|
|
Бүген кемнәр туган
|
|
Архив
|
21.06.2017 Җәмгыять
Аңымны жуймасам да, мине ике сәгатькә паралич сукты (УЕННАН-УЙМАК)Бер мәҗлестә миңа аракы эчмәүче ир белән янәшәдә утырырга туры килде Халык бераз җылынгач, телләре чишелә башлагач, аңа сораулар яудырырга тотындылар! Янәсе, ник алай, ник эчмисең, берәр чирең бармы, әллә кодлаштырдылармы һ.б. Аракыны авызына да алмаучы бу ир менә нәрсәләр сөйләде: – Мин бер заводка эшкә урнаштым, анда техник хаҗәтләр өчен спирт бирәләр иде. Мин ул чагында инде салгаларга ярата идем. Алдыңда – яхшы кабымлык, янәшәңдә яхшы дуслар булганда бигрәк тә. Спирт өләшенгәннән соң яңа хезмәттәшләрем миңа яңа коллективка кушылуымны “юарга” тәкъдим иттеләр. Без тәрәзәсе-ние булмаган ниндидер бүлмәгә кереп, эчтән бикләдек тә, “юу” эшенә керештек. Минем моңа кадәр чиста спирт эчеп караганым юк иде. Бу хакта белгәч, мужикларның берсе, хәлемә кереп, спиртны эчкәндә күзләрне һичшиксез чытырдатып йомарга кирәк дип акыллы киңәш бирде... Имеш, техник спиртның шул ягы бар, аны беренче тапкыр эчкәндә күзләреңне йоммасаң сукыраю ихтималы бар икән. Мин күзләремне чытырдатып йомып, җылы, укшыткыч сыеклыкны йотып җибәрдем. Шуннан күзләремне ачсам, я рабби, тоташ караңгылык! Мин җан ачысы белән кычкырып җибәрдем. Шулкадәр каты акырганмын, минем тавышымны ишеткәч, цехта паника башланган. Акырмый да хәлең юк: япь-яшь килеш көтмәгәндә-уйламаганда дөм сукыр кал әле! Мин аңымны җуярга өлгермәдем, кайсыдыр утны кабызды. Аңымны жуймасам да, мине ике сәгатькә паралич сукты. Бу кызыкны оештырган хезмәттәшләрем мине күтәреп медпунктка алып киттеләр. Менә шул көннән бирле борыныма спирт исе килеп бәрелсә, организмым имәнеп, катып кала. Инде биш ел шулай азапланам, ә менә хатын бик бәхетле. Теге хәлдән соң ул шаян хезмәттәшләремә хәтта бер ящик аракы да куйган.
Гали ВӘЛИЕВ |
Иң күп укылган
|