|
|
Бүген кемнәр туган
|
|
Архив
|
27.01.2010 Спорт
![]() КӨРӘШЧЕ МЭР БУЛМАКЧЫУльян каласы мэры вазыйфасына дәгъва кылучылар арасында якташыбыз, танылган көрәшче Илдар Габбасов та бар. Нурлат батыры милли көрәш буенча күп тапкырлар Татарстан һәм Россия чемпионы булып танылды, “Ватаным Татарстан” газетасының каһарман-шагыйрь Муса Җәлил истәлегенә уздырылучы бәйгесендә җиңүче булып танылды. Узган ел ахырында исә авырлыгы 170 килодан арткан Илдар Ташкентта билбаулы көрәш буенча дөнья чемпионы булып танылды. Сәясәт мәйданында исә Габбасовка бизнесмен Сергей Герасимов, табиб Алексей Куринный, эколог Александр Брагин, журналист Захар Мисанец, ЛДПР вәкиле Геннадий Бударин, Ульян өлкәсе хөкүмәтенең гамәлдәге вице-премьеры Александр Пинков, пенсионер Владимир Цюрюпа һәм Санкт-Петербург вәкиле Максим Шугалейга каршы көрәшергә туры киләчәк. Билгеле булганча, Татарстанга күчеп килгәнче спортчы Ульян каласында яшәгән иде. Ә сайлау 14 март көнне булачак.
Д.Бунтуков һәм Ш.Абдюшев фотолары.
1
2
|
Иң күп укылган
|