|
|
Бүген кемнәр туган
|
|
Архив
|
01.06.2017 Бәйрәм
Күпне күргән, күпне кичергән Фарсель ага Зыятдиновка бүген 80 яшь тулдыБакча темасына сораулары булса, журналистлар аңа шалтырата. Күпләр өчен ул ярты гасыр тәҗрибәсе булган һәвәскәр бакчачы. Ә кайберәүләр аны язучы, шагыйрь, икътисад фәннәре докторы, профессор, Татарстанның атказанган мәдәният хезмәткәре буларак та белә. Утны-суны кичкән диләр андыйлар турында. Кайсы яшелчәне кайчан утыртырга, ничек утыртырга, кайчан уңышын алырга - болар турында Фарсель Зыятдиновтан да яхшырак белүче юктыр. Һәр сораган кешегә ул үз белгәннәрен җайлап кына, салмак кына тавышы белән аңлатып бирә. Бүген 1 июнь көнне Фарсель ага Зыятдиновка 80 яшь тулды. "Матбугат.ру" исеменнән аны чын күңелдән котлыйбыз! Авырмагыз, Фарсель абый, исән-имин булыгыз, бәхетле яшәгез. Ә без, каләм әһелләре, Сезгә шалтыраткалап торырбыз.
--- |
Иң күп укылган
|