|
|
Бүген кемнәр туган
|
|
Архив
|
26.06.2017 Интернет
«Үлем-китем күп булгач, «Матбугат»ка керүчеләр саны арткандыр?»Беркөнне укучыбыздан шундый сорау ишетергә туры килде. Чыннан да, татарда берәр танылган кеше үлсә, бу турыда яңалык интернетта күп караулар җыя. Бу бездә генә түгел, ә татар яңалыклары белән эш итүче барлык сайтларда да шул. Рамазан аенда Илфак Шиһапов, Галәветдин Зыятдинов, Әлфия Авзалова, Исмәгыль Шәрәфиев белән хушлаштык. Бу танылган шәхесләрнең үлеме бер язмага гына сыешмый. Фото, видео, хушлашу вакыты, хатирәләр, истәлекләр – боларның берсен дә бирми калып булмый. Шул рәвешле сайтның статистикасы бу көннәрдә өскә сикереп ала. Кайбер сайт хуҗалары мондый сикерүгә шатланырга, моны рекорд дип кабул итәргә мөмкин. Әмма мондый “рекорд” берни бирми. Берничә көннән сайтка керүчеләр саны кабат үз нормасына кайтып утыра. “Матбугат.ру” моны 10 ел эше дәверендә бик күп күзәтте. Сайтка даими керүчеләр саны исә берәмтекләп җыела. Үлем-китемнәрдән, сенсациядән, шау-шудан түгел. Ә проектның көндәлек стабиль эшләвеннән. Бу “Матбугат.ру” өчен генә эшли торган закончалык түгел, барлык сайтлар өчен дә шулай. Татар сайтларының статистикасы гел артып торсын иде. Әмма үлем-китемнәр хисабына түгел.
admin |
Иң күп укылган
|