Татарстанда "БМВ Х3" 11 яшьлек баланы бәрдерү очрагы буенча җәнҗал купкан

Чаллыда "БМВ Х3" 11 яшьлек баланы бәрдерткән юл-транспорт һәлакәте тирәсендә җәнҗал куба. Социаль челтәр кулланучылары "БМВ" руль артында исерек ир-ат булган, ди. Юл-транспорт һәлакәте Чулман проспектында булган. Машина йөртүче кыз светофорның кызыл утына үтеп китмәкче була, ә бу вакытта юлны җәяүлеләр кичә торган урында велосипедчы чыгып барган була.

Бәрелү нәтиҗәсендә бала ябык баш мие җәрәхәте ала, шулай ук аның баш арты сөяге сына, корсагы яралана. Баланы хастәханәгә озаталар, ул реанимациягә урнаштырыла.

Бу фаҗигагә шаһит булучылар социаль челтәрләрдә руль артында исерек ир-ат иде, дип раслый. Һәлакәт булгач ул, янәсе, машина ачкычларын кызга тапшыра, ә балага "өенә" кайтырга тәкъдим итә. Чөнки, аның фикеренчә, бала мөһимтән җәрәхәте алмый.

Чаллы халкы хакимияттән әлеге юл-транспорт һәлакәтен җентекләп тикшерергә чакыра. Шулай ук Мәскәү өлкәсендә булган фаҗига белән чагыштыруны сорый. Искәртеп узабыз, ул чакта бала бәрдерткән ханым "вафат булучы исерек иде", дип белдерә.

"Татар-информ"га Эчке эшләр министрлыгының Яр Чаллы буенча ЮХИДИ идарәсенең пропаганда бүлеге җитәкчесе Лилия Пожарская белдергәнчә, шаһитләрнең "БМВ Х3" машинасының руль артында башка кеше утырган дигән сүзләре раслау тапмаган.

"ЮХИДИ хезмәткәрләре берничә видерегистраторга төшерелгән материалны карады. Алар руль артында хатын-кыз булуын раслый. Шаһитләрнең күрсәтмәләре, бернигә дә карамастан, эзләү бүлегенә тикшерү өчен тапшырылачак", – дип ассызыклады Лилия Пожарская.

Шуны да әйтергә кирәк, бала әле һаман реанимациядә кала бирә.