|
|
Бүген кемнәр туган
|
|
Архив
|
22.08.2016 Фаҗига
Буада яшен сугып үтергән Ирина Петрованың мәктәптә укучы кызы һәм студент улы ятим калдыКичә кичке 6 нчы яртылар тирәсендә Буа районы Шәмәк авылында ире һәм улының күз алдында яшен сугып үтергән Ирина Петрова бүген авылында җирләнә. Әле күптән түгел генә аның гәүдәсен Буа моргыннан алып кайтканнар һәм часовняга китергәннәр. Бу мәгълүматларны “Татар-информ” агентлыгы хәбәрчесенә Күшки-Шәмәк авыл җирлеге башлыгы Ирина Никитина сөйләде. 1979 нчы елгы Ирина Герасимовна “Ак Барс Буа” агрофирмасының 1 нче филиалында склад мөдире булып эшләгән. Әле кичә, фаҗигагә кадәр дә, ул пайчыларга ашлык өләшкән. Эштән соң, ире һәм улы белән бакчада эшләргә чыккан. Ирина Никитина әйтүенчә, авылда сәгать 4 ләрдә үк күк күкри башлаган, аннан яшенли башлаган. “Яңгыр яумагач, алар да бакчаларында эшләвен дәвам иткән инде. Без, авыл халкы, башлаган эшне яңгырга кадәр тизрәк эшләп бетерү турында гына уйлыйбыз бит. Кем уйлаган аны шулай булыр дип?!” – ди авыл җирлеге башлыгы.
Гөлнар ГАРИФУЛЛИНА |
Иң күп укылган
|