Рифат Фәттаховка Чувашстан татарларының милли премиясе тапшырылды

28 февральдә Рәшит Ваһапов фестивале лауреаты Азат Абитовның беренче концертында аның продюсеры Рифат Фәттаховка Чувашстан татарларының Ф.Бурнаш исемендәге милли премиясе тапшырылды. Зур уңыш белән үткән концертта чыгыш ясап, Чувашстан Диния нәзарәтенең Казандагы вәкиле Тәлгат Камалетдинов күренекле татар продюсеры, Рәшит Ваһапов фонды директоры Рифат Фәттаховның профессиональ музыка сәнгатен үстерүдәге, яшь талантларны зур сәхнәгә чыгарудагы хезмәтләрен асызыклап үтте.

“Безнең якташыбыз Азат Абитовны да зур сәхнәгә Сез чыгардыгыз,” – диде Чувашстан татарлары вәкиле.

Рифат Фәттаховка Чувашстан татарларының Ф.Бурнаш исемендәге Милли премиясе тапшырды. Ул бу бүләккә “Моң сакчысы” номинациясендә лаек булган.

Азат Абитовның беренче концертының фоторепортажны соңрак урнаштырырбыз.

Шамил Абдюшев фотосы.