|
|
Бүген кемнәр туган
|
|
Архив
|
09.09.2016 Бәйрәм
Корбан бәйрәмебез мөбарәк булсын!Кадерле газета хезмәткәрләре, мөхтәрәм якташ милләттәшләрем, газиз дин кардәшләрем һәм дә авылларыбызда вә шәһәрләрдә дин өлкәсендә чын күңелдән муллалык белән шөгыльләнүче хөрмәтле имамнар һәм хәзрәтләр! Халкыбыз арасында рухи һәм дини, мәдәни һәм гыйльми агарту эшләре алып барганыгыз, күп милләтле илебездә халыкара дуслыкны ныгытып торганыгыз, киләчәк буынны татар телендә вә дини кыйммәтләрдә тәрбияләгәнегез өчен барчагызга олы рәхмәтләремне белдерәм һәм ихсластан Корбан бәйрәме белән котлыйм! Күркәм эшләр кылуны, рухи чисталыкка ирешүне һәм гөнаһларыбызны ярлыкауны гәүдәләндерүче әлеге бәйрәмебез ислам динендә иң олуг бәйрәмнәрнең берсе булып тора. Ул якыннарыңа булган мәхәббәт, гаделлек һәм әби-бабаларыбыз тоткан гореф-гадәтләребезгә тугрылык сыман камил сыйфатларның тормышчанлыгын ассызыклый һәм шуның белән туган җиребездә ислам динен тынычлык һәм игелек дине буларак раслый. Шуңа күрә әби-бабаларыбыз тоткан хак динебезнең, башкарган күркәм гореф-гадәтләребезнең һәм дә ана телебезнең, милли мәдәниятебезнең кыйммәтлелеген ассызыклап, мөһимлеген раслап, аны үзебездән соң килгән буынга тапшырып калдыруны изге бурычыбыз дип кабул итәргә тиешбез. Бала-оныкларыбызга дөрес тәрбия һәм ныклы белем бирү, мөкатдәс динебезгә, ана телебезгә хөрмәт тәрбияләү – безнең уртак һәм бердәм максат булсын иде.
Себер мөселманнары Диния нәзарәте рәисе академик Рәшит БАЯЗИТОВ.
--- |
Иң күп укылган
|