14.11.2016 Интернет

Региональ журналистлар өчен "Тормыш өчен технологияләр - зур мөмкинлекләр" бәйгесе игълан ителде

«Ростелеком» региональ журналистлар өчен "Тормыш өчен технологияләр - зур мөмкинлекләр" VI бәйгесенә старт бирде. Конкурсның партнеры буларак «НЭК Нева Коммуникацион Системалар» җәмгыяте тәкъдим ителә.

Бәйгенең төп максаты булып региональ массакүләм мәгълүмат чаралары һәм блогерларның игътибарын җәмгыять тормышында инновацион технологияләр һәм сервисларның ни дәрәҗәдә кулланылуын объектив һәм сыйфатлы итеп яктыртуга җәлеп итү тора. Әлеге проект 1000 артык эш туплар дип көтелә.

Җиңүчеләр өчен төп приз 2017 елның октябрендә NEC корпорациясенең Токиода урнашкан штаб-фатирына бару булачак.

Бәйге түбәндәге номинацияләр буенча уза:

* басма матбугат;

* радио һәм телевидение;

* интернет – ММЧ;

* социаль медиалар.

2016-2017 елда конкурс партнерларыннан махсус номинация - япон-рус телекоммуникацияләре өлкәсендә хезмәттәшлек итү дә каралган.

Жюри составына Россия, Япония, Армения IТ һәм телеком өлкәләренең экспертлары кергән.

Бәйге берничә этапта үтә: нәтиҗәләр макрорегиональ һәм федераль дәрәҗәдә ясалачак. Макрорегиональ этап җиңүчеләрен 2017 елның июлендә Мәскәү шәһәрендә котлаячаклар.