|
|
Бүген кемнәр туган
|
|
Архив
|
25.08.2017 Авыл
Көрәшчебез иген игә: "Үзең тиберченмәсәң, кем дә китереп бирми бит"Кемнәрдер болганчык заманга зарланып, авыл җирендә эш таба алмыйча туган нигезләрен ташлап шәһәргә эш эзләп китә, ә кайберләре киресенчә, яшьтән үк кырчылык эшендә кайнап үскәнгә, үзләренең киләчәкләрен туган авыллары белән бәйли. Кече Рбишча егете Айрат АХСЯНОВ, авыр крестьян хезмәтеннән курыкмыйча үзенең гомерен туган җиренә ба-гышлаган шундый егетләребезнең берсе. Ул кыш көннәрендә терлек симертү һәм башка авыл хуҗалыгы эшләре белән мәшгуль, яз җитеп җирләр кибүгә кыр эшләрендә үзен күрсәтә, ә чәчүләр тәмамлануга көрәш мәйданнарында җиңүләр яулый. Мәсәлән, агымдагы елда төрле авылларда үткәрелгән Сабан туйларының күбесендә призлы урыннарны алды, Мәдәнә Сабан туенда батыр исеменә дә лаек булды. Ул һаман хәрәкәттә, бер дә тик торырга яратмый.
Якын көннәрдә генә иген басула-ры буйлап үтеп барган чакта, аны комбайн штурвалы артында күреп янына тукталдым һәм көнкүреше белән кызыксындым. - Быел бит һава торышы сюрпризларны гел күрсәтә тора, шуңа да тир түгеп үстергән игенне суктырып аласы килә. Безнең үзебезнең пай җирләребез биредә, мин комбайнда, әти йөк автомобиле белән ашлыкны ташый. Без биредә берничә пайчы гаилә белән берлектә эш алып барабыз, “күмәк көч тау күчерә” дигәнне истә тотып, чиратлап бер-беребезгә булышып эш итәбез, ансыз булмый инде. Мин башта Мәскәү автоюллар институтын тәмамлап, кайбер башка яшьтәшләрем төсле шәһәр тормышын татып карадым, әмма кайда тудым, шунда ярадым дигәнне истә тотып, әти-әни янына кайттым. Читтән торып Түбән Новгород авыл хуҗалыгы академиясендә икенче югары белем алдым, яңа һөнәрем авыл җирендә файдалы булачак дип ышанам. Үзең тиберченмәсәң, кем дә китереп бирми бит, шуңа күрә авырмы, җиңелме, нинди эш бар, шундыена җиң сызганып алынырга туры килә, - ди тырыш һәм батыр егете-без.
Авыл җирендә шундый егетләр күбрәк булса, йортлар бу-шап, иген кырлары ташланып калмас иде.
.
Ришат РАМАЗАНОВ |
Иң күп укылган
|