|
|
Бүген кемнәр туган
|
|
Архив
|
03.07.2017 Җәмгыять
Алсу Фаракшина: “Зәйдәге авария булган җирдән 5-10 минут алдан үтеп киттек”Артист халкы гел юлда. Туйлар, юбилейлар, концертлар, Сабантуйлар... Алсу Фаракшина – җырчы, алып баручы һәм пародия остасы. Зәйдә булган коточкыч авария урыныннан ул берничә минут алдан гына узып киткән. Әлмәттә туй уздырып кайтулары булган. - Авария булган җирдән 5-10 минут элек үтеп киткәнебезне аңладык, - дип сөйләде Алсу “Матбугат.ру” хәбәрчесенә, - Аллаһы Тәгалә саклап калган. Минем туганнан туганым Әлмәттә ашыгыч ярдәмдә эшли. Алар бу юл һәлакәтенә чыкканнар. Галәмәт ди, кешеләр чыга алмыйча тереләй янганнар. Туганнарына Ходай сабырлык бирсен. Йөрәк әрни. Авыр туфраклары җиңел булсын. Алсу үзе дә бик курыккан. “Аннары уйладым инде, Ходай саклаган! – ди. – Менә ничек була бит, әзрәк соңга калган булсак та... диеп бик курыктым! Гел уйлап барам төнлә кайтканда, берәрсе йокыга китмәсә ярар иде диеп! Бик куркыныч әйбер! Күптән түгел бер 10 көн элек танышлар шул ук Зәй юлында авариягә эләктеләр. Шулай ук каршыдагы машина шоферы йокыга киткән”.
--- |
Иң күп укылган
|