|
|
Бүген кемнәр туган
|
|
Архив
|
29.01.2017 Хәйрия
Җир шарының кечкенә генә бер авылында мәрхәмәтле кешеләрдән ярдәм өмет итеп яши ул“Яраткан бәндәмне сынармын” дигән Аллаһы Тәгалә. Кукмара районы Ташлы Елга авылында яшәүче 23 яшьлек Гөлназ Сәлләмова да зур сынау алдында калган. Табиблар кызга тууга ДЦП диагнозы куйганнар. Әлеге авыру нәтиҗәсендә аның умыртка баганасына зыян килә. Хәзерге вакытта Гөлназ S формалы сколиоз авыруыннан газап чигә. Умыртка баганасы кәкрәю Гөлназның йөрәгенә, үпкәсенә зыян сала. Кызга кайвакыт һава да җитми башлый, куллары һәм аяклары шешә. Гәүдәсен тотар өчен ул корсет кияргә мәҗбүр. Әмма гел корсеттан йөргәч, хәрәкәтләнгәч, ул тәнен җәрәһәтләп, авырттырып бетерә. Гөлназга кичекмәстән операция ясау кирәк. Мәскәүнең “Медицина” нейрохирургия үзәгендә табиблар аңа ярдәм итәргә ризалашкан. Тик ни кызганыч, мондый операцияләрнең бәясе бик кыйммәт.
Гөлназга сәламәт булып, тулы тормыш белән яшәү өчен 2 миллион 467 мең 880 сум күләмендә акча кирәк. Вконтаке социаль челтәрендә узган елның җәендә Гөлназ әлеге сумманы җырга ярдәм сорап, төркем булдырган иде. Ярдәмчел кешеләр белән берлектә бу акчаның яртысыннан артыгы инде җыелды. Ләкин бу процесс бик озак бара. Ә авыру вакыт узган саен тамыр җәя...
Җир шарының кечкенә генә бер матур авылында мәрхәмәтле кешеләрдән ярдәм өмет итеп яши ул. “Матбугат.ру” сайты кулланучыларыннан да ярдәм сорыйбыз. Яшьлегенең чәчәк аткан мизгелендә шушы ихлас күңелле, ачык йөзле чибәр кызга өмет бүләк итсәк иде. Тамчыдан күл җыелачагына ышана Гөлназ. Хәле көннән-көн начарая барса да, тәне бик нык сызлап, сулар өчен һава алу авырлашса да, яшәр өчен көрәшә. Аның бик тә, бик тә төз булып, җиргә нык басып атлап йөрисе килә!
Гөлназның катлаулы язмышына битараф калмыйча, авыруны җиңеп чыгар өчен кирәкле сумманы җыярга ярдәм итәргә теләүче олы йөрәкле кешеләр өчен реквизитлар:
СБЕРБАНК РОССИИ
Номер карты: 4817 7600 1185 5941
Получатель : Саллямова Гульназ.
МЕГАФОН: +7 937 570 67 45
КИВИ КОШЕЛЕК: +7 927 437 41 12
ЯНДЕКС КОШЕЛЕК: 410014142726385
Төркем: https://vk.com/gulnazsallamova
--- |
Иң күп укылган
|