Салават Миңнеханов һәм Гүзәлем татар журналистлары белән матбугат конференциясе үткәрде (ФОТО)

Бүген "Ривьера" кунакханәсе конференц-залында Салават Миңнеханов һәм Гүзәлем яңа концерт туры уңаеннан матбугат очрашуы үткәрде. Чараны "Матбугат.ру" оештырды.

Салават белән Гүзәлем тере концерт, "Сафари" инструменталь ансамбле белән бергә республика шәһәр-районнарын гизмәкче. "Бу бик чыгымлы, әмма без бу эшкә тотынырга булдык, чөнки без үсәргә тиеш," - диде Салават.

Уң якта "Сафари" инструменталь төркеменең җитәкчесе Дмитрий Пономарев. 

"Сафари" музыкантлары Чаллыда яши. Салават белән Гүзәлем анда атнага ике тапкыр Казаннан барып репетиция ясый.

Клипта төшкән әби белән бабай Азнакайда яши икән. Аларның хәлләрен гел белешеп торалар. "Без аларга бер кап кәнфит тотып керәбез, ә алар казлар, сөтләр, әллә ниләр төяп җибәрәләр. Шуңа күрә без аларга кереп хәл белергә бик яратабыз," - диде Салават шаярып.

Матбугат конференциясе бер сәгатьтән артык барды. 

Концертларның сценарий авторы һәм режиссеры - Айваз Садыйров. Әлеге мизгелдә Салават белән Гүзәлем аңа карый.

"Татарстан" дәүләт телерадиокомпаниясе хәбәрчесе.

21 ноябрь көнне Филармония залында Казан халкы өр-яңа тамашаны күрә алачак.

Сораулар арасында иҗатка кагылышлылары да, шәхси тормыш турындагылары да бар иде.

Татарстан Президентының татар эстрадасы хакында әйткән тәнкыйди сүзен Салават җитди кабул иткән. Тере концерт куярга омтылуына да берникадәр шул сәбәпче. Шул ук вакытта Миңнеханов татар эстрадасын артта калган дип санамый. Башка кече милләтләр белән чагыштырганда, бездә шоу-бизнес югары дәрәҗәдә, ди.

"Ватаным Татарстан"нан Илнар Хөснуллин

"Россия 1" каналы

Сөйләшү уен-көлке белән үрелеп барды.

Бу җиһаз диктофон дип атала.

Салаватларның матбугат әһелләре белән очрашуы традициягә керде. Узган елны да шушы ук отельдә, әмма башка конференц-залда оештырган иде чараны.

Һәр журналистка компакт-диск һәм концертка чакыру билеты тапшырылды.

Концертлар кайчан һәм кайда булачак

Наил Зыятдинов һәм Шамил Абдюшев фотолары