Ятим егеткә протез кирәк

Бар эшне дә булдыра торган, акыллы бала була ул. Шуңа да Иванны туганнары ташламый. Мәктәпне тәмамлагач, егетне армия сафларына алалар. Үзе хәрби хезмәткә барырга теләк белдерә. Аннан исән-сау йөреп кайткач, Иван Бөгелмә базарына эшкә урнаша. Башта бар да әйбәт кенә бара. Егет яшәгән фатиры өчен дә, коммуналь хезмәтләргә дә вакытында түләп бара. Ятимлек ачысы онытылып, Иван үз тормышын корып матур гына яшәгәндә, узган ел аның белән күңелсез хәл килеп чыга. “Базарда ит чабучы булып эшли иде ул. Узган елның июль аенда ялгышлык аркасында Иванның куллары иттарткычка кереп китә. Бер кулы имгәнә. Без аның белән шул вакыйгадан соң очраштык”, – дип сөйли дус кызы Рамилә.

 

Егеткә ярдәмгә бөтен Бөгелмә халкы ашыга. “Мамонтенок” дип аталган волонтерлар төркеме аны үз канаты астына алып, Иванга операция ясау һәм дәвалану өчен акча җыялар. “Бер белмәгән кешеләр булышты. Уң кулын кистергәч, Иван сулын да имгәтте. Шулай итеп, бөтенләй эшли алмас хәлгә килде. Хас­таханәдә ятканда, коммуналь хезмәтләр өчен бурычы да күп җыелды. Шул чакта мәр­хәмәтле кешеләр булышты. Әле хәзер дә ташламыйлар”, – ди Рамилә.

 

Хәзер Иванга протез кирәк. Әлегә ул дәүләт ярдәменә ышана. “Квота белән биреләчәк, ди­ләр. Кулсыз йөрүдән бик уңай­сызланам. Эшләп булмаганга борчылам. Җәрәхәт алган вакытта эшемдә документсыз гына эшли идем. Шуңа күрә эш урынында җәрәхәт алганымны да рәсми рәвештә исбатлатып булмады. Миңа III төркем инвалидлык бирделәр, хәзер дүрт мең сум пенсия алам. Әмма бу акчага ай буе яшәп булмый. Киләчәктә гаилә корасым, балалар үсте­рәсем килә”, – ди Иван.

 

Ул үзенә булышкан бар кешегә чиксез рәхмәтен белдерә. Уңайсызланса да, матди ярдәм сорамый булдыра алмый.

 

 

Сбербанк 5469620018484970, 

Ак барс банк 4244369510540567

Хәбәрләшү өчен телефон 

номеры: 89625720361