
Архив
|
09.11.2017 Әдәбият
Данил Салихов Башкортстанда иҗади сәфәрдә булды (ФОТО)Татарстан Язучылар берлеге рәисе, Татарстанның атказанган сәнгать эшлеклесе, драматург Данил Салихов Башкортстанның Стәрлетамак шәһәрендә иҗади сәфәрдә булып кайтты. Стәрлетамак Башкорт драма театры драматургның «Хатын түгел – аҗдаһа» комедиясен сәхнәләштерде. Театрны премьера белән котлап, Д.Салихов спектакльнең озын гомерле, уңышлы булуын теләде. Драматургның әлеге әсәре – күп театрларда озак еллар уйналып, зур уңыш казанганннардан.
Башкорт дәүләт университетының Стәрлетамак филиалында Данил Хәбибрахманович Салихов белән очрашу узды. Очрашуны Башкорт һәм төрки филология факультетының татар һәм чуаш филологиясе кафедрасы оештырды. Стәрлетамак шәһәрендә яшәүче танылган татар язучылары һәм шагыйрьләре, студентлар, мөгаллимнәр алдында ясаган чыгышында Данил Салихов әдәбиятнең тел сагында торучы иң зул көчләрнең берсе, һәр халыкның үз туган телен саклавының никадәр мөһим икәнлеге хакында әйтте.
--- |
Иң күп укылган
|