06.11.2016 Мәдәният

"Суши-барда ифтар уздырган кебегрәк" - "Үзгәреш җиле"ннән 8 тәнкыйди фикер

"Үзгәреш җиле" фестивале турында хуплау сүзләре бик күп булды. Гомумән, дәүләт проекты булса, әле "президент" сүзе дә керсә, гадәттә, алкышлар бик көчле була. Әмма тәнкыйди фикерләр дә бар икән. Аларны махсус сөзеп бирәбез, берүк журналистика принцибына каршы килә дип кабул итмәгез.

Әлеге комментарийлар социаль челтәрләрдәге аралашулардан, ачык чыганаклардан алынды. Фикерләрнең авторлары - барысы да танылган кешеләр. Аларның постларын үзгәртми-нитми бирәбез:

Гүзәл Сәгыйтова:

Үтте. Көтелгәнчә. Яхшы сыйфатлы ретро концерт карап кайттык. Татар музыкасының алтын фондында булган җырларны башка яңгырашта гәүдәләнеше татар эстрадасына үзгәреш китермәячәге алдан ук көн кебек ачык иде. «AZAT Sound System», “Yammy music ”, “Tatarsis”, Мобай, Радиф Кашапов үз "почмакларында" бу эшне болай да алып баралар иде инде, аларга кадәр дә андый омтылышлар булган. Шулай да барып карамыйча, концерт алдыннан ашыгыч нәтиҗәләр ясыйсы килмәде. Күңел ниндидер яңарыш көтә иде...

Юк, “Үзгәреш җиле” бернинди дә үзгәреш китермәячәк! Атамасында ук калька булган проектның эчтәлеге дә шундый...

Өч ел элек “Калеб”не башлаганда без "сәнгатькә, шул исәптән эстрадага аз гына булса да яңалык кертәбез, барысын да дәүләттән көтеп, “аһ-ваһ” килгәнче, үзебез ниндидер адымнар ясарга тиеш”, дигән фикер белән башлаган идек. Проект кысаларында яңа җырлар да туды, әле дә туа. Ләкин “Калеб”нең максатлары киңрәк, шуңа да соңгы арада бу юнәлешкә артык басым ясамый идек. Бу турыда ник язам соң? Безнең шагыйрьләребез, композиторларыбыз, көчле вокалистларыбыз бар (бүген сәхнәдә аларның бик азы күренде!), Лундстрем оркестры кебек яңа оркестр оештырырдай музыкантларыбыз җитәрлек. Безгә аларны күтәрергә, аларга булышырга кирәк! Киләчәктә яңа интерпретациядә башкарылачак җырлар бүген туарга тиеш! Яңалык, үзгәреш турында шулвакытта гына сөйләшү урынлы булыр иде...

P.S. 9 ноябрь көнне Казан дәүләт консерваториясендә бүгенге чара уңаеннан түгәрәк өстәл оештырыла. Катнашырга теләүчеләр личкага языгыз!

Рәдиф Кашапов:

Сижу, смотрю инстаграм, и не понимаю, как это Бродвей перемен в оперном должен что-то изменить. Очередная рефлексия пришлых. UPD: забавно, что все это явно перекликается с опытами Лундстрема середины прошлого века на казанском земле, когда они играли Ключарева и прошлое. Такой вот модерн.

Рузилә Мөхәммәтова:

Раяз Фасыйховны бернинди җил дә үзгәртә алмый ))) Бу проектка аны алырга кирәкмәгәндер мөгаен, йөрсен шунда үзенчә җырлап.

Айгөл Бариева:

"Үзгәреш җиле" турында биик күүп фикерләр булачак!)Мин дә үземнекен калдырыйм әле!!!

Татарның Т хәрефе дә калмады кичә((( Әлбәттә оркестр, музыка, сәхнә бизәлеше, кайбер җырчыларның зәвык белән башкарулары үзенең ролен уйнады! Һичшиксез!! Ләкин киемнәрдә бернинди үзебезнең милли бизәкләр булса да! күренмәде, репертуар-күптән бөтен фестивальләрдә тапталган, яңгыраган җырлар (бездә бүтән борыңгы, халык, ретро җырлар юкмы әллә ???), бик күп аранжировкаларда һәттә еврей! музыкасы урын алды, кабер җырчылар нәрсә турында җырлаганын да аңламаган бугай..((( Ә нигә кирәк булган соң ул алайса бу фестиваль!!! Безнең Үзебезнең Милли мәдәниятебезне күрсәтер өченме? яисә киресенчә.... Уйлыйм кичәге концерт киресенчә, безнең үзебезгә генә хас көйләребезне, Моңны юкка чыгару өстендә генә эшләнде.. (( Ләкин бу шәхсән минем фикер!!! Һәрбер фикергә урын бардыр ич?)) Мондый зур күләмдә матди ярдәм (белүемчә 80млн!!!) башка татар концертларында, фестивальләрендә булса .. уйлыйм алар да калышмаслар иде!! Ә киресенчә, бәлки уздырырлар иде дә!! Әлбәттә бу сумманың бер кечкенә генә өлешен җырчыларга бирсәң .. алар да әллә ниләр күрсәтерләр иде...))) Бер оркестр гына ни тора!!! Заманында, мин Анна Германга багышланган, Р.Үтәй оркестры белән бергә концерт үткәргән идем. Һәм әлбәттә ул концертның уңышлы булуына 80% оркестр булганга дип, саныйм!! Әлбәттә, һәрбер җырчы хыялында оркестрга кушылып концерт куясы килә!! Ләкин һәрбер җырчы матди яктан аны булдыра алмый шул... Мондый фестиваль дә кирәк булгандыр инде. Үзгәреш кирәк!! Һичшиксез!! Ләкин мондый түгел! (((... Бу бары тик замана таләпләренә куелган Текә концерт булды!!! Ә үзебезнең Милләтебезне күтәрә торган түгел! (( Ул бернинди дә Үзгәреш кертмәячәк!!!!

Земфира Гыйльметдинова:

Бу исраф эчен кем жавап бирер икэн — биручеме, аны жилгэ очыручылармы, белмэгэн эшкэ алынып мэгез чыгарырга маташкан олы миллэт уллары, кече миллэт кызларымы?

Мансур Сәгъдиев:

Әлегә сурәт карадык, бер ярты елдан тавышларын да ишетербез шәт. Әлегә ни әйтергә мөмкин... "Яхшылардан яхшыларын сайлап алып үстерү" булмады инде бу чара. Гади җыр сөюче, тыңлаучы фикере буларак кабул итегез моны. Янә бер караш ташласаң, тышкы чагылышның үзенчәлегенә дә тап буласың икән әле: "долой калфаклар, долой түбәтәйләр!" дип атап буладыр монысын. Шунысы кызык, чит илләрнең үзенчәлеген барысыннан да күбрәк татыган Айдар әфәнденең башында түбәтәй ахыры...

Рөстәм Сәрвәров:

Кыскача әйткәндә просто ПОЗОР булды.

Инсаф Хәмитов:

Ну, бардым мин ул үзгәреш җиленә. Ничек дип әйтим? Абыстайларны чакырып суши барда ифтар уздырган кебегрәк. Кызык та кебек шунда, Сәер дә, аңлашылып та бетми, Теге, кем әйтмешли, мин татарның ике генә җырчысын якын күрәм икән. Элвин Грей белән Радик Юлъякшинны...

---
Матбугат.ру
№ --- | 06.11.2016