|
|
Бүген кемнәр туган
|
|
Архив
|
22.05.2017 Шоу-бизнес
Зөлфия Шакирова: «Җәвит әйберләрен алды да китте. Телефонын сүндерде. Аптырашта калдык...»
- Психологлар фикеренчә, ир белән хатын һәрвакыт бергә булса, алар бер-берсеннән ялыга. Сезнең очракта ничек? Безнең хисләр кичә генә өйләнешкәннәрнеке кебек. Аллаһыга шөкер, мәхәббәтебез бик көчле һәм ныклы. Арада көнләшү юк. Тормыш болай да авыр, көнләшү белән дә мәш килсәң, ни кала? Җәвитнең башкага күз атмавын да төгәл әйтә алам. Ул – минсез, ә мин ансыз тора алмыйбыз. Бер елны Җәвит, миңа әйтми генә, үзенең туган көненә Турциягә юллама аган. Миңа берничә көн кала гына хәбәр итте. Башта шаяртадыр дип уйладым. Баксаң, ул чынлап та билетлар алган икән һәм чемоданын да җыя башлады. “Самолеттан куркам, бармыйм” дигәнгә бик ачуланды. Минем ай-вайга карамыйча, әйберләрен алды да аэропортка юл тотты. Балалар белән аптырашта калдык. Шалтыратам - телефонын сүндергән. Ул мине аның артыннан чыгар дип уйлаган. Бармаганыма, ул - миңа, ә ул берүзе киткәнгә мин аңа үпкәләдем. Күпмедер вакыт сөйләшмәдек.
Азалия ИСМӘГЫЙЛЕВА |
Иң күп укылган
|