Ленара Баһаветдинова: “Җырчы булам дип, хәрби формадан баш тарттым” (ИНТЕРВЬЮ)

- Әти-әнием әйтә иде: “Син беренче җырлый башладың, аннары гына  сөйләштең” - дип. Җырчы булу минем хыял иде, беренче тапкыр 6 яшьтә сәхнәгә чыктым, шуннан сәнгать дөньясына тулаем кереп киттем дә. 10 яшемдә Санкт-Петербургта “Милосердие белых ночей” фестивалендә “Маленькая страна” җыры белән беренче урынны алуым тәүге иң зур уңышым булды. 4000 кеше арасыннан җиңүгә ирешү, берсүзсез, канатландырды.

 

 

- Әйе, аның үрнәгендәге җырчы дәрәҗәсенә ирешергә телим. Минем кечкенә чакта Хәния апаның “Әлдермешкә кайтам әле” дигән җырын башкарган видео да бар. Аны Хәния Фәрхигә дә җибәргән идем, ул: “Афәрин, кызым, шәп, булдыргансың!” – дип җавап кайтарды.  Бер аның гына җырларын башкармадым, әлбәттә, күңелгә ошаган җырларны сайлый идем. Минем вокал дәресләре булмады. Музыкаль мәктәпне баян һәм фортепиано класслары буенча төгәлләдем. 8 нче сыйныфка кадәр барлык җыр бәйгеләрендә катнаштым. Мәскәүдә дә 3 нче урыннар яулап кайта идем. Күпчелек, мине әби бәйгеләрдә катнаштырырга ярата.

 

 

- Әбиемнең хыялы, чыннан да, мине җырчы итеп күрү. Ул миңа булыша, иҗатымны алга илтүче үзенә күрә бер продюсерым инде. Үз-үземә ышанычны булдырырга ярдәм итә, беренче җырны яздырырга да әбием үгетләде.

 

 

- Мин 8 сыйныфтан кадет классына укырга кердем. Үземнең мәктәптә җыр өлкәсенә карата ярдәм итү, яхшы мөнәсәбәт юк иде. Конкурсларда катнашып кайткач та көнләшеп карыйлар иде. Шундый мохиттә укыйсы килмәде һәм шуңа да күчергә карар кылганмындыр. Лицей безнең авылдан 80 чакрым ераклыкта урнашкан. Музыкаль мәктәпне бетергән чак иде, имтиханнарны илтеп тапшырдым. Үземнең форма киеп карыйсы да килде, бәлки, хәрби булып китәрмен дип тә уйлаган идем. Лицейда мин бик күп яңа танышулар ачтым, аралашу ягыннан бик нык үстем. Безнең белән төрле яктан шөгыльләнделәр.

 

 

- Мине ничектер артык чыгармадылар, күпчелек өйдә булгач, үз тормышым белән яшәп карыйсым килде. Башында кызыктырды, ләкин берәр атна яшәп карагач, сагындыра башлады. Әти-әнигә сиздерергә тырышмадым, чөнки элеккеге мәктәбемә дә кайтасым килмәде. Барыбер укып бетерәм диеп, үз максатыма ирештем. Лицей тарихында мин берүзем чыгарылыш имтиханын әдәбият буенча тапшырдым. Хәрби буларак китүемне якыннарым теләмәде, кызлар өчен бу һөнәр авыр да, шуңа җыр юнәлешен сайладык.

 

 

- “Җомга көн” ансамбленә солистка итеп алдылар. Фольклор булгач башында икеләнү дә бар иде, ләкин тыңлагач, нәрсә икәнен белгәч, ошап китте. Шулай бер ел эчендә ияләштем, чыгышлар ясый башлагач, җырчыларга да кызыгып йөри торгач, әбием миңа үземә дә җыр яздырырга кирәк дип әйтте. Беренче шагыйрә Галия Сафиуллинага мөрәҗәгать иттем. Ул бик матур сүзләр иҗат итте. Көен Ләйсән Мәхмүтовага яздырырга дип очраклы гына язып карадым. Ул киңәшләрен биреп бик ярдәм итте, көен дә тиз һәм мин теләгәнчә иҗат итте. Җырны яздыргач та, әти-әниләрем, иптәшләрем бик ошатты. Әбием: “Хыялларым чынга аша” - дип әйтте.

 

 

— Иң беренче чиратта гадилек кирәк. Тәкәббер артистларны яратмыйм. Сәхнәдә күренгәч, җырчы кеше халык белән дә аралашырга, үз тамашачысын хөрмәт итәргә тиеш дип саныйм. Сәхнәдә нинди ачык, шат сурәттә күренәсең, тормышта да шундый булу кирәк. Үз-үзен югарыга куйганнарны яратмыйм.

 

 

— Кешегә ышанучанлыгым бар. Миңа аралашып тору кирәк, аннан башка булдыра алмыйм. Әлбәттә, серләрне әни белән әбиемә һәм әбиемнең сеңлесе — апайга күбрәк сөйлим. Апай мине кечкенәдән булышып үстерде, шуңа аны икенче әни кебек кабул итәм. Дусларга барысын да әйтеп бетереп булмый. Ышанучанлыгым аркасында күңелсез очраклар да була. Мәктәптә бергә йөреп, бар сүзләрне уртак итеп сөйләшкән иптәш кызым белән кадет классына укырга кергәч, ничектер ерагайдык. Соңыннан исә ул барлык серләрне башкаларга да сөйләп бетергән. Аннан соң кемгәдер ышану бик авыр иде, соңыннан гына ачылдым.

 

 

— Бик каты тәнкыйть сүзе әйтсәләр күңелем төшә. Бигрәк тә үземә түгел, ә артымда сөйләгәннәрне яратмыйм. Алай итеп йөргән кешеләр үзләреннән бик нык биздерә. Күземә карап бәреп әйткәннәре юк, бәлки, андый сүзләрне күтәрә дә алмыймдыр. Сәхнәдә чыгыш ясап торгач, начар сүзләр ишетелә, ләкин аларны көнләшү буларак кабул итәм. Шулай ук әбием белән сүзгә килсәк яки аның белән берәр нәрсә булса бик нык борчылам.

 

 

— Артист кына булсын дигән шарт юк, ләкин һөнәре сәнгать өлкәсенә карый торган булса, миңа җиңелрәк булыр иде. Күп җырчылар барыбер тормыш иптәшләре хезмәтләрен аңламый дип зарлана.

 

 

— Көйләр дә язып карыйсым килә. Киләчәктә бер авторлык җырын булса да башкарырга кирәк дип саныйм. Альбом яздыру дип кумыйм, чөнки башта үзеңне күрсәтү кирәк. “Мин бәхетле булыр идем” җыры әзрәк танылып киткәч, бераз гына әкренрәк, моңлырак стильдә яңа җырны да эшләү хыялы бар.

 

 

 

Фотолар шәхси архивтан алынды.