Рәнис Габбазовка бер атна эчендә 100 билет сатылган! (ВИДЕО)

13 ноябрь Казанның Филармония залында узачак Рәнис Габбазовның тәүге концертына инде 100 дән артык билет сатылган! Һәм бу бер атна эчендә генә! Оештыручылар фикеренчә, бу-бик зур уңыш! Бигрәк тә хәзерге кризис заманында. «Алла боерса,Рәнис Габбазовның беренче концертында аншлаг булачак!» - дип белдерде продюсер Рифат Фәттахов.

Рәнис Габбазов Ульян өлкәсендә туып үскән. Балачактан татар җырына, бигрәк тә озын, моңлы көйләребезгә мөкиббән булып үсә. Ә зур сәхнәгә беренче адымнарын 2015 елда Рәшит Ваһапов исемендәге фестивальнең яшь башкаручылар конкурсында җиңү яулаганнан соң ясый башлый.

Бүгенге көндә Рәнис Габбазовны тамашачы радио-телевидениедән ишетеп-күреп белә башлады инде. Яшь җырчыда табигать тарафыннан бирелгән милли моң, халыкчан башкару культурасы, затлы, зыялы репертуар җәлеп итә.

Җырчының беренче концертында аның иҗатташ дуслары – Ваһапов фестивале лауреатлары Гөлсирин Абдуллина, Азат Абитов, Артур Шөгәепов, “Мирас” инструменталь ансамбле һәм, әлбәттә, педагог – җырчы Венера Ганиева катнаша.

Проектның продюсеры – Рифат Фәттахов.

Өметле киләчәге булган яшь җырчының беренче концертына рәхим итегез! Татар галәмендә яңа йолдыз кабына – бу мизгелнең шаһиты булыгыз!

Димәк,13 ноябрь, Филармония, 17:30.

Билетлар – kzn.kassir.ru , concert.ru сайтлары аша,филармония һәм шәһәр кассаларында.
Белешмәләр өчен: 277-18-22; 296-06-27.

Шулай ук Рәниснең кайбер видеозмаларын сезнең хозурыгызга тәкъдим итәбез.Сүз уңаеннан, “Дусларым-туганнарым” җырына төшерелгән клип нибары 3 көн элек кенә дөнья күрде.