Миллион сум эшләргә максат куйган Раил Гатауллин: «90 көндә 700 мең сум акча эшләдем»

Раил Гатауллин һәм аның блогларын укып баручылар өчен бик әһәмиятле көн. 90 көнлек марафон тәмам. Нәтиҗәләре турында Раил үзе сөйли:«Беренче айда 187 251 сум, икенче айда 98 227, өченче айда 323 400 сум акча эшли алганмын. Әле соңгы айның 200 мең сумлык заказы узган атнада гына алынды, аның акчалары якындагы 1-2 айда гына кесәгә керәчәк.

Шул рәвешле, 90 көндә 608 878 сум акча эшли алганмын! Бу сумма — инде налоглар түләгәннән соң калган сумма. Үземне 90 көндә якынча 700 мең сум акча эшләдем дип әйтә алам.

Хәзер үзем өчен яңа марафон башлыйсым килә. Аны «1 елда 12 миллион сум акча эшләп буламы яисә ай саен — 1 миллион!» дип исемләргә телим. Үземнең эш темпыма карап мин үземнең ким дигәндә бер елда 10 миллион акча эшли алачагыма ышанам.

Икенче марафонны 1 сентябрьдә башларга исәп тотам. Ә аңарчы эшләп бетермәгән эшләрне эшләп бетерергә, алынмаган акчаларны алып бетерергә һәм берәр чит илгә барып ял итеп кайтырга телим.»

Раил, Сезгә уңышлар телибез!

Дуслар! Бәлки сез дә Раилгә кушылып, миллион эшләп карарсыз. Кем риза? Нәрсә килеп чыкканы турында фикерләр алышыр идек.

Шулай ук укыгыз: 90 көндә 1 млн сум эшләргә җыенган Раил Гатауллин 1нче айга нәтиҗә ясый (10 КИҢӘШ)