Ләйсән Гыймаеваның туган көненә Булат Бәйрәмов "серле" бүләк ясаган

Бүген татар эстрадасы йолдызы Ләйсән Гыймаеваның туган көне. "Көнем иртәдән үк матур башланды. Беренче котлауны, әлбәттә, тормыш иптәшем Булат Бәйрәмовтан алдым. Аннары әнием килеп тәбрикләде. Якыннарымның мине сөендерүдән дә зур бүләк юк!" – дигән Ләйсән “Интертат.ру” хәбәрчесенә.

“Булат нәрсә бүләк итте соң? – дигән сорауга җырчы: “Монысы сер булып калсын!” – диде.

Гомер бәйрәме булса да, Ләйсән көне буе аяк өстендә - бер оешманың бәйрәм мәҗлесендә эшләп алган. “Хәзерге минутларда өйгә кайтып барам. Кичкә туган көнемә табын әзерләргә ашыгам”, - диде ул. “Нәрсә пешерәсең?” дигән сораудан соң карарын үзгәртергә булды, ахрысы, “Туган көнем уңаеннан гаиләм белән ресторанга барырга исәпләп торабыз”, - диде Ләйсән.