|
|
Бүген кемнәр туган
|
|
Архив
|
02.12.2009 Милләт
КЫСТЫБЫЙ + “COCA-COLA” (ФОТО)Исегездә булса, татар телен хөрмәт итүчеләрнең рейтингын төзү эше башланган иде. Әкренләп булса да татарча сөйләшү өмәсе дәвам итә. Элмә такталарын ике дәүләт телендә язучы, этикеткаларда татарча мәгълүмат бирүче, хезмәт күрсәтүчеләр юк түгел. Үрнәк итеп “Вамин”нның сөт продукцияләре, “Идеал” аяк киеме кибетләре челтәре, “Атабай суы”, “Вита” даруханә челтәре, “Хәләл майонез”, “Метро” сәүдә үзәге һ.б. китерелгән иде. Казанның Татарстан урамындагы “Кыстыбый” кафесын күпләр беләдер, иң тәмле кыстыбый шунда сатыла, диләр. Татар ризыгы белән беррәттән аракы белән сыра сатылса да, күңелгә май булып ята торган бер күрнешкә тап булдык. Кергән ќирдә татарның милли ашы кыстыбый һәм дөньякүләм танылган бренд “Coca-Cola” төшерелгән зур билборд эленгән. Әле “Вместе вкуснее” слоганын да татарча һәм гарәп графикасына туры китереп язганнар. Һәрбер өстәлдә шундый реклама катыргасы тора. Менә дигән реклама! Теләсәләр, Татарстанда яшәүче халыкка карата хөрмәт йөзеннән, биредәге гореф-гадәтләрне исәпкә алып эшли алалар бит! Әнә, танылган “Метро” сәүдә үзәгенең ишеге төбендә үк татарча язулар каршы ала, язарга иренмәгәннәр.
Дуслар, фотоаппарат һәрберебездә бар, шундый яхшы гамәлләрне, күренешләрне фоторәсемгә төшереп бер урынга тупласак иде. Татарны, аның телен, гореф-гадәтләрен хөрмәт итүче, сөючеләр рейтингын булдыру эшен туктатмасак иде.
1
2
3
Римма БИКМӨХӘММТОВА |
Иң күп укылган
|