• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
21.01.2010 Җәмгыять

ҖӘҺӘННӘМ БАЛАЛАРЫ

Һәрберебезнең башкалардан аерылып торган адәми затлар белән очрашканы яисә аларны телевизор экраныннан күргәне бардыр. Кемдер безнең игътибарны башындагы кикрикле прическасы белән җәлеп итә. Кайсылары металлга “төренгән” булулары белән үзенә карата. Өченчеләре карага буялган йөзе, кием-салымы белән күз карашын үзенә тарта. Кара куртка киеп, яныбыздан “тимер айгырлар”да элдерүче рокерларга да без битараф түгел. Болар – неформаллар. Соңгы елларда бу төркемгә кушылучы яшьләрнең артуы күзәтелә. Неформаллар арасында эчүчелек, венерик авырулар, наркомания, СПИД чәчәк ата... Шуңа күрә алар хакында барыбызга да белеп тору зарури. Мәгълүматлы кеше – көчле кеше, мәгълүматлы, димәк, кораллы...

– Без - җәһәннәм балалары...

Безгә кояш кирәкми!

Күз яшьләрен эчәбез –

Көләбез!

Сезгә бездән бүләк – безнең көлү –

Тәмугтан!

 

Үзем дә сизмәстән аякларым җыр яңгыраган якка атлады. Кремль урамы тыкрыкларының берсендә кичке эңгер-меңгер куенына сыенып, гитара кылларына кушылып җыр сузучы бер төркем яшьләр янына илтте мине алар. Яннарында пәйда булуыма берсенең дә әллә ни исе китмәде. Шулай да кул биреп, чиратлап исәнләшә башладылар. Төлке, Кобра, Бет... Я Ходам, монда бар да кушаматлы! Мин дә тиз генә үземә ник эзләп табып, Дельфинага әйләндем дә куйдым! Болар неформал булып чыкты. Металлистлар, панклар, зәңгәрләр, алсулар, готлар, эмо, тагын әллә кемнәр... Җырлаудан туктап торган арада сыра чөмерәләр. Шешә кулдан-кулга йөри. Эчү чираты килеп җитүгә бер кызый:

 

– Бездә венерик чир һәм сары авыруы таптылар, – дип кисәтүгә дә карамастан, төркемдәгеләрнең исе дә китмәде.

 

Чираттагы шешә төбенә төшеп тә җиттеләр. Кызлар белән якыннан сөйләшеп-танышып киттек. Света белән Ирина булып чыкты алар. Башкала югары уку йортларының берсендә икенче курста белем алалар. Кызлар күзгә-күз генә карашып торалар, кулларын да бер минутка да ычкындырмыйлар. Инна янына бер егет килеп сүз башлауга, Света:

 

– Ачуымны чыгармагыз, мин бик көнче, Инна бары тик минеке генә, – дип егетне кисәтеп куйды.

 

Имәндә икән чикләвек: кызлар алсу булып чыкты... Берзаман Инна белән Света беразга югалып торды. Тиздән якында гына кычкырышкан тавышлар ишетелде, кемдер елый ук башлады. Шул якка таба атладым. Света эт итеп Иннаны сүгә, егерме биш катлы пычрак сүзләрне коя гына, “мәхәббәт”енең ипи шүрлегенә дә берничә мәртәбә менеп төште... Неформаллар мондый хәлләргә күнеккән булса кирәк, бу тамашага игътибар итүче булмады. Бар да сыра чөмерә, тирә-якта нәрсә булганлыгы аларга кызык түгел. Ун минутлар чамасы узгач, Света Иннаны җилтерәтеп, беркем белән саубуллашмый гына кайтып та китте...

 

Бет, эт, кобра...

 

Төркемдәгеләрнең һәрберсе кушаматлы, исемнәрен бөтенләй онытканнар диярсең... Үзе хәтле гитара аскан Бет – панк. Чәчләре сугыш чукмары әтәчнең кикриге шикелле үрә каткан. Үзе салкыннан дер-дер калтырап, сырага үрелеп маташа. Кепкасын да бергә кушып исәпләсәң, буе метр ярым булыр! Өстәвенә татар малае икән. Илһамга 18 яшь, беркайда укымый да, эшләми дә. Өеннән киткән, теләсә кайда төн куну – аның өчен кызыклы гамәл.

 

– Башта өйләнәм, гаилә корам, аннары эшкә урнашам, – дип җавап кайтарды ул минем сорауларга.

 

– О, кем килә, карагыз әле, Төлке ич бу! – диюгә, төркемдәгеләргә ияреп, мин дә башымны шул якка бордым. Муеным чалыш кала дип торам: каршымда пәйда булган адәми зат әллә карачкы, әллә пәри, әллә җен дигәндәй... Көн шактый салкын булуга да карамастан, кызый җиңелчә киенгән. Куе зәңгәр төстәге капрон оегы берничә урында ап-ак җеп белән тегелгән. Ертык урыннары да шактый. Аягында скиндхедлар кия торган итекләр. Яшел итәге һәм кара кофтасындагы тап санап бетергесез. Беләкләренә, аякларына чәчәкле тасмалар ураган. Тутый кош сыман төрле төсләргә буялган чәче төрле якка тырпайган. Алар ай буе су күрмәгән диярсең! Кашларына берничә булавка кадаган. Ирене тирәсенә, борынына, иягенә алкалар аскан. Күзләрен, кашларын, кулларын кызый карага буяган. Шул рәвешле үзенең гот булуына ишарәли. Беләкләре, ботлары киселеп беткән, шуңа да кул-аякларын күпсанлы җөйләр бизи.

 

Төлкегә нибары 17 яшь. Мондагылардан күпме генә кызыксынсам да, кызның исемен искә төшерүче табылмады. Ул башкалага Чаллы шәһәреннән килгән. Казанга килүенең максаты һөнәри уку йортларының берсендә белем алу була. Тик ике ай трай тибеп йөргәннән соң, кызыйны укудан куалар. Яраткан апасы да аны өеннән чыгарып җибәрергә мәҗбүр була. Көне-төне сыра чөмереп, төннәрен йокы бирмичә акырып-бакырып ятучы кызый апасын туйдырып бетерә. Үзе шикелле бер килмешәк белән танышып, башкала тирәсендәге бистәләрнең берсендә көн күрә башлый. Төлке акча булмаганда хәер соранырга, теләсә кем белән төн уздырырга, оятсызларча акча дауларга да кыенсынмый.

 

Төлке бу юлы да читкәрәк китеп, беләген кискән булып чыкты. Тирә-якка кан чәчрәде. Кызда депрессия башланган икән. Миңа шулай дип аңлаттылар. Берәү дә аңа ярдәмгә ашыкмады. Шундый хәлләр монда гадәти күренеш икән. Шулай да бер кыз Төлкенең рюкзагын яшереп куйды. Кызый анда һәрвакыт лезвие йөртә диделәр. Лезвие таләп итеп шактый акырып-бакырып ятканнан соң, ул тынычланды. Кофтасын ертып бәйләгән яраларыннан кан агуы да туктады... Аннан берни булмагандай, яңадан сыра чөмерергә кереште ул...

 

Төркем “атаманы”на 21 яшь кенә булуга карамастан, ул инде ике баласыннан ваз кичәргә өлгергән. Сабыйлар балалар йортында тәрбияләнә. Дуслары аны Чучка танау дип йөртә. Кызның чын исеме – Ания. Симез гәүдәле, шыксыз таза, табак битле бу бәндәнең алгы тешләре бөтенләй юк. Чучка танауга биредә ешрак үз исеме белән эндәшәләр, аны тыңлыйлар, аңа буйсыналар. Чөнки ул – “блат-хата” хуҗасы, төн кунарга урыннары булмаган неформаллар төркемен сыендыручы. Танау башкала тирәсендәге бистәләрнең берсендә ике бүлмәле баракта гомер кичерә. Бирегә алар Азинодагы өч бүлмәле фатирларын алыштырып күченеп килгән. Әнисе инде пенсиядә. Ул да кызыннан калышмый: тарта, эчә, сүгенә...

 

Төркем кайнап, гөжләп тора: кемдер килә, кемдер китә... Әнә, Фоксны шәрран ярып каршы алдылар. Сәбәбен бик тиз аңладым: ул – акчалы “мажор”. Килүгә, берничә йөзәрлекне Бет кулына тоттыруга, тегесе сыра алырга элдерде. Фокс – башкала югары уку йортларының берсендә юридик факультет студенты, әти-әнисе шәһәрдә данлыклы шәхесләр. Бераз аралашканнан соң, ул төркемдәге егетләрнең берсен – “мәхәббәтен” ияртеп, кыйммәтле машинасына утырып күздән дә югалды... Неформаллар арасында башка шәһәр вәкилләре шактый. Безелдәвек, мәсәлән, Тамбовтан. Кышкы сессия вакытында эмо вәкилләре белән танышып, шуларга ияреп йөреп, туган йорты хакында бөтенләй оныткан. Ыспай, чибәр, озын буйлы бу егетне монда үз итәләр. Ул биредә мәхәббәтен дә тапкан. Мажор Лилия – студент кыз – аңа баш-аягы белән гашыйк. Безелдәвекне тулаем үз канаты астына алган: ашата-эчертә, юлына, фатирына түли... Әтинеке – мал түгел, үземнеке жәл түгел...

 

Төркемнең “атакае” – 25 яшьлек Аждаһа кушаматлы адәми зат та башкалага Омскидан килгән. Базык, чандыр гәүдәле, җитез, үткен, елгыр, хәйләкәр егет, чынлап та, еланга охшап тора. Кул-аяклары кискәләнеп-теткәләнеп беткән, тәнен җөй баскан. Ул – панк вәкиле. Аждаһа – төркемнең президенты. Хәлиткеч мизгелләрдә аның сүзе – соңгысы, аңа буйсыналар. Аның белән килешәләр. Әнә бүген дә “блат-хата”га барырга тиешлеләр исемлеге аның аша үтте... Кайберәүләрне ул исемлектән сызып ташлады. Мин “иләк”тән уздым – президент минем кандидатураны кире какмады.

 

Җирдәге җәһәннәм

 

Берничә төркемгә бүленеп, неформаллар “блат-хата”га юл алды. Мин дә Аждаһага иярдем. Бер сәгать чамасы узгач, автобус безне Чучка танау фатирына ирештерде. Бистәгә килеп җиткәндә йортта дистәгә якын кеше җыелган иде инде. Кемдер сыра чөмерә, кайсылары кәрт чиртә, өченчеләре тәмәке көйрәтә...

 

“Блат-хата” бер гаилә булып яши. Биредә бар да “туганлашкан”: бер-берсенә “абый, апа” дип эндәшү гадәткә кергән. Барлык табыш уртак. “Гаилә”дә нигездә кырыклап кеше исәпләнә. Тик алар гел үзгәреп, алмашынып тора. Аждаһа баш булса, Чучка танау – муен.

 

Безнең өстәл тулы сыра, аракы иде... Егермеләп кешегә закускага бер балык та кисеп “җиффәрделәр”. Бәрәңге боламыгы пешеп өлгергәч, “шайтан туе” башланды. Пластмасс стаканнарга аракыга сыра өстәп чөмерә торгач, исерештеләр.

 

Берзаман өстәлгә пипеткалар, шырпы, ниндидер пакетлар чыгарып салдылар. “Спайс” булып чыкты ул кечкенә пакеттагы үлән. Тиз генә пипеткадан трубка ясап, шуңа теге үләнне тутырдылар да көйрәтергә керештеләр. Бүлмәгә исерткеч баллы, укшыткыч ис таралды. “Спайс”тан тегеләрнең күзләре тонды, тоныкланып калды. Һәрберсенең күңеле күтәренке, бүлмә көлү-шаркылдау авазларына күмелде, бар да елмая... Кем нәрсә генә әйтмәсен – һәммәсе шаркылдап көлә...

 

Күңелем болганып ваннага керсәм, шәп-шәрә Куян Аждаһа белән “мәхәббәт” уйнап маташа.

 

...Бүлмәгә кире кергәндә, ике егет кулында пычак күреп аптырап, куркып калдым. Мине тиз генә тынычландырдылар: Кандала белән Аю туганлашмакчы икән. Янәсе, мин бик бәхетле –шундый изге ритуалга тап булганмын. Егетләрнең икесе дә беләкләрен кисеп, тирән җәрәхәт ясады. Тирә-юньгә фонтан булып кан акты... Беләкләрен терәп, каннарын бутадылар. Шул рәвешле болар “туганлашты”. Җәрәхәттәге яралардан әле шактый вакыт кан саркыды, туктата алмый интектеләр.

 

Бар да тынычлангач, “шайтан туе” дәвам итте... Тик “ягулыклары” – аракы беткәнлеге ачыкланды. Ике неформал кибеткә чыгып китте. Ярты сәгатьләп вакыт узгач, күз төпләрен “зәңгәрләтеп”, бит-кулларын канатып кире әйләнеп кайтты болар. Җирле “гопник”лар белән чәкәләшкәннәр икән. Бүлмәдә булган барлык “ир-ат” халкы “гопник”лардан үч алырга чыгып китте. Эш нәрсә белән төгәлләнер иде, билгесез... Бәхеткә, болар очрашмый калды. “Гопник”лар кибет тирәсеннән тайган булып чыкты...

 

Ике кыз бүлмә буйлап: “Секс телибез!” – дип йөри торгач, теләкләренә ирештеләр –“кладовой” дип йөртелүче караңгы, кечкенә, тәрәзәсез бүлмәгә аларны Епископ ияртеп алып кереп китте... Төн әйләнәсендә әлеге бүлмә буш тормады. Чучка танау барысын да уздырды: кызлар белән егетләрне чиратлап эшкәртте ул. Шундагы бер панк: “Чучка танау – шәп мужик!”  – дип, аны мактап куйды...

 

...“Бәйрәм” иртәнге бишкә кадәр дәвам итте. Кем кайда урын таба алды, шул рәвешле “тәмуг”тагылар йокыга түнде... Бары тик бер егет йокларга ятмады: бәдрәфтә гитара кылларын чиртте. Киенә башлагач, ул да миңа иярде.

 

...Кайтыр юлга кузгалдык. Урамда шундый якты, саф һава, тирә-юнь тып-тыныч... Урамны җирдәге җәннәткә тиңләдем!!!

 

Ә колакта гитара моңнары чыңлый:

 

Без – җәһәннәм балалары...

Безгә кояш кирәкми!

Күз яшьләрен эчәбез –

Көләбез.

Сезгә бездән бүләк – безнең көлү-

Тәмугтан!

Начар булса,

Хәл авырайса –

Сорарбыз без Ходайдан –

Кичерүне, гөнаһлардан арындыруны...


Мәдинә НУРУЛЛА
Безнең гәҗит
№ 2 | 20.01.2010
Безнең гәҗит печать

Фикерләр

Исем:
E-mail:
Текст:
 
№24 (35153) / 08.02.2010 16:03:42

фигней страдает тётенька...

№23 (35148) / 08.02.2010 15:54:50

Супер Нурулла!!! Татр журналистлары шулай кешегэ ышанмый уздыра инде ул гомерен...Кэнчелектэн янып...Тырнак астыннан кер эляп утэ гомере...

№22 (33739) / 27.01.2010 19:20:15

Кемдер әйтеп әйтте бугай, журналистлар үзләре катнашкан-күргәннәр турында гына язмыйлар-сөйләмиләр; башка берәү күргәнне-сөйләгәнне дә, үзләре булып язалар.
Хыялларны тар кысаларга кысрыкламыйк!

№21 (33736) / 27.01.2010 18:39:39

Ай Ахмат, Ай рахат, Ай рахмат...

№20 (33640) / 26.01.2010 18:57:43

№19 (33634) / 26.01.2010 18:39:45

тучно-точно!Ул анда зчкян дэ, тарткан да, наркотиклар да кулланган, теге эшлярне дэ эшлягян... Неформаллар болай гына ычкындырмаган инде аны...

№18 (33632) / 26.01.2010 17:41:07

Эчкечелярне язалар-журналистлар димяк сархуш, кеше утеручеляр турында язалар-журналисьлар узляре дз жинаяиьчу, зянгярляр турында язалар-димяк узляре дз зянгэр булып чыга инде бу журналист халкы...

№17 (33462) / 24.01.2010 21:15:11

Язманы укый башлауга колеп улэм дип торам... Журналист дигэч тэ инде, ник шунын кадэр ялганнарга??? Бу Мэдинэ ханымга (ханымдыр дип уйлыйм инде) ничэ яшь икэн сон? Эллэ узе дэ неформаллар арасында неформал булып йорде микэн? Эллэ инде "ООО... журналист апа килгэн безгэ" дип соенеп каршылап, "сыйлап" та жибэрделэр микэн... Язманы чын кунелдэн ышанып укыган кеше дэ ике торле уйда калырга момкин дип саныйм - беренчесе - бу неформаллар коточкоч шакшы кешелэр, икенчедэн - юк алар яхшы икэн, Мэдинэне исэе-сау кайтарып жибэргэннэр бит))) ха-ха-ха!!! Улеш бу язма просто!!! Коточкоч!!! Кызыклы язма китереп чыгарам дип каш остенэ могез ясарга кирэк тугелдер инде... Ничек кенэ тырышып карасам да, неформаллар арасында Мэдинэ апанын "тыныч кына" йоруенэ ышанмыйм... Ярар, "черт с ним" урамда очратып эзрэк энгэмэ корып алу момкин инде, э ойлэренэ бару "слишком" ... Язмага - 2!!! Э экияткэ - 5!!! Маладис Мэдинэ апа!!!



№16 (33353) / 23.01.2010 12:06:16

Зиләйлүк, 
әй җаным, син уйнасаң Камал төятерендә, мин дә йөргән булыр идем))))))Мин биючеләрне балетта, җырлаучыларны операда тыңлыйм.))))Ә менә театрга килеп әртистләрнең пышылдап:"Ни әйтер икән?" - дип көтеп утырасы килә.Ә менә мин чисно сәхнә яратмыйм.

№15 (33349) / 23.01.2010 10:35:37

№14 (33204) / 22.01.2010 18:52:21

Ну молодец та инде узегез!!! Афарин!!!

№13 (33176) / 22.01.2010 17:51:58

Иркә, сиңа психологияне нык укытканнар,әй, малаҗис...Сиңа сәхнә җитми дип, өстенә бастың...Артистлыкка укырга китәм дигәч, әни, ир белән тормыйм дисәң, капкадан кереп,әни дип әйтмим дисәң,бар,диде...Ир белән торуын уйламадым инде, әни дип әйтми яшәп булмас дип, бармадым, хотя әти каршы түгел иде,мәрхүм...Миннән бары артист чыкмас иде,ни җырлый,ни бии белмим,но конферансье булып, авызга карату осталыгы бар иде инде ансы, и спектакльне җаным-тәнем белән бирелеп уйный идем, УФФФФФФ,ностальгия,блин,бар иде соң....Ә аннан соң, ...ир хатыны булу,балалар анасы булу барсына да жирный нокта куя...
Кил, үзем дә бер кочаклыйм әле, минем кочак җитәр ул, синеке җитәрме икән..(монсы интрига өчен))))

№12 (33101) / 21.01.2010 23:59:48

Мин кәгазь вариантта укыдым - килә башлады бит)))
Элек соцреализм булса, хәзер - капреализм. "На дне".
Сталин заманында боларны төрмәгә тыккан булырлар иде, әлбәттә. Шуңа күрә, бер караганда, моны "демократия"нең бер чагылышы итеп күреп була. Хет шул "на дне"да күренә. Икенче яктан караганда, hәркем үзенчә "акылдан яза" - болар шундый менә, кемдер башын орып биш намаз укый башлый, кемдер сектага кереп китә, кемдер гел бишлегә генә укый башлый, кемдер баш-аягы белән интернетка чума))
Селяви.

№11 (33096) / 21.01.2010 23:14:14

Зиләйлүк,
күрәм синең дә 9 класста нәрсәдер бик неординар әйбер эшлисең килгән булган)))))) Шул чыгасы килгән мөгез чыкмыйча калган, һаман кычыттырып тора урыны)))))))Әле бүген искә төшереп утырдым, миңа уен бик эләкмәгән иде, кызып кына уйный башлыйсың, әни эзләп алып эшкә куша иде. Аннары улым тугач, уйналмыйча калган уеннарны аның белән уйнадым рәхәтләнеп.Уйнамаган уен калмады. Урманда учакны гына күпме яктык!? Төнлә кар өстендә дә хәтта. Так что, теләгең калган, кыйландыр. Ычкынган икән бу дип кенә әйтерлек булмасын.
Неформаллар алар әйбәт кешеләр, между прочим. Аларның шулай үзләренә игътибар иттерәселәре генә килә. Зиләйлүк, бәгърем,сиңа чынлап та сәхнә җитми бугай. Әле буген халыкара кочаклашу көне икән. Без интимного 5компонента. Кочаклыйм әле үзеңне. башкаларны кочакласам, аңламаслар)))))

№10 (33077) / 21.01.2010 21:13:37

nerse kote bezne? Җавапны "Казан утларыннан" сора.

№9 (33076) / 21.01.2010 21:07:01

minemche, yazma kizikli hem nige ani piar dip atarga. mekale kilechegebezne tulirak kuzallarga yerdem ite. bilgele, bez bolay da cherek jemgeyette yeshibez. hem ene shul jemgeyette imanli buluibizga shuker itep, Rabbibiz mondiy tubenleklerden comlebezne uze saklasin ide dip, yene ber shokerana kilirga ondi.

nerse kote bezne? ene shul sorauga cavap ta kebek bu yazma. bu suzlerem boten keshene de ber chibiktan soru tugel.

tamchidan kul ciyila, di. eshekelek, tormish tobene kitu yirak tugel ikenlegen tagin ber kat anliysin.

№8 (33062) / 21.01.2010 19:34:29

Әйтеп куям, укып тормадым,но шулай да өстән-өстән карап чыктым...Шуны әйтәм әле, без яшь чакта неформаллар шушылай күп булган булса, әллә миндә шуларның берсе булыр идемме икән...ни әйтсәң дә, бар кеше дүшәмбе дигәндә, чәршәмбе дип кычкыра торган гадәтем бар бит...
Беренче тапкыр 1987 елда Волгоградка класс белән экскурсиягә баргач, шакмаклы чалбарлы егет күреп, күзебез шул чалбардагы шакмак кадәр булган иде, кстати, шул берне генә күрдек...Чорына күрә ул да неформал булгандыр инде...Без авыл балалары, кара әле, одеялдан чалбар теккән дип көлгән идек...
кызыгып куйдым әле, әллә иртәгә эшкә чәчне хиппи кебек кистереп,яшелгә буяп барасы инде...ни диярләр иде икән, заман белән бергә атлый диярләрме, яки, точно ычкынган диярләрме....Минемчә, тегесен дә, монысын да әйтүчеләр табылыр...

№7 (33044) / 21.01.2010 16:52:25

шырпы!

№6 (33018) / 21.01.2010 14:31:30

дуңгыз гриппы,аллар,зәңгәрләр,фахишәләр, неформаллар, наркомания,эчкечелек...әйе,пиар ясарга темалар күп шул!

туймадыгызмы?

№5 (33012) / 21.01.2010 14:22:43

"Яннарында пәйда булуыма берсенең дә әллә ни исе китмәде. Нух, Ил, Хоппи, Шопшэ, Нур, Ланди, Жимеш... Я Ходам, монда бар да кушаматлы! Мин дә тиз генә үземә ник эзләп табып, Шырпыга әйләндем дә куйдым!Болар "матбугатчылар" булып чыкты. Газетчиклар, телевизионщиклар, радийщиклар, пиарщиклар, студентлар... Эштэн туктап торган арада гайбэт чэйнилэр. "

№4 (33003) / 21.01.2010 13:59:44

Мәдинә апаны ничек кабул иттеләр икән соң алар?

№3 (32978) / 21.01.2010 10:50:10

Нигә? Әйбәт кенә инша чыккан. Истә калган,кеше сойләгәннәрдән.

№2 (32975) / 21.01.2010 10:28:15

мәдинә ханым! ул компания янына И.Ф. командировкага җибәргән идеме?
мине дә аласыгыз калган,кирәгем чыккан булыр иде!

№1 (32973) / 21.01.2010 10:24:19

Мәдинә ханым олы яшьтә диеп йөрсәм, ул да кызыклы яшьләрски темага күчкән икән!
(((Неформаллар арасында эчүчелек, венерик авырулар, наркомания, СПИД чәчәк ата... )))
Неформал булмаганнар арасында бу авырулар аз дип уйлыйсызмы?
бер тормыш күргән ханым Мәскәүгә "Пусть говорятка" барып җитте. хәзер бер туган энесен үз гаиләсенә алу белән шөгылләнә.
мин бик күп кызларны беләм алкалы борыннарны ,сифилислары юк. алка так ради прикола.2-3 ел үтә, башка әзрәк акыл керә,прикол да үтә.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar