|
|
Бүген кемнәр туган
|
|
Архив
|
14.12.2016 Яңа китаплар
Фәния Җәләлиева. "Күңелләр дәвасы"Табиблар нәселеннән булган Фәния ханым Җәләлиева соңгы 15-16 елда гомерен ислам динен таратуга, динебезгә, милләтебезгә хезмәт итүгә багышлаган остаз-мөгаллимәләрнең берсе. Казанның "Гадел" мәчетендә уку-укыту буенча имам ярдәмчесе һәм якшәмбе мәктәпләрендә дин сабагы бирүче буларак та, туган ягы Кукмара районының Өркеш авылында "Фәниябикә" мәдрәсәсе ачып, авылдашларын туры юлга өндәүче буларак та аның халкыбыз белән уртаклашыр тәҗрибәсе, нәсихәтләре байтак. Китапның истәлекләр өлешендә автор шул хакта бәян итә. Ә икенче өлештә инсаннар төрле сынаулар алдында калганда укып, Аллаһы Тәгаләдән сорау кирәкле, күңелне сихәтләндерүче догалар, зикерләр; мөселман җәдвәле буенча кайсы көнне, нинди айларда, кайсы дини бәйрәмнәрдә фарыз гыйбадәттән тыш өстәмә нинди догалар, намазлар уку үрнәкләре туплап бирелгән. Китапны журналист, дини эчтәлектәге шактый китаплар мөхәррире Вәсилә Рәхимова гамәлгә куйган.
"Күңелләр дәвасы"н "Гадел" мәчетендә яки Тукай урамы, 5 йорттагы "Рамазан" кибетендә табып була.
--- |
Иң күп укылган
|