• 02.06-07.06 Казан шәһәре буенча җәяүле экскурсияләр. ТР Милли музее
  • 24.06 Вадим Захаров концерты. Филармония. 18:30
Туган көннәр
  • 05 Июнь Наилә Низами
  • 05 Июнь Артем Пискунов
  • 05 Июнь Нурания Җамали
  • 05 Июнь Фәния Арсланова
  • 05 Июнь Павел Сигал
  • 06 Июнь Айгөл Гыймранова
  • 06 Июнь Илдар Хәйруллин
  • 06 Июнь Фәнис Фәтхи
  • 07 Июнь Мөнирә Мазунова-Хәбибуллина
  • 08 Июнь Рәис Миңнеханов
  • Ищем чистоплотную мусульманку на подселение ул.Губкина 30Б. Отдельная комната в трехкомнатной квартире, в новом доме, остановка рядом. Тел.89600412669
  • Казань салмачи бистэсендэ 8 сот жир кишэрлеге сатыла,бик унайлы урында ,фундаменты бар ,барлык сорауларга телефон аша жавап бирэмен,телефон номеры 89377797292
  • Кама Тамагы районында 11,6 га (ике пай 5.8га) межевать ителгэн жир участогы сатам. Участок бик унайлы урында урнашкан, яныннан ук асфальт юл утэ, документлары эзер. 2024 елда идел аша купер тозелеше кулланышка тапшырылачак, шэһэрдэн участокка кадэр асфальт юлдан 40 минут вакыт кирэк булачак. Кадастровый номер 16:22:060501:111 Тел 89674628716
  • Журналистлар урамында урнашкан ике бүлмәле квартирага бергә торырга татар кызы эзлибез. Якында гына Попова, Пионерская, Ак. Губкина остановкалары. 16000 всё включено. 89274052074
  • Газель, грузчик хеэмэте курсэтэбез 24/7. 89196271171
  • Энергетиклар урамында урнашкан (Мәскәү базары) тулак торактагы бүлмә арендага бирелә. Булмәдә яшәү өчен кирәкле бөтен җиһаз бар. 89050215173 номерына шалтыратып, тулырак мәгълүмат белә аласыз.
  • Ф. Амирхана урамында 1-булмэле фатырны озак вакытка арендага бирэм. Яшэу очен ботен унайлыклары да бар. Айлык тулэу бэясе 17мен.89173903748.
  • Казанда сатам диван яна 20 менгэ алган идем бер тапкырда ятмаган кучеп киту сэбэпле сатам 15 менгэ тел89178840723
  • Казан Чапаева урамында 2 булмэле фатирны арендага бирэм.17500+ счётчики газ+ вода+ свет.т.89655931320.т.89872630522
  • Ищу девушку на подселение в комнату к девушке, в 2-х комнатной квартире. Желательно на долгий срок. По адресу Восстания/Ибрагимова. Оплата 4500 руб. в месяц. Оплата после заселения. Всё необходимое в квартире имеется. Без комиссий. Собственник! Не риэлтор. +7 917 873-82-13 или +79179361290 (ватсап)
 

 
Архив
 

               

03.04.2017 Мәдәният

«Халкым минем» иҗат бәйгесенә Расих Латыйпов исеме биреләчәк

Похвистнево районының Гали авылында тугызынчы тапкыр танылган эшкуар һәм милләтпәрвәр Расих Латыйпов оештырып килгән «Халкым минем» фестивале булып узды. Нишлисең бит, шулай язган булгач, быелгысы үзеннән башка гына үтте…

Билгеле булганча, бу бәйге өлкәбездә яшәүче сәләтле милләттәшләребезне эзләп табу һәм аларда иҗат чаткысы кабызып, талантларын халыкка күрсәтү белән шөгыльләнә. Быел фестиваль бөек композиторыбыз Сара Садыйкованың юбилеена багышланган иде. Сәләтле яшьләрне һәм өлкәннәрне ачыклау, аларга иҗади яктан ачылу өчен шартлар тудыру максатыннан оештырылган иҗат бәйгесендә 15 яшьтән - 50 яшькәчә конкурсантлар катнашты. Һәр катнашучы Сара Садыйкова иҗат иткән җырны башкарырга тиеш иде. Алар 15 - 20, 21 - 35 һәм 36 - 50 яшькәчә төркемнәргә бүленеп чыгыш ясадылар.

Фестиваль, гадәттәгечә, Похвистнево районы администрациясе, Бөтендөнья татар конгрессы, “Татарстан - Яңа гасыр” телерадиоканалы һәм Похвистнево районының “Туган тел” татар оешмасы ярдәме белән уздырылды. Быелгысының төп иганәчесе Гали авылында туып-үсеп, бүген Казанда яшәүче Дания Әсхәт кызы Тулова-Хәсәншина булды. Күптән түгел генә ул Татарстан Республикасы Президенты Указы белән иң югары бүләк — «Фидакарь хезмәте өчен» медале белән бүләкләнде.

Гали авылы бу көнне бик күп мәртәбәле кунакларны каршы алды. Алар арасында Бөтендөнья татар конгрессы башкарма комитетының мәгълүмат һәм аналитика бүлеге җитәкчесе, Татарстанның атказанган мәдәният хезмәткәре Гөлназ Шәйхи, Татарстанның “Яңа гасыр” телекомпаниясе журналисты, “Халкым минем” тапшыруы авторы Ләйсәнә Садретдинова, Татарстанның халык артисты Фердинанд Сәлахов, өлкә хөкүмәтенең урман хуҗалыгы һәм тирә-як мохитны саклау министры Александр Ларионов, Похвистнево районы администрациясе башлыгы Юрий Рябов, Самар өлкә «Туган тел» татар җәмгыяте президенты Ильяс Шәкүров, оешманың башкарма директоры Фәрхәт Мәхмүтов, Камышлы районы хакимиятенең Мәдәният, спорт, туризм һәм яшьләр сәясәте идарәсе җитәкчесе Резедә Төхбәтшина һәм башкалар бар иде.

Бәйгедә катнашучыларга Татарстанның халык артисты, җырчы Фердинанд Сәлахов җитәкчелегендәге жюри бәя бирде. Иртәнге сәгать уннан көндезге сәгать икегә кадәр жюри әгъзалары сайлап алу белән шөгыльләнделәр.

Фестивальдә катнашучылар һәм кунаклар өчен күргәзмә дә оештырылган иде. Анда Гали уңганнарының кул эшләре, авыл тарихы турындагы мәгълүматлар күрсәтелде.

Сайлап алу туры узганнан соң галилеләр гала-концертка җыелды. Жюри әгъзалары,  тамашаны алып баручылар Гөлназ Шәйхи һәм Фердинанд Сәлахов тамашачыларны сәламләделәр.
- «Халкым минем» иҗат фестиваленең чишмә башында Гали авылының легендар егете Расих Мөҗәһит улы Латыйпов торды. Аның идея¬се белән оешкан иҗат фесвивале тугыз ел дәвамында үсте, баеды, төрлеләнде. Быел да бәйгене зурлап уздыру — аның хыялы иде. 10нчы фестивальгә дә планнары зурдан иде. Нишлисең бит, рәхимсез үлем Расихыбызны  безнең арабыздан алып китте. Гали авылы гына түгел, бөтен татар дөньясы үзенең затлы улын, бөек шәхесен, милләтпәрвәрен югалтты…

Расих Латыйпов туган авылын, туган җирен, авылдашларын хөрмәтләде, гаиләсен, туганнарын, дусларын яратты. Ул халык дип, милләт дип, Гали авылы дип яшәде. Бөтендөнья татар конгрессы Башкарма комитеты әгъзасы, Бөтенроссия татар авыллары оешмасын оештыручыларның берсе, оешма рәисе урынбасары, Гали авылында үткәрелгән I Бөтенроссия авыл Сабан туен, Похвистнево районында «Туган тел» татар җәмгыятен оештыручы, гомумән, олпат шәхес Расих Мөҗәһит Латыйповны бер минут тынлык белән искә алыйк әле, — дип башлап җибәрде чараны күзләренә яшьләре тыгылган Гөлназ ханым.

- Бөтендөнья татар конгрессы Башкарма комитеты карары белән быелдан «Халкым минем» иҗат бәйгесенә Расих Латыйпов исеме бирелсә, бик яхшы булыр иде, — диде ул бер минутлык тынлыктан соң. Бу тәкъдимне тамашачылар хуплап каршы алды.

Аннан соң сүз мөхтәрәм кунакларга — өлкә хөкүмәтенең урман хуҗалыгы һәм тирә-як мохитны саклау министры Александр Ларионовка, Похвистнево районы администрациясе башлыгы Юрий Рябовка бирелде. 

- Расих Латыйпов — үз авылының, районының, халкының патриоты булды. Аның исеме мәңге онытылмаячак…  “Халкым минем” бәйгесенең дәвамлы булачагына да ышанасы килә, - дип белдерделәр алар һәм мәрхүмнең туганнарына сабырлык, ә фестивальдә катнашучыларга иҗади уңыш¬лар теләделәр.

Александр Иванович Гали егетләрен көрәшкә өйрәтүче Хәйдәр Гәрәевне өлкә губернаторының Мактау грамотасы белән бүләкләде, Дания Туловага тапшырырга дип алып килгән “Куйбышев - запас башкала“ күкрәк билгесен аның әнисе Нәҗибә апага бирде.

Похвистнево районы башлыгы Юрий Рябов чараны оештыручыларны Рәхмәт хатлары белән бүләкләде. Расих Латыйповка тәгаенләнгән «Муса Җәлилнең тууына 110 ел тулу уңаеннан» дип аталган күкрәк билгесен Гөлназ Шәйхи аның хәләл җефете Кәүсәр ханымга тапшырды.
Ахырда иң яхшы җырчыларның исемнәре яңгырады һәм алар бүләкләр һәм дип¬ломнар белән бүләкләнде. Лауреатлар октябрьдә Казанда үтәчәк “Татар моңы-2017” Халыкара телевизион яшь башкаручылар бәйгесенең II турына узды. Бу исә иң зур бүләк булгандыр, минемчә.

Беренче урыннарны Самараның мәдәният институтында укучы Камышлы кызы Розалия Хәкимова, самаралы Фәрзәнә Мәхмүтова, Гали авылыннан Алия Әхмәтова һәм камышлылы Наил Хәкимов яулады.

Гали авылында яшәүче игезәкләр Наилә һәм Камилә Хәсәновалар, Яңа Ярмәктән - Алисә Хаматшина, Яңа Мансурдан - Зилә Шәрәфетдинова, Мәчәләй Мәдәният йортының вокал ансамблендә катнашучы Рауза Иваева, Асия Исмәгыйлева, Бибинур Газизова, Разия Канюкаева, Зөләйха Мияссәрова һәм аларның җитәкчеләре Жанна Әмирова икенче дәрәҗә лауреат исе¬менә лаек булдылар.

Самараның “Яктылык” татар мәктәбе укучысы Әлсинә Дәүләтбаева һәм Яңа Мансур авылында яшәүче Зөлфия Арсланова  өченче дәрәҗә дипломнар белән бүләкләнделәр.

Гала-концертта конкурстан тыш чыгыш ясаучылар да булды. Беренче булып сәхнәгә Камышлы районы һәвәскәрләре чыкты. Атаклы “Ак каен” фольклор халык ансамбле бәйрәмне бик матур итеп ачып җибәрде, ә Камышлы районы хакимиятенең Мәдәният, спорт, туризм һәм яшьләр сәясәте идарәсе җитәкчесе Резедә Төхбәтшина чараны оештыручыларга рәхмәтләрен җиткереп, Казан кунакларына Камышлы бавырсакларын тапшырды.

Татарстанның халык артисты, яраткан җырчыбыз  Фердинанд Сәлахов та үз репертуарыннан берничә җыр башкарды. Тамашачы аның чыгышын көчле алкышларга күмде.

Рәхмәт сүзләре күп яңгырады. Гали авылы җирлеге башлыгы Идрис Муллабаев, өлкә «Туган тел» татар җәмгыятенең башкарма директоры Фәрхәт Мәхмүтов һәм башкалар оештыручыларга, иганәчеләргә рәхмәтләрен әй¬теп, яшь талантларга мәйдан бирүче фестивальнең дәвамлы булуын теләделәр.

- Киләсе елда унынчы фестивальне Расих Латыйповның туган көнендә, 17 февральдә, зурлап уздырырбыз, Аллаһы теләсә. Аның исеме Гали авылындагы бер урамга бирелсә, татар җәмәгатьчелеге бик шат булыр иде, - дип тәмамладылар тамашаны алып баручылар. Аларның бу тәкъдимен халык алкышларга күмеп каршы алды. 

Римма НУРЕТДИНОВА,
“Самар татарлары”
сайты мөхәррире.

---
Бердәмлек
№ --- | 03.04.2017
Бердәмлек печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте