|
|
Бүген кемнәр туган
|
|
Архив
|
08.10.2009 Мәгариф
ЯҢА СҮЗЛЕК – "ГАБДУЛЛА ТУКАЙ. ШИГЪРИЯТ ТЕЛЕ"
Фәнни тикшеренүләргә дә, дидактик филологиягә дә бай материал бирүче әлеге сүзлек бөек татар шагыйре Габдулла Тукай шигъриятенә һәм XX гасыр башы татар теленә хас үзенчәлекләрне өйрәнү чыганагы булып тора. Төзүче-авторлары – Камил Рәхим улы Галиуллин, Резеда Нуретдин кызы Кәримуллина. Сүзлектәге аңлатмалар рус һәм татар телендә, китапның ике кисәге дә дөнья күрде.
Сүзлек Казан дәүләт университетында оештырылган Тукай компьютер фонды нигезендә төзелгән. Шигърият фондына Тукай әсәрләренең академик басмаларындагы бөтен шигырьләр дә керә. Басманың төп өлешен конкорданс, сүзләрнең кире һәм ешлык күрсәткечләре тәшкил итә. Конкорданс – шигырь юллары юллары рәвешендәге цитаталар белән китерелгән сүзләр күрсәткече ул. Сүзлек шагыйрьнең иҗаты белән кызыксынучы һәркемгә, шул исәптән филолог галимнәргә, укытучыларга, студентларга файдалы булачак.
- |
Иң күп укылган
|