ИнтехБанк клиентларына хезмәт күрсәтми башлаган

ИнтехБанк офисларының эш режимы үзгәрүе турында игълан итте. Бу хакта мәгълүмат әлеге кредит оешмасының рәсми сайтында бастырылган. “Хөрмәтле клиентлар, техник сәбәпләр аркасында 2016 елның 19 декабрендә клиентларга хезмәт күрсәтү вакытлыча туктатыла. Якын арада барлык техник проблемалар да бетереләчәк”, - дип аңлата банкның матбугат хезмәте.

Искәртеп үтәбез: узган атнада Татарстанда кайбер банкларга мәгълүмати һөҗүм ясалган иде. Банкка акча салучыларга исәп-хисап счётларыннан акчаларын кичекмәстән кире алырга өндәгән хәбәрләр таратылган. Экспертлар билгеләп үткәнчә, кешеләргә бары тик паникага бирелмәскә кирәк, чөнки төбәкнең банк системасы каршылыкларга тотрыклы, ә банкларның ышанычлылык дәрәҗәсе югары.

Шулай ук бүген “Татфондбанк” офислары эшчәнлеген яңадан башлап җибәрде. Атнаның эш көннәрендә сәгать 10:00 дән 15:00 гә кадәр эшли.

“Банк бүлекчәләрендә кредитларны түләргә, Кертемнәрне иминиятләштерү агентлыгыннан салган акчаларны алу турында һәм килеп туган башка мәсьәләләрдә консультацияләр алу мөмкин булачак”, - диелә кредит оешмасының матбугат хезмәте мәгълүматында.

Банкның рәсми сайтында еш бирелә торган сорауларга җаваплар бастырылган.

Искәртеп үтик: 14 декабрьдән 17сенә кадәр “Татфондбанк” клиентларына хезмәт күрсәтү эшен туктатып торды.